James Westhead BBC, Uashington

	Presidenti Bush tha se tërheqja do të ishte recetë për kaos

Presidenti e përshkroi vendosjen e një afati për tërheqjen e trupave si të papërgjegjeshëm.

Projektligji u dërgua nga kongresi i kontrolluar nga demokratët.

Me një të rënë të lapsit presidenti Bush bllokoi vullnetin e Kongresit amerikan, duke kundërshtuar vendosjen e një afati për tërheqjen e trupave nga Iraku.

Kjo është hera e dytë që kur mori detyrën që zoti Bush e përdor veton.

Disa orë përpara kësaj, udhëheqësit demokratë nënshkruan projekligjin, i cili vazhdon të financojë trupat amerikane në Irak dhe i bënë thirrje presidentit që të dëgjojë vullnetin e popullit amerikan.

Duke shpjeguar vendimin e tij, presidenti Bush tha se vendosja e një afati do të ishte një recetë për kaos.

"Nuk ka kuptim që t'i thuhet armikut se kur parashikon të fillosh tërheqjen", tha presidenti amerikan.

"Unë besoj në vendosjen e një afati për tërheqjen që do të mund të demoralizonte popullin irakian, do të inkurajonte vrasësit në mbarë Lindjen e Mesme dhe do të dërgonte mesazhin se amerikanët nuk i mbajnë premtimet."

"Vendosja e një afati për tërheqje është vendosa e një afati për dështim," tha zoti Bush.

Reagimet pas këtij zhvillimi ishin të menjëhershme.

Kandidati demokrat për president, senator Barack Obama, tha se presidenti Bush e kishte injoruar me kokëfortësi vullnetin e popullit amerikan dhe në mënyrë shqetësuese realitetin në Irak.