Seo cothrom sgilean sgrìobhaidh a leasachadh aig Ìre Nàiseanta 5. Anns an earrainn, gheibh thu taic le eisimpleirean de rudan a tha cudromach a thaobh sgrìobhadh breithneachail.
Bidh feum agad taghadh a dhèanamh eadar pìos sgrìobhaidh ìmpidheach agus pìos sgrìobhaidh connspaideach. Am biodh e na b' fheàrr a bhith ag argamaid airson aon taobh dhen argamaid (ìmpidheach), no a bhith a' coimhead air dà thaobh na h-argamaid (connspaideach)?
Chan eil riaghailtean sònraichte ann a thaobh structar nan stoidhlichean seo, ach dh'fhaodadh tu na molaidhean seo a chleachdadh:
Cruth pìos sgrìobhaidh ìmpidheach
Ro-ràdh (inns mun chuspair agus taobh na h-argamaid).
Argamaid a h-aon (adhbhar airson a' bheachd seo le fianais agus taic air a shon).
Argamaid a dhà, trì... ann am paragrafan fa leth.
Beachdan an aghaidh na h-argamaid (ach mìnich carson nach eil thu a' gabhail ri na beachdan seo).
Co-dhùnadh.
Cruth pìos sgrìobhaidh connspaideach
Ro-ràdh (inns mun chuspair is carson a tha e connspaideach).
Argamaid a h-aon airson a' chiad bheachd (le fianais is taic air a shon).
Argamaid a h-aon airson an dàrna bheachd (le fianais is taic air a shon).
