Àrdachadh luach

'S àbhaist do luach taighe a dhol suas thar ùine. Mar sin canaidh sinn gu bheil an luach a' meudachadh (a' dol suas).

Eisimpleir

Chaidh flat a cheannach air £74 000 ann an 2008 agus chaidh an luach aice suas 1.5% gach bliadhna.

Obraich a-mach luach na flat an dèidh ceithir bliadhna.

Bidh sinn a' cleachdadh iomadair airson seo obrachadh a-mach.

'S e an t-iomadair 1 + (1.5% de 1). Sin 1 + 0.015 a tha a' toirt dhuinn 1.015.

Bidh sinn ag iomadachadh 74000 leis an seo 4 tursan.

\({(1.015)^4} \times \pounds74\,000\)

\(= \pounds78\,540.90\)

'S e £78 540.90 luach na flat an dèidh ceithir bliadhna.

('S e dòigh eile air seo a dhèanamh 1.5% dhen luach obrachadh a-mach agus sin a chur-ris. Dhèanamaid seo 4 tursan).

Ìsleachadh luach

'S àbhaist luach càir a dhol sìos thar ùine. Mar sin canaidh sinn gum bi san luach.

Eisimpleir

Cheannaich Jack agus Trisha càr ùr air £8500 ann an 2009. Sa chiad bhliadhna, bha ìsleachadh de 20% san luach aige, 15% san dara bliadhna agus 10% san treas bliadhna.

Obraich a-mach luach a' chàir aig deireadh gach bliadhna.

Freagairt

Luach aig deireadh Bliadhna 1:

Chaidh an ceudad sìos 20%, mar sin 100% - 20% = 80%

\(80\% \,de \,8500\)

\(= 0.8 \times 8500\)

\(= \pounds6800\) ('S e dòigh eile air seo obrachadh a-mach 20% a lorg agus an uair sin thoir-air-falbh)

Luach aig deireadh Bliadhna 2:

Chaidh an ceudad sìos 15%, mar sin 100% - 15% = 85%

\(85\% \,de \,6800\)

\(= 0.85 \times 6800\)

\(= \pounds5780\)

Luach aig deireadh Bliadhna 3:

Chaidh an ceudad sìos 10%, mar sin 100% - 10% = 90%

\(90\% \,de \,5780\)

\(= 0.9 \times 5780\)

\(= \pounds5202\)

Feuch a-nis na ceistean gu h-ìosal.

Question

Cheannaich Sìne fàinne a chosg £200. Chaidh an luach aice suas 10% gach bliadhna.

Obraich a-mach luach na fàinne an dèidh 10 bliadhna.

Question

Cheannaich Ahmed càr a chosg £6000. Bha ìsleachadh de 17% san luach aige sna 3 bliadhna an dèidh a cheannach. Dè an luach a bha aig a' chàr an dèidh 3 bliadhna?

CeudadanÀrdachadh luach