Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Amatora mu Budage: Merkel ariyamamaza ku nshuro ya kane mu matora yatangiye uyu munsi
Amatora yatangiye mu Budage ku rwego rw'igihugu mu byitezwe ko umuyobozi wa guverinoma Chancellor Angela Merkel ari bugume ku butegetsi.
Ari kwiyamamaza ku nshuro ya kane ku butegetsi anashaka kugumisha ishyaka rye ry'amatwara ya gikristu n'ubwisanzure Christian Democrat (CDU) nk'ishyaka rifite ubwiganze mu nteko ishinga amategeko, Bundestag.
Ishyaka riri mu ihuriro na CDU, rya SPD, ni ryo bihanganye cyane. AfD rigendera ku matwara y'ubuhezanguni ryitezwe kubona intebe mu nteko ishinga amategeko ku nshuro ya mbere.
Ibiro by'amatora byafunguye saa 08:00 ku isaha yo mu BUdage (06:00 ku isaha mpuzamahanga) bikaza gufunga saa 18:00.
Aya matora arabonwa nk'ay'ingenzi cyane kubera ko ashobora gutuma inteko ishinga amategeko ijyamo amashyaka atandatu ku nshuro ya mbere kuva intambara ya kabiri y'isi yarangira.
Ibyo bishobora gutera impinduka mu buryo guverinoma ihuriweho iteye muri iki gihe.
