ဆူနာမီ - ဆင်တစ်ကောင်က ကျွန်မကို ဘေးလွတ်အောင်ကယ်ခဲ့တာ
ဓာတ်ပုံ ရင်းမြစ်, Amber Owen
ထိုင်းနိုင်ငံမှာ လွန်ခဲ့တဲ့အနှစ် ၂၀ လောက်က ဆူနာမီရေလှိုင်းဒဏ်ကနေ ဆင်တစ်ကောင်ကြောင့် လွတ်မြောက်လာခဲ့တဲ့ အသက် (၈) နှစ်အရွယ် အမျိုးသမီးတစ်ဦးက"ကြုံတွေ့ခဲ့ရတဲ့အရာအားလုံးအတွက် ကျေးဇူးတင်ပါတယ်" လို့ ပြောလိုက်ပါတယ်။
၂၀၀၄ ခုနှစ် ဒီဇင်ဘာ ၂၆ ရက်တုန်းက အင်ဒိုနီးရှားနိုင်ငံ၊ မြောက်ပိုင်းက ပင်လယ်ပြင်အောက်မှာ ပြင်းအား ၉ ဒသမ ၁ ရှိတဲ့ မြေငလျင်ကြီးတစ်ခုလှုပ်ခတ်ခဲ့တဲ့အချိန် မီတွန်ကိန်းစ်မြို့ကလာတဲ့ အသက် ၂၈ နှစ်အရွယ်ရှိတဲ့ အမ်ဘာ အိုဝမ်တစ်ယောက် ဖူးခက်ကမ်းခြေမှာ အားလပ်ရက်ကုန်ဆုံးဖို့ ရောက်ရှိနေခဲ့ပါတယ်။
ဆူနာမီလှိုင်းကြောင့် လူပေါင်း ၂ သိန်း ၃ သောင်းဝန်းကျင် အသက်ဆုံးရှုံးခဲ့ရပြီး ပထမလှိုင်းရိုက်တဲ့အချိန်မှာပဲ အိုဝမ်တစ်ယောက်စီးလာတဲ့ ဆင် "နင်းနွန်"က အိုဝမ့်ကို ဘေးလွတ်ရာကို ခေါ်ဆောင်သွားခဲ့တာပါ။
ကလေးစာပေတွေရေးတဲ့ စာရေးဆရာ မိုင်ကယ်မော်ပါဂိုက မစ္စအိုဝမ်ရဲ့ ဇာတ်လမ်းကို ကိုးကားပြီး Running Wild လို့အမည်ပေးထားတဲ့ စာအုပ်တစ်အုပ်ရေးဖို့ စိတ်ကူးရရာကနေ ပြဇာတ်တစ်ပုဒ်အဖြစ် ပြောင်းလဲဖန်တီးခဲ့ပါတယ်။
ဓာတ်ပုံ ရင်းမြစ်, Amber Mason
ဒီဇင်ဘာလို နှစ်ကုန်ခရီးထွက်လည်ပတ်ကြတဲ့ အပန်းဖြေရာသီမှာ အမေဖြစ်သူရဲ့ နောက်အမျိုးသားအပါအဝင် မိခင်ဖြစ်သူနဲ့ အိုဝင်တို့ဟာ ဖူးဆက်က ကမ်းခြေတစ်ခုမှာ တည်းခိုခဲ့ကြပါတယ်လို့ အိုဝင်ကပြောပါတယ်။
Boxing Day လို့ခေါ်တဲ့ ဒီဇင်ဘာ ၂၆ ရက်နေ့အစောပိုင်းမှာ အိုဝမ်နဲ့ အမေဖြစ်သူ စမန်သာမိုင်းလ်စ်နဲ့အတူ ရေချိုးခန်းထဲမှာရှိနေတဲ့အချိန် "အခန်းက စလှုပ်လာတယ်၊ ဘာဖြစ်နေလဲဆိုတာ ဘယ်သူမှ မသိခဲ့ကြဘူး၊ အခန်းထဲက ပစ္စည်းတွေလည်း ဖြည်းဖြည်းချင်းလှုပ်နေတာ။ အဲဒါနဲ့ပဲ ဘာကြောင့်လဲဆိုတာ မသိနိုင်မယ့်တူတူ မနက်စာပဲသွားစားဖြစ်ခဲ့ပါတယ်။
ဖူးခက်မှာရောက်နေတဲ့ အိုဝင်က နင်းနွန် နဲ့ ယမ်ယမ်တို့လို ဆင်တွေရှိတဲ့ ကလေးတွေ ဝိုင်းဖွဲ့လေ့ရှိကြတဲ့နေရာတစ်ခုကို နေ့တိုင်းနီးပါးသွားခဲ့ပါတယ်။ အဲဒီ ဒီဇင်ဘာ ၂၆ ရက်နေ့ မနက်မှာတော့ အိုဝင်က နင်းနွန်ရဲ့ ကျောပေါ်မှာစီးပြီး ကမ်းခြေကိုဆင်းလာခဲ့ပါတယ်။
ဓာတ်ပုံ ရင်းမြစ်, Getty Images
ရေက အရမ်းဝေးသွားပြီဆိုတာကို အိုဝင်က သတိထားမိခဲ့တယ်လို့ ဆိုပါတယ်။
"ဘာဖြစ်မှန်း မသိခဲ့ပေမယ့် အသံတစ်သံလား၊ ဒါမှမဟုတ် တစ်ခုခုကြောင့်ပဲလား၊ ကမ်းခြေက တိရစ္ဆာန်တွေအားလုံး ပြေးနေကြတယ်။
"ကျွန်မက ဆင်ထိန်းနဲ့ အတူရှိနေတုန်း ရုတ်တရက် ရေတွေတက်ပြီး ဝင်လာတော့ ဆင်က ချက်ချင်းရေထဲကနေဖြတ်ပြီး ဟိုတယ်က ကွန်ကရစ်စင်ပေါ်အထိ ဆွဲခေါ်သွားတယ်" လို့ အိုဝင်က ရှင်းပြပါတယ်။
"တိရစ္ဆာန်တွေကတော့ ဘာတွေဖြစ်နေလဲဆိုတာ သိနေခဲ့တယ်လို့ ပြောလို့ရတယ်" လို့ အိုဝင်ကဆိုပါတယ်။
ဟိုတယ်အနီးတဝိုက်မှာ ရေကန်တွေအများကြီးရှိတာကြောင့် ပင်လယ်ကနေ ရုတ်တရက်တက်လာတဲ့ရေတွေက ဘေးကရေကန်တွေထဲ စီးဝင်သွားတာကြောင့် တခြားနေရာတွေလောက် ဆိုးဆိုးရွားရွားထိခိုက်တာမရှိခဲ့ဘူးလို့ သူကဆက်ပြောပြပါတယ်။
ဆူနာမီပြီးတဲ့နောက် နေရပ်ကိုပြန်ဖို့ရာ လေယာဉ်စီးဖို့ ရက်အတော်ကြာ ကြိုးစားခဲ့ရပြီးနောက် ဒီဇင်ဘာ ၃၁ ရက် နှစ်သစ်ကူးအကြိုနေ့မှာတော့ အိုဝင်က မိသားစုနဲ့အတူ ဖူးခက်ကနေ ပြန်ထွက်ခွာသွားပါတယ်။
ဓာတ်ပုံ ရင်းမြစ်, Amber Owen
နောက်ဆုံးရ သတင်းနဲ့ မျက်မှောက်ရေးရာအစီအစဉ်များ
ပေါ့ဒ်ကတ်စ်အစီအစဉ်များ
End of podcast promotion
အိုဝင့်ကြုံတွေ့ခဲ့ရတဲ့ ဇာတ်လမ်းဟာ စာနယ်ဇင်းတွေက ရေးသားဖြန့်ဝေခဲ့ကြတာကြောင့် "ဒီအတွေ့အကြုံက ကျွန်မနောက်ကို အမြဲလိုက်နေတာ" လို့ အိုဝင် ပြောပါတယ်။
သူ့အကြောင်းရေးသားထားတဲ့စာတွေကိုလည်း "ရင်တထိတ်ထိတ်နဲ့ ပြန်ဖတ်ရတာ အရမ်းကောင်းပါတယ်" လို့ သူက ထည့်ပြောပါတယ်။
War Horse စာအုပ်ကို ရေးသားခဲ့သူ မော်ပါဂိုက Running Wild ဆိုတဲ့ ဒီပြောင်မြောက်တဲ့ ပြဇာတ်ဇာတ်ညွန်းကို ရေးဖို့ဖြစ်လာတာက အိုဝင်နဲ့တွေ့ဆုံပြီး အိုဝင့်အဖြစ်အပျက်တွေကို သိလိုက်ရချိန်မှာ သူ့ကိုရေးဖို့တွန်းအားပေးလှုံ့ဆော်သလို ဖြစ်စေပြီး ဖန်တီးစေခဲ့တာလို့ အိုဝင်ကပြောပါတယ်။
"ဒါဟာ ကျွန်မဘဝရဲ့ ခရီးတစ်စိတ်တစ်ပိုင်းဖြစ်ခဲ့ပါတယ်၊ အဲဒါက ကိုယ်ဖြစ်ခဲ့တဲ့အရာအားလုံးအတွက်လည်း ကျေးဇူးတင်ရမှာပါပဲ" လို့ အိုဝင်က ဖွင့်ဟပြောခဲ့ပါတယ်။
"အရာရာတိုင်းက အကြောင်းပြချက်တွေနဲ့ပဲ ဖြစ်ပျက်နေတာပါ၊ ဒါကလည်း ကျွန်မ အကြောင်းပြချက်ပဲပေါ့။ ဘဝကို ကျေကျေနပ်နပ်ကြီး အပြည့်အဝနေထိုင်တတ်ဖို့ပဲလိုတာ"လို့ အိုဝင်ကဆိုပါတယ်။
"ဒီအဖြစ်အပျက်ကလည်း ဆင်တွေရဲ့ အလိုအလျောက်သိနေတဲ့ အာရုံစိတ်နဲ့ အန္တရာယ်ကို နားလည်နေတဲ့ တိရစ္ဆာန်တွေဆိုတာ သိလိုက်ရတယ်" လို့ အိုဝင်က ပြောပြခဲ့ပါတယ်။
ဓာတ်ပုံ ရင်းမြစ်, Amber Owen
