Derbyniodd Dafydd lythyr oddi wrth aelodau Capel Jerusalem, Blaenau Ffestiniog yn ei gyfarch dros Ŵyl y Nadolig.

Ar ôl ei ddarllen, rhoddodd y llythyr i'w ffrind Abraham Jones, milwr o Dan y Grisiau ger y Blaenau, oedd ar y ffordd i'r ffosydd ar y pryd.

Cadwodd Abraham Jones y llythyr yn ofalus yn ei boced frest. Yn anffodus fe'i saethwyd, ac aeth y bwled drwy'r llythyr hefyd.

Gadawodd Abraham lones weddw a phump o blant. Er i Dafydd Jones oroesi'r rhyfel, nis bu llewyrch arno, a bu farw yn 1933.

Cadwodd Dafydd Jones y llythyr ar ôl marwolaeth ei ffrind, ac mae ym meddiant teulu Mrs Morgan hyd heddiw, a'r tyllau bwled i'w gweld yn blaen ynddo.