Tim GB
Gyda phob dydd yn dod a'r achlysur yn agosach, dwi yn edrych ymlaen yn enfawr at weld ein Tîm GB yn dangos tipyn o wladgarwch ac ymroddiad dros y genedl.
Digon o dalent ifanc, digon o allu i gystadlu - a hwyrach mynd am y brif wobr.
Ie, cyfle euraidd i weld be mae'r talent ifanc, newydd yn gallu ei gyflawni ar lefel byd-eang .
Does ond gobeithio y bydd y cefnogwyr yn cymryd y gêm lawn mor ddifrifol â'r chwaraewyr, gan ymgynnull yn niferus i gefnogi Tîm GB!
Yn sgil y cyffro sydd yn gyson godi am y tîm yma, does dim lle i laesu dwylo, a bydd angen buddugoliaeth llawn cymaint ag mewn unrhyw gêm arall.
Ie, prynhawn Sadwrn bydd y Tîm GB go iawn, yr un a gaiff sêl bendith ein Cymdeithas Beldroed , sef tîm Gareth Bale yn wynebu Norwy yn Stadiwm Dinas Caerdydd. (Pa dim arall oeddech chi'n meddwl fy mod yn sôn amdano? - Tîm y Golden Balls? Go Brin! Rhag eich cywilydd!)
Mawr hyderwn y bydd Cymru yn parhau a'r cyffro a'r gwelliant a welwyd yn y gemau diweddaraf.
'Gary's Boys' yn darparu ar gyfer mynd am y 'Gold' yn Brasil , a gobeithio bydd gôl i Bellamy hefyd 'Gw'boi'!
Trin a thrafod y byd pêl-droed yn ffordd unigryw criw 
