Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Tchad irashinjwa gutoteza abayinenga
Umuryango mpuzamahanga uharanira uburenganzira bw'ikiremwa muntu ku isi, Amnesty International, urashinja leta ya Tchad gukorera amabi abayinenga.
Uyu muryango uvuga ko mu myaka ibiri ishize, imiryango itegamiye kuri leta mirongo itandatu n'itanu yangiwe gukoresha imyigaragambyo mu mahoro.
Uvuga kandi ko umwaka ushize imbuga za interineti zirenga icumi zitavuga neza leta zafunzwe.
Amnesty International ivuga ko leta ya Tchad ikoresha amategeko akaze agamije guhana abatavuga rumwe nayo.
Ngo ikoresha kandi inzego zayo zishinzwe iperereza mu gucecekesha impirimbanyi z'uburenganzira bw'ikiremwamuntu, abari mu mashyirahamwe y'abakozi n'abanyamakuru.
Kugeza ubu ntacyo leta ya Tchad yari yavuga kuri ibyo bivugwa na Amnesty International.
Umunyamakuru wa BBC uri muri ako karere, aravuga ko ibihugu byo mu Burayi na Amerika akenshi bitita cyane ku bishinjwa leta ya Tchad kubera uruhare rw'ayo mu kurwanya imitwe y'intagondwa zigendera ku matwara akaze y'idini ya Isilamu mu karere irimo.
