A' roinn bhloighean
Nuair a bhios tu a' roinn bhloighean, cùm a' chiad bhloigh mar a tha e, atharraich an samhla airson roinn gu iomadaich, agus tionndaidh an dara bloigh bun-os-cionn.
'S e aon dòigh air a chuimhneachadh:
Cùm e, atharraich e, tionndaidh e (CAT)
Eisimpleir
Obraich a-mach: \(\frac{3}{8} \div \frac{3}{4}\)
Cùm e, atharraich e, tionndaidh e
\(= \frac{3}{8} \times \frac{4}{3}\)
Bidh sinn a-nis a' cleachdadh an aon dòigh ri bhith ag iomadachadh bhloighean:
\(= \frac{{3 \times 4}}{{8 \times 3}}\)
Cuimhnich gun coimhead thu airson fhactaran coitcheann a ghabhas an dubhadh às. An seo roinnidh sinn am bàrr is am bonn le 3 agus 4.
\(= \frac{{1 \times 1}}{{2 \times 1}}\)
(Mura biomaid air dubhadh às, bhiodh \(= \frac{12}{24}\) againn aig an ìre seo)
\(= \frac{1}{2}\)
Feuch a-nis a' cheist gu h-ìosal.
Question
Obraich a-mach: \(5\frac{1}{4} \div 1\frac{2}{5}\)
Nuair a bhios tu a' roinn àireamhan measgte, atharraich iad gu bloighean anabharr an toiseach
\(= \frac{{21}}{4} \div \frac{7}{5}\)
Cùm e, atharraich e, tionndaidh e
\(= \frac{{21}}{4} \times \frac{5}{7}\)
Dubh às 21 agus 7 le bhith a' roinn na dhà le 7
\(= \frac{{3 \times 5}}{{4 \times 1}}\)
Iomadaich na h-àireamhaichean agus na seòrsaichean
\(= \frac{{15}}{4}\)
Atharraich air ais gu àireamh mheasgte
\(= 3\frac{3}{4}\)
