Jane O'Brien BBC, Uashington

	Bush thas e ka besim se palët do të gjenin një gjuhë të përbashkët

Demokratët që kontrollojnë Dhomën e Përfaqësuesve, nuk mund ta kthenin veton e presidentitn mbi ligjin për shpenzimet që vendos si kusht edhe një afat për tërheqjen e trupave.

Demokratët që kontrollojnë kongresin janë në një pozicion të vështirë.

Ata duan që të përdorin fuqinë e tyre mbi financimet për të kontrolluar politikën amerikane në Irak.

Ata, nga ana tjetër, nuk duan as që të akuzohen se nuk i kanë mbështetur trupat në kohë lufte.

Ata e dinë se Presidenti Bush nuk do ta firmojë një ligj që bën fjalë për një afat tërheqjeje.

Udhëheqësit e demokratëve nuk pranuan të thoshin, nëse do të bënin kompromis lidhur me këtë çështje, por kryetarja e Kongresit, Nancy Pelosi, tha se ata ishin të vendosur për t'i dhënë fund luftës.

Presidenti Bush tha se kishte besim se mund të arrihej një marrëveshje.

Duke iu referuar vetos, zoti Bush tha se ajo theksonte dallimet.

Ai tha se të enjten se palët do të punonin për të gjetur një gjuhë të përbashkët.

Të gjitha palët pajtohen se ka nevojë për një rezolutë të shpejtë dhe republikanët shpresojnë se ligji i ri do të jetë gati që të firmoset nga presidentit deri në fund të muajit.