Mohammed Al Ghannouchi mbrojti të djelën punën e tij në qeveri

Zoti Ghannouchi e njoftoi vendimin e tij gjatë një konference për shtyp.

Ai mbajti një fjalim të gjatë ku mbrojti punën e bërë prej tij në qeveri.

Kryeminstri në detyrë, ka qënë nën një presion të jashtëzakonshëm nga protestat në rrugë, ku është kërkuar dorëheqja e tij për shkak të lidhjeve me qeverinë e shkuar të presidentit të rrëzuar, Zine Al Abidine Ben Ali.

Gjatë të djelës policia në Tunizi përdori gazin lotsjellës dhe qëlloi në ajër në përpjekje për të shpërndarë demonstrat ku bëhej thirrje për qeveri dhe kushtetutë të re.

Këtë muaj qeveria e përkohshme në Tunizi i ka kërkuar Arabisë Saudite informacion lidhur me gjendjen shëndetësore të udhëheqësit të rrëzuar tunizian, Zine el-Abidine Ben Ali.

Kjo kërkesë u bë pas njoftimeve se ai ishte shtruar në spital si pasojë e një infarkti.

Tunizia tha se nëse zoti Ben Ali ishte ende gjallë, ai duhej të ekstradohej nga Arabia Saudite dhe të përballej me akuzat në Tunizi, për korrupsion dhe nxitje të vrasjeve.

Zoti Ben Ali u largua për në Arabinë Suadite pasi kryengritja popullore kundër papunësisë dhe korrupsionit në vend, i dha fund sundimit të tij 23 vjeçar.