Rama thotë se zgjedhjet janë alternativa për krizën

Deklaratën e tij zoti Rama e bëri në qytetin e Shkodrës, etapa e parë e një turi të ndërmarrë prej tij për të përgatitur strukturat socialiste për zgjedhjet e parakohshme pas dështimit të konsensusit me shumicën e djathtë për zgjedhjen e presidentit të ri të vendit.

Duke iu referuar kundërshtarit të tij politik, kryeministrit Sali Berisha, kreu socialist tha se duhen larguar nga skena politike figurat e vjetra që nuk kanë sens bashkëpunimi.

Ndonëse ka shprehur shumë rezerva për punën e prokurorisë shqiptare, e cila qe prej zgjedhjeve parlamentare të 3 korrikut të vitit 2005 është vënë në qendër të sulmeve të ashpra nga shumica qeverisëse, zoti Rama tha se partia e tij nuk mund të pranojë pazare në kurriz të pavarësisë së institucioneve.