Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Impanuka yatewe n'imiduga indwi yahitanye batatu muri Kenya
Impanuka yabaye ku wa Mungu mu gitondo yatumye imodoka indwi zisekana, yahitanye abantu batatu mu karere ka Naivasha ku birometero 100 uvuye ku mugwa mukuru Nairobi.
Umushingamateka wo mu ntara ya Laikipia yari muri iyo mpanuka, umudereva wiwe akaba ari mu bahasize ubuzima.
Amakuru aturuka mu binyamakuru vya Kenya, avuga ko abandi bantu batandatu bakomerekeye muri iyo mpanuka yabereye ahitwa Marula ku wa Mungu mu gitondo.
Ibarabara rya Nairobi-Nakuru rikunze kubamwo impanuka nyinshi z'imodoka, mu kwezi kwa 12 mu mwaka uheze, iyindi mpanuka ikaba yahitanye abantu barenga 30.
Ino mpanuka ibaye haheze iminsi igipolisi ca Kenya gisavye abagendesha imodoka kurikanura na cane cane muri kino gihe c'imvura, bitewe nuko abagendesha imiduga bataba bakibona kure.
