John Sudworth BBC, Seul

	Ban Ki Moon megjithatë është optimist për një marrëveshje

Duke folur gjatë një vizitë në atdheun e tij, Korenë e Jugut, zoti Ban tha se mosarritja e një marrëveshjeje globale për ujen e emetimeve që shkaktojnë efektin serë do të çonte të vuajtje njerëzore të pallogaritshme.

Parashikimi i bërë nga zoti Ban shkon në kufi apokaliptikë.

Mosarritja e një marrëveshjeje për të luftuar ndryshimet e klimës, do të intensifikojnë thatësirat, përmbytjet dhe katastrofat natyrore.

Mungesa e ujit do të prekë qindra milion njerëz dhe të kequshqyerit do të prekin pjesë të mëdha të botës, tha Sekretari i Përgjithshëm i OKB-së.

Duke folur në një Forum për mjedisin, që zhvillohej pranë Seulit, ai foli edhe për vuajtje njerëzore të pallogaritshme, rrezik për trazira sociale dhe madje dhunë.

Udhëheqësit botërore do të përpiqen të arrijnë objektiva të rinj për të ulur emetimet e gazeve ndotëse, gjatë një konference të OKB-së që zhvillohet në dhjetor në Kopenhagë.

Zoti Ban tha se afati po skadon, por ai kishte besim që bota mund ta parandalojë një katastrofë.