Bernard Kouchner ka qënë administratori i parë i Kosovës

Zoti Kouchner, i cili ka qenë shefi i parë i Misionit të Kombeve të Bashkuara në Kosovë, do të ketë takime me krerët e institucioneve vendore dhe ndërkombëtare, përfaqësuesit serbë si dhe do të vizitojë disa vendebanime serbe dhe shqiptare.

Bernard Kouchner vjen në Prishtinë, pas vizitës që bëri të enjten në Beograd, ku mori pëlqimin e autoriteteve serbe për vazhdimin e negociatave me palën shqiptare.

Zoti Kouchner ka deklaruar në Beograd se nëse bisedimet shtesë dështojnë në arritjen e një kompromisi, opsioni i vetëm real për zgjidhjen e statusit të Kosovës është plani i Ahtisarit për pavarësi të mbikëqyrur.

Nga ana tjetër, shefi i diplomacisë serbe, Vuk Jeremiq përsëriti se Beogradi kurrë nuk do të pajtohet me pavarësinë e Kosovës.