Nid yw'r Eidalwr 19 mlwydd oed wedi chwarae i dîm cyntaf Chelsea y tymor yma, ond chwaraeodd wyth gwaith y tymor diwethaf. Ei ymddangosiad olaf oedd y fuddugoliaeth yn erbyn Caerdydd yng Nghwpan FA Lloegr ym mis Chwefror 2011. Bydd Borini, sydd wedi chwarae i dîm dan21 yr Eidal, yn cystadlu yn erbyn Luke Moore, Craig Beattie a Stephen Dobbie am le yn llinell flaen Abertawe. Dyma'r ail waith y tymor yma i Rodgers fynd at ei gyn-glwb i arwyddo chwaraewr ar ôl perswadio Scott Sinclair i symud i dde Cymru ym mis Awst. Mae'r goliau wedi sychu i fyny rhyw ychydig i'r Elyrch yn ddiweddar a hwythau wedi sgorio dwy gôl yn unig yn eu tair gêm ddiwethaf. Ond mae tîm Brendan Rodgers yn parhau mewn sefyllfa gref i ennill dyrchafiad i Uwch Gynghrair gyda naw gêm i fynd. Trydydd yn y tabl yw safle'r Elyrch ar hyn o bryd, tri phwynt tu ôl i'r tîm yn yr ail safle, sef Norwich City.
 | 
