Jonathan Beale Korrespondenti i BBC-së

	SHBA-ja kërkon mbështetje ekonomike dhe politike për Irakun

Ditën e premte do të ketë një takim të dytë për të diskutuar sigurinë në Irak me fqinjët e tij.

Sekretarja amerikane e Shtetit, Condoleezza Rice, nuk ka përjashtuar mundësinë e bisedimeve direkte me ministrat e jashtëm të Iranit dhe Sirisë.

Condoleezza Rice e ka pranuar se disa vende vazhdojnë të bëjnë qëndresë për të dhënë mbështetje financiare dhe politike për Irakun.

Por duke folur për gazetarët, gjatë rrugës për në Egjipt, ai tha se gjithçka ishte e mundur për Irakun dhe rajonin si i tërë.

SHBA-ja shpreson se do të ketë një marrëveshje ndërkombëtare që do të mund të lëvrojë miliarda dollarë ndihmë për Iraku në formë ndihme dhe falje borxhi.

Megjithatë, disa vende arabe duan garanci se qeveria irakiane do të bëjë shumë më shumë për të tërhequr minoritetin sunit dhe për të tejkaluar ndarjen sektariane.

Sekretarja amerikane e Shtetit e ka lënë të hapur mundësinë për një takim me ministrin e Jashtëm iranian.

Që prej 30 vjetësh ka patur shumë pak kontakte formale edhe mes Iranit dhe SHBA-së.

Shtetet e Bashkuara duan ta shfrytëzojnë këtë mundësi për t'u përqëndruar në të ardhmen e Irakut dhe për të tërhequr mbështetje ndërkombëtare.

JONATHAN BEALE, BBC NEWS, SHARM EL-SHEIKH