Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Abakunzi ba Real Madrid basaba ko Zinedine Zidane yirukanwa
Real Madrid yatsinzwe yari yakoresheje uburyo bwose bukenewe, ku bakinyi n'amahera, mu nkino za Champions League zo mur'iri ci.
Iri shavu ryavuye kw'itsinda rya Paris St-Germain 3 - 0.
Uru rukino rwahurije iyi mirwi ibiri mu Bufaransa, ku wa 18 z'ukw'ukw'icenda, mu mahiganwa ya Champions League.
Bubaye ubwa mbere mu nkino zishika 578 zo mur'urwo rwego, uyu murwi rutura wo muri Espagne, utsindwa ku busa nk'uko.
Kur'ayo makuru y'ikinyamakuru 'The Sun', Zinedine Zidane yemeye ko barushijwe ati:
"Nta gihishwa kirimwo baturushije, naho mu minota 15 ya mbere ari twebwe twayobora urukino".
Yerekana akababaro, Zidane yongeye ati: "Biragoye gusigura ingene vyatunaniye kwigarura, urukino rwose rugahera".
Ivyo adatahura, ni navyo vyashavuje abakunzi b'umurwi wiwe, kuko ubusatirizi bwari bwakomejwe.
Abazwi basatira ni nka Gareth Bale, Eden Hazard na Karim Benzema.
Mur'izi nkino zo muci, Real Madrid yaziteguriye ku giciro c'amahera y'Abongereza imiliyoni 500.
Ku mbuga ngurukana bumenyi, inyandiko za bamwe zemeza ko Zinedine Zidane yagarukanywe nk'umumenyereza wa Real de Madrid, kuko Florentino Perez - umuyobozi w'uwo murwi- vyamunaniye kumwirukana burundu.
