Ysgrifennu a dweud rhifau

Wrth ddweud rhifau cyfan, cofia werth lle'r digidau gwreiddiol.

Yn y Gymraeg mae dwy ffordd o ddweud rhifau ar ôl \({10}\). Yn draddodiadol, ac wrth gyfeirio at ddyddiadau ac amser, fel arfer rydyn ni’n dweud:

Mae’r dull hwn o rifo yn parhau wedyn fesul ugain.

Ar ben hyn mae gyda ni eiriau ar gyfer niferoedd benywaidd a gwrywaidd. Felly:

Mae patrwm diddorol wrth ddisgrifio amser: tair eiliad, tri munud, tair awr, tri diwrnod, tair wythnos, tri mis, tair blynedd.

Fel arall rydyn ni’n defnyddio ffordd fwy uniongyrchol o ddweud y rhifau.

Er enghraifft rydyn ni’n dweud “un deg dau” am \({12}\), ac mae gwerth lle y digidau yn amlwg.

Felly hefyd gyda ‘tri chant dau ddeg a naw’ ar gyfer \({329}\). (Cofia mai \({12}\) ydy ‘deuddeg’, ac mai \({20}\) ydy ‘dau ddeg’).

Yn yr un modd, mae colofnau’r miloedd, y degau o filoedd a’r cannoedd o filoedd fel arfer yn cael eu disgrifio gyda’i gilydd. Dyma enghreifftiau:

Rhif	\({7,000}\)
Dywedwn	saith mil

Rhif	\({67,000}\)
Dywedwn	chwe deg saith mil

Rhif	\({167,000}\)
Dywedwn	cant chwe deg saith mil

Gallwn ni ysgrifennu’r rhif \({3,147,286}\) mewn geiriau fel hyn:

tair miliwn, cant pedwar deg saith mil, dau gant wyth deg a chwech.

Question

Ysgrifenna’r rhif \({4,235,225}\) mewn geiriau.

Ysgrifenna 'dau ddeg tair mil a phum deg chwech' mewn ffigurau.