Mu gihe amatora y'umukuru w'igihugu yitezwe ku munsi wa Mungu muri Repubulika y'Intwaro ya Congo (RD Congo), ikibazo co kugura amajwi kiridogegwa.

Abantu baharugwa mu mirongo bari barindiriye inyuma y'inyubakwa y'umukenyezi wa mbere w'igihugu i Goma, babwiye abanyamakuru ko barindiriye guhabwa amahera inyuma yaho bamwe mu bashigikiye umukandida Emmanuel Ramazani Shadary bayaronkeye ku munsi wa mbere.

Abanyagihugu bagiye mu myiyamamazo yiwe mu mpera z'indwi bavuze ko baronse amadolari 30 ($30) umwumwe hamwe n'igitenge c'agaciro.

Bivugwa ko abakandida bose bariko baratanga amahera mu gihe bitabujijwe n'amategeko ya RD Congo, ariko abiyamamaza bagwanya ibiturire bavuga ko abazotora bari bakwiye kwisunga imigambi y'abanyepolitike, ntibahendwe n'ivyo babapfumbatisha.