Rhewi'n gorn
Gyda phenwythnos arall o gemau pêl-droed, yn cael eu chwalu gan y tywydd oer a rhewllyd, ystyriwch yr effaith a gafodd eira mawr 1946 ar y byd pêl-droed cyn cwyno'n ormodol!
Gohiriwyd cymaint o gemau, hyd nes i'r tymor, yn yr hen adran gyntaf yn Lloegr, ymestyn hyd at ganol fis Mehefin.
Cipiodd Lerpwl y bencampwriaeth ar y Sadwrn olaf, Mehefin 14, pan fethodd Stoke City â churo Sheffield United, a sicrhau mai Lerpwl a fyddai'n bencampwyr, yn dilyn eu buddugoliaeth yn erbyn Wolverhampton Wanderers ar y Sadwrn olaf ym mis Mai (gêm a fyddai wedi gweld y Wolves yn bencampwyr pe bydde nhw wedi ennill).
Yn dilyn y gaeaf oer a rhewllyd sydd yn ein mysg ar hyn o bryd, faint o gemau a fydd angen eu hail drefnu yn Uwchgynghrair Cymru, tybed, ac a fydd hyn yn golygu y bydd y tymor yn ymestyn i mewn i'r Haf?
Petai hyn yn digwydd, byddai deuddeg o'r timau detholedig yn wynebu tymor newydd yn yr Uwchgynghrair, a fyddai'n cynnwys 44 o gemau, o fewn ychydig wythnosau heb fawr o doriad ers diwedd y tymor yma.
Hwyrach nad oes gan Gymdeithas Bêl Droed Cymru rheolaeth dros y tywydd, ond mae wynebu 44 o gemau cynghrair y tymor nesaf yn dechrau gwneud i rywun anesmwytho yn sgil y nifer o gemau fydd angen eu hail drefnu drwy, o bosib, ymestyn y tymor presennol.
Hwyrach y bydd rhaid wynebu'r tymor newydd a'i holl gemau gydag ond ychydig iawn o seibiant rhwng y ddau dymor - ac i'r timau a fydd yn cystadlu yn Ewrop, hwyrach na fydd yna seibiant o gwbwl!
Trin a thrafod y byd pêl-droed yn ffordd unigryw criw 
