Amerika ni igihugu cambere rutura muvy'ubutunzi

Iki gihugu rutura cateje imbere ubutunzi bwaco ku rugero rwa 4.1% mur'uyu mwaka w'2018. Vyabonekeye mu gushwara amasoko mpuza makungu.

Mur'iyi myaka ine iheze, ni ubwambere habaye umuvuduko nk'uw'iki gihe.

Ibi bisigurwa n'ikigo c'abany'Amerika 'Bureau of Economic Analysis'.

Kivuga ko, atakubihakana, igihugu ca Leta zunze ubumwe za Amerika casubiriye gukomeza ubutunzi bwaco, mur'aya mezi aheze.

Insiguro nyamukuru ni ububasha bw'ubuguzi bw'abanyagihugu, hagati mu gihugu.

Perezida Trump wewe akoresha amajambo nka 'ni Igitangaza'.

'Sugar rush' : Umuvuduko w'ubutunzi

Ivyigaragaza n'uko iri terambere rishobora kutabandanya mur'aya mezi asigaye, imbere y'uko umwaka w'2018 uhera.

Insiguro n'uko, mu gice ca kane c'iri terambere ry'ubutunzi bwa Amerika, hagaragaye ugushorera ubutunzi hanze, "kwadutse".

Mu bany'Amerika bashwaye amasoko mpuza makungu, harimwo nk'abarimyi b'isoya.

Babigize igihutihuti ngo umwimbu wabo nt'ufatwe n'ihinduka ry'ibiciro, uko ryavuzwe.

Nico abahinga muvy'ubutunzi bataziriye 'sugar rush' umuntu yosigura nk'umuvuduko w'isukari.

Bawise umuvuduko kuko bitaboneka neza ingene iri terambere ry'urudandaza rizoshika mu mezi nk'ukwicenda canke ukw'icumi.