Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Polisi ya Uganda yarekuye 47 bafatiwe mu kabari
Polisi ya Uganda ivuga ko yarekuye abantu 47 bari batawe muri yombi ku cyumweru nijoro mu kabari ko mu murwa mukuru Kampala, gakunze kuganwa n'abantu b'amahitamo mpuzabitsina atandukanye (LGBTQ).
Patrick Onyango, umuvugizi wa polisi ikorera i Kampala, avuga ko abandi 73 bagifungiye kuri stasiyo ('station') ya polisi kandi ko bashobora kugezwa mu rukiko.
Polisi ivuga ko ibiyobyabwenge birimo n'urumogi byasanzwe muri ako kabari, ariko impirimbanyi ziharanira uburenganzira bw'abantu b'amahitamo mpuzabitsina atandukanye zivuga ko abo bantu ari bo bari bagambiriwe.
Izo mpirimbanyi zivuga ko ntacyo polisi yakoze ngo itandukanye abafite ibyo biyobyabwenge bitemewe n'abari bari muri ako kabari bahasohokeye gusa byo kwinezeza.
Imibonano mpuzabitsina y'ab'igitsina kimwe inyuranyije n'amategeko nkuko bikubiye mu mategeko mpanabyaha ya Uganda.
Leta ya Uganda yahakanye ibyavuzwe mu kwezi gushize kwa cumi ko iri guteganya itegeko rishya ryo guhana kurushaho aba LGBTQ.
