Côte d'Ivoire: Ouattara yahinduye bamwe mu bagize leta

Umukuru w'igihugu ca Côte d'Ivoire, Alassane Ouattara yahinduye abari mu bibanza bikomeye vy'ubutegetsi, umushikiranganji wo kwivuna abansi hamwe n'uw'intwaro yo hagati.

Umwe mu bacuditse na Bwana Ouattara, Hamed Bakayoko, yakuwe mu bushikiranganji bw'intwaro yo hagati, ahabwa amabanga yo kurongora ubushikiranganji bwo kwivuna abansi.

Côte d'Ivoire yararanzwemwo imigumuko y'abasirikare mu mezi yahera, abahora mu migwi y'inyeshamba basaba udushirukabute, bishuza n'imishahara.

Ku munsi wa gatanu, niburiburi abasirikare batatu bararashwe barapfa mu migumuko yabaye kw'ikambi ya gisirikare iri mu buraruko bw'igihugu.