MSF ivuga ko ubutabazi ku ndwara ya Ebola muri Kongo ntacyo buri kugeraho kubera kutagirirwa icyizere

Inyandiko gusa
Umunyakanadakazi Joanne Liu w'imyaka 53 y'amavuko, ni we perezida w'ishyirahamwe ry'abaganga batagira umupaka rya Médecins Sans Frontières

Ahavuye isanamu, AFP/Getty Images

Insiguro y'isanamu, Umunyakanadakazi Joanne Liu w'imyaka 53 y'amavuko, ni we perezida w'ishyirahamwe ry'abaganga batagira umupaka rya Médecins Sans Frontières

Ishyirahamwe ry'abaganga batagira umupaka rya Médecins Sans Frontières (MSF) rivuga ko ubutabazi ku ndwara ya Ebola yadutse mu burasirazuba bwa Repubulika ya Demokarasi ya Kongo buri kunanirwa guhagarika iyi ndwara.

MSF ivuga ko ku ruhande rumwe ibyo biterwa n'icyo yita umwuka ukomeje kwiyongera wo kutizerwa n'abaturage ba Kongo.

MSF iherutse kuba ihagaritse ibikorwa byayo by'ubuvuzi bwa Ebola nyuma yaho ibigo by'i Butembo n'i Katwa - yakoranagamo n'abo mu rwego rw'ubuvuzi rwa Kongo - bigabweho igitero.

Abaganga batwaye umurwayi wari umaze kwemezwa ko atarwaye Ebola, ku kigo kivurirwamo Ebola i Butembo mu kwezi kwa cumi na kumwe mu mwaka ushize wa 2018

Ahavuye isanamu, AFP/Getty Images

Insiguro y'isanamu, Abaganga batwaye umurwayi wari umaze kwemezwa ko atarwaye Ebola, ku kigo kivurirwamo Ebola i Butembo mu kwezi kwa cumi na kumwe mu mwaka ushize wa 2018

Joanne Liu, perezida w'ishyirahamwe MSF, yavuze ko ibikorwa by'ubutabazi ntacyo biri kugeraho nubwo bwose hari inkingo nshya zabonetse z'iyi ndwara ya Ebola ndetse n'uburyo buboneye bwo kuyivura.

Madamu Liu avuga ko biterwa nuko abarwayi ba Ebola batigaragaza bitewe no kutagirira icyizere abakora mu bikorwa by'ubuvuzi.