Nuair a tha a' chiad dreach agad deiseil, 's fhiach am pìos ath-sgrùdadh. Tha e feumail do sgrìobhadh a leughadh co-dhiù dà thuras. A' chiad turas a' coimhead gu sònraichte air litreachadh agus gràmar. An dàrna turas a' coimhead air brìgh agus stoidhle. Fhad 's a tha thu a' leughadh, feuch ri smaoineachadh mu na ceistean seo:

• A bheil an sgrìobhadh a' buntainn ris a' ghnìomh/cheist?
• A bheil na beachdan agam soilleir?
• A bheil mi a' neartachadh nam beachdan seo le eisimpleirean/fianais?
• A bheil mi a' cleachdadh tòna fhoirmeil?
• A bheil an stoidhle tlachdmhor a leughadh?
• A bheil co-dhùnadh soilleir ann aig an deireadh?