Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Rwanda: Béatrice Munyenyezi yasabye kwemererwa kuvugana n'umuryango we
Béatrice Munyenyezi uherutse koherezwa na Amerika mu Rwanda uyu munsi yagejejwe imbere y'urukiko ngo aburane ifungwa n'ifungurwa ry'agateganyo.
Mu cyumba cy'urukiko rw'ibanze ku Kicukiro kirimo abanyamakuru n'abapolisi, yinjijwe yambaye amapingu n'imyenda ya siporo, yari yunganiwe mu mategeko na Me Gatera Gashabana.
Mu rukiko yasomewe ibyaha bitandatu aregwa birimo jenoside, ubufatanyacyaha muri jenoside, gushishikariza gukora jenoside, gufata ku ngufu…
Ntacyo yavuze ku byaha aregwa, ahubwo yasabye ko urubanza rwe rusubikwa kuko atarabona dosiye ikubiyemo ibyo aregwa.
Ubushinjacyaha bwavuze ko ibyo ari uburenganzira bwe.
Munyenyezi - ufungiwe kuri station ya polisi ya Remera i Kigali, yavuze ko asaba kuvugana n'umuryango we kuko avuga ko kugeza ubu atarabona ubwo burenganzira.
Umucamanza yasubitse iri buranisha nk'uko uruhande rw'uregwa rwabisabye, avuga ko risubukurwa tariki 05/05/2021.
Munyenyezi w'imyaka 51, yoherejwe na Amerika arangije igifungo cy'imyaka 10 yari yarakatiwe n'urukiko ahamijwe kubeshya ko nta ruhare yagize muri Jenoside mu Rwanda kugira ngo abone ubwenegihugu bw'Amerika.
