Itoophiyaatti namni tokko guutummaan koronaavaayirasii irraa bayyanate

Itoophiyaatti namoota koronaavaayirasiin qabaman 16 keessaa namni tokko guutummaa guututti bayyanachuu Ministirri Fayyaa beeksiise. Ministirri Fayyaa Dr Liyaa Taaddasaa walumaagalattis namoota vaayirasichaan qabaman 16 keessaa 13 ammallee bakka tursiifaman keessaa akka jiran himaniru.

Haguuggii Tamsaasa Kallattii

28 Bitooteessa 2020Yugaandaan har'a namoonni 5 Covid-19'n qabamuu beeksiste
Yugaandaan har'a dabalataan namoonni shan COVID-19 qabamuu isaanii mirkaneessite.
Ministirri Fayyaa biyyatti ibsa kenneen, namoota har'a mirkaneeffaman shan dabalatee biyyattiitti lakkoofsi COVID-19n qabaman 23 gaheera.
Namoonni har'a koronaavaayirasiin qabamunsaanii mirkanaa’ee shananu kan biyya alaa galaniifi wayita qoratamaniitti adda baafamanii turan ta’u ibsameera.
Osuma bakka adda baafamanii keessa jiranuu mallattoofi dhukkuubbi koronaa irratti mul'achuun isaa ibsamameera.
Namoota kanneen keessaa tokko lammii biyya alaa yoo taatuu, afran hafan immoo lammiilee Yugaandaa Dubaayii dhufan jedhameera.
Walumaagalattis namoonni 1,175 hordooffii jala kan jiran yoo ta’u, isaan keessaa 876 dhaabata keessatti adda kan baafaman, 299 ammoo ofiin kan adda ofi baasan ta’u himame.
Namoonni 1,596 adda baafamanii turan immoo hordoffii guyyoota 14 xumuruun waraqaan ragaa kennamuuf ibsichi mul'ise.
Namoonni koronaavaayirasiin qabamunsaanii mirkanaa’e 18 sadarkaa fayyaa gaariirratti argamu jedhameera.
Madda suuraa, AFP
28 Bitooteessa 2020Kantiibaan Finfinnee magaalaa keessa naanna'uun waa’ee Covid-19 ergaa dabarsan
Madda suuraa, Takele Uma
Kantiibaan Itti -aanaa Magaalaa Finfinnee Injinara Takkalaa Uumaa magaalaa Finfinnee keessa naanna'un waa'ee koronaavaayirasii ergaa dabarsauu isaanii himan.
Fuula tiwiitaraa isaanii irratti ergaa dabarsaniin bakkeewwan magaalichaa dhaqanii ergaa itit dabarsan eeraniiru.
Ummanni dhukkuba addunyaa yaaddesserraa akka of eegu ergaan darbaa turuus jirrattonni guutummaatti ergaa kana hojiirra oolchaa akka hin jirre qondaaltonni mootummaallee ibsaniiru.
Pirezidantii Itoophiyaa: 'Qajeelfama hojiirra oolchuu irratti baay'ee nu hafa'
Maxxansa X irra dabri
Qabiyyee X hayyamtaa?
Barreeffamni kun qabiyyee [social_media-site]n dhiyaatan qaba. Tarii 'cookies' fi teknolojiiwwan biraa fayyadamuu waan danda'aniif, osoo tokkoonsaa gadi hin buufamiin dura hayyama keessan gaafanna. Osoo hin simatin dura Ximaammata cookies fi imaammata mateenyaa dubbisuu barbaadda ta'a. Qabiyyee kana ilaaluuf 'waliigaluun itti fufi' filadhu.
Hubachiisa: Qabiyyee marsariitiiwwan alaatiif BBCn itti gaafatamummaa hin fudhatu.
Xumura maxxansa X
28 Bitooteessa 2020Maanguddoon waggaa 101 COVID-19 irraa fayyuun hospitaalaa bahan
Xaaliyaaniitti oduu gaddaa qofaa miti kan dhagahamu. Oduu gammachisaan warra kaaniitti abdii horuus dhagahamaa jira.
Kaaba-Bahaa magaalaa Riminii jiraataa kan turan maanguddoon waggaa 101 tokko koronaavaayirasiin qabamuun hospitaalaa kan galan torban darbe ture.
Maanguddoon ‘Mr P’ jedhamuun beekaman kunis bayyanachuun hospitaalaa Kamisa darbee bahuun gara manasaanii deebi’aniiru.
Kantiibaan ittaantuun bulchiinsa Rimini, Giloriyaa Lisi akka jedhaniitti ‘dhugaatti bayyanannaan isaanii kun kan gara fuula duraatti abdii kenneedha,’’ jedhaniiru.
‘‘Mr P bayyanachuu danda’aniiru. Maatiin isaa amma gara manaa galchaniiru. Kunis umrii waggaa 101’tuu fayyuun akka danda’amu nu barsiisuufi,’’ jettee jirti.
28 Bitooteessa 2020Amma nu gahe, MM Abiyy Dr Teedroos Adihaanom waliin mari'achuu himan
Madda suuraa, Getty Images & Abiy Ahmed/FB
Ibsa waa'ee suuraa, MM Abiyyi Ahimadiifi Daarektara Olaanaa Dhaabbata Fayyaa Addunyaa Dr Teediros Adihaanom
MM Abiy Ahimad guyyaa kaleessaa dhimma COVID-19 irratti Daarektara Olaanaa Dhaabbata Fayyaa Addunyaa waliin dubbachu himan.
Ministirri mummee Itoophiyaa Abiy, dhimmoota murtessoo COVID-19 ittisuuf adrii Afriikaaf barbaachisan irratti bilbilaan waliin mariachuusaanii fuula tiwiitara isaaniirratti barreessaniiru.
Keessattuu Dr Teediroosii fi gareen isaanii yeroo murteessaa kanatti hooggansa kennaa jiraniif akkasumas Itoophiyaafi Afrikaa waliin dhaabbachu isaaniif galateeffataniiru.
Maxxansa X irra dabri
Qabiyyee X hayyamtaa?
Barreeffamni kun qabiyyee [social_media-site]n dhiyaatan qaba. Tarii 'cookies' fi teknolojiiwwan biraa fayyadamuu waan danda'aniif, osoo tokkoonsaa gadi hin buufamiin dura hayyama keessan gaafanna. Osoo hin simatin dura Ximaammata cookies fi imaammata mateenyaa dubbisuu barbaadda ta'a. Qabiyyee kana ilaaluuf 'waliigaluun itti fufi' filadhu.
Hubachiisa: Qabiyyee marsariitiiwwan alaatiif BBCn itti gaafatamummaa hin fudhatu.
Xumura maxxansa X
28 Bitooteessa 2020Amma nu gahe, Keeniyaatti dabalataan namoonni 7 koronaan qabamuun mirkanaa’e
Ministeerri Fayyaa biyyatti Mutaahi Kaagiween namoonni torba dabalataa vaayirasiin irratti argamu mirkanaa'uu himan.
Walumaagalattis biyyattii keessatti lakkoofsi namoota dhukkuba kanaan qabamanii 38 gaheera.
Biyya Keeniyatti dhukkuba kana irraa namni tokko yeroo bayyanatu tokko immoo du’uun isaa ni yaadatama.
28 Bitooteessa 2020Amma nu gahe, Itoophiyaatti namni tokko gutummaan koronaavaayirasii irraa bayyanate
Itoophiyaatti namoota koronaavaayirasiin qabaman 16 keessaa namni tokko gutummaa guututti bayyanachuu Ministirri Fayyaa beeksiise.
Ministirri Fayyaa Dr Liyaa Taaddasaa dhimmicha ilaalchisee fuula Feesbuukii isaaniirratti akka maxxansaniitti, walumaagalattis ammatti namoonni bakka adda baasuun tursiifaman keessaa namoota 13 jiraachuu ibsan.
Namoota wal'aansa argataa jiran keessaa namni tokko gutummaatti vaayasicharraa bayyanachuu kan ibsan ministirittiin, namni baay'ee dhukkubsataa jiru akka hinjire himan.
Biyyattii keessatti namoonni 16 vaayirasichaan qabamunsaanii kan mirkanaa’e yoo ta’u, isaan keessaa lammiileen Jaappaan lama gara biyyasaanii deebi’uun ni yaadatama.
Madda suuraa, Ministry of Health
28 Bitooteessa 2020Pirezidaant Tiraamp kaampaaniin Janaraal Mootars afarsituu akka oomishu ajajan
Madda suuraa, Reuters
Pirezidantiin Ameerikaa Donaald Tiraamp kaampaanii konkolaataa oomishuun beekamu Janaraal Mootars afarsituu akka oomishu ajajan.
Dhaabbatichi yeroo balleessaa jiran jechuun lubbuu lammiilee Ameerikaa baraaruun akka barbaachisu dhaaman.
Ameerikaatti yeroo ammaa namoonni 104,000 ol dhukkuba koronaavaayirasiin qabamaniiru.
Lakkoofsi namoota jalaa du’anii garuu Xaaliyaaniifi Ispeenirraa baay’ee fagoodha.
Ajaja kanaafis seera bara lola Kooriyaa tureefi pirezidantiin biyyattii dhimma biyya baraaruu irratti dhaabbilee ajajuu akka danda’an eeyyamuf fayyadamuu isaanii ibsaniiru.
Dhukkubsattoonni koronaavaayirasii rakkoo hargansuu waan isaan qunnamuuf wal’aansa fayyaa taasifamuf keessaa tokko hargansuun isaanii akka adda hin cinne taasisuudha.
Kanaaf immoo afarsituu yookiin kan Afana Ingiliziin 'ventilators' jedhan barbaachisoodha.
Maxxansa X irra dabri
Qabiyyee X hayyamtaa?
Barreeffamni kun qabiyyee [social_media-site]n dhiyaatan qaba. Tarii 'cookies' fi teknolojiiwwan biraa fayyadamuu waan danda'aniif, osoo tokkoonsaa gadi hin buufamiin dura hayyama keessan gaafanna. Osoo hin simatin dura Ximaammata cookies fi imaammata mateenyaa dubbisuu barbaadda ta'a. Qabiyyee kana ilaaluuf 'waliigaluun itti fufi' filadhu.
Hubachiisa: Qabiyyee marsariitiiwwan alaatiif BBCn itti gaafatamummaa hin fudhatu.
Xumura maxxansa X
28 Bitooteessa 2020Amma nu gahe, Ispeenitti lakkoofsi namoota du'anii 5,000 ol tare
Madda suuraa, EPA
Ispeenitti erga sa’aatiiwwan 24 darban keessatti duutii 832 ol galmaa’een booda waliigalatti namoonni COVID-19n du’an 5,000 ol gaheera.
Amma lakkoofsi namoota du’anii 5,690 kan gahee yoo ta’u, namoonni vaayirasichaan qabamunsaanii mirkanaa’e ammmoo 72,248 gaheera.
Hanga Ebla 12’tti labsiin yeroo muddamaa kan labsame yoo ta’u, sochiin namootaa dhorkamuun suuqiiwwaniif daldalli irra jireessi cufameera.
Loltoonni hospitaalaafi dhaabbilee biraa dhiibbaa olaanaa jalatti argaman akka sirriin qulqulleessaniif ergamaniiru.
Ispeenittis akkuma biyyoota biraa, hojjattoonni fayyaa hanqina meeshaalee ittisaa jiraachu himatu.
28 Bitooteessa 2020Pirezidaantiin Gaanaa hiyyeeyyii Covid-19n qabamaniif miindaa isaanii kennuufi
Pirezidantiin Gaanaa Akufo-Addo haasaa taasisaniin, magaalotiin Gaanaa sadii sochii irra jirreessa irraa ugguramu beeksiisaniiru.
Uggura kanaanis magaalaa guddoon biyyattii Akiraa walakkeessan kan cufamtee turtu yoo ta'u, kanneen nyaataafii qoricha gurguraniifi bitataniin alatti socho’uun dhorkaadha jedhan.
Poolisiifi raayyaan ittisa biyyaa uggura kaa’ame kana hojiirra kan olchan ta’un barameera.
Haaluma kanaanis, namoota COVID-19niin miidhamaniifi galii gadaanaa qabaniif deeggarsa miindaa isaanii kan baatii sadii taasisuuf waadaa galaniiru.
Biyyatti keessatti namoonni 137 koronaavaayirasiin qabamun kan mirkanaa’ee yoo ta’u, namoonni afuris sababiidhuma kanaan lubbuusaanii dhabaniiru.
Gama biraatiinis namoonni dhukkubichaan qabamanii turan lama fayyuun isaanii barameera.
28 Bitooteessa 2020Amma nu gahe, Koriyaan Kibbaa abdii horachuu himatte
Namoonni Koriyaa Kibbaatti COVID-19n qabaman hedduun bayyanatan.
Koriyaa Kibbaatti yeroo jalqabaatiif lakkoofsi namoota koronaavaayirasiin qabamanirraa kanneen bayyanatanii hospitaalaa bahan caalu beeksifte.
Guyyaa har'aatti namoonini 146 vaayirasichaan qabamuun kan mirkanaa’e yoo ta’u, walumaagalattis namoonni biyyattii keessatti vaayirasichaaf saaxilaman 9,478 gaheera.
Gama biraatiin immoo namoonni 4,811 bayyanachuun hospitaalaa bahuun himame.
Koriyaan Kibbaa tattaaffiin isheen tatamsa’ina dhukkubichaa dhaabuuf taasifte kan diqisiifamedha.
Kan dhukkubichana faalame hordofanii adda baasuu, namoota baay'ee qorachuufi dhukkubsattoota dafanii adda baasuun hojii olaanaa hojjatteetti.
Madda suuraa, bb
28 Bitooteessa 2020Magaalaan Chaayinaa Covid-19'f ka'umsa turte gartokkeen sochiif saaqamte
Madda suuraa, AFP
Chaayinaatti Magaalaan Wuhaan, kan koronaavaayirasiif ka’umsa turteefi karra cufattee turte amma gartokkeen sochiif saaqamte.
Namoonni gara Wuhaan deeman kanneen maatiisaanii yeroo dheeraaf osoo hinargiin turanis magaalattii debi’anii bahuuf kan hayyamamuuf torban tokkoon booda.
Wuhaanitti namoota 50,000 ta’an iratti vaayirasichi kan argamee ture yoo ta’u, kanneen kuma sadii ta’an immoo du’aniiru.
Chaayinaan namoota vaayirasiin qabamanii gara biyya biraatii dhufan ittisuuf jecha, kanneen jireenyaaf hayyama qaban illeen osoo hinhafne akka hingalleef dhorkite jirti.
28 Bitooteessa 2020Magaalaa Finfinnee daandiiwwan km 42 ta’an 13 irratti qorichi farra vaayirasii biifamuuf
Madda suuraa, Addis Ababa City Adm
Maagaalaan Finfinnee boru ganama sa’aatii 2- 6’tti daandiiwwan gurguddoo 13 irratti qorichi farra vaayirasii akka bifamu ibsame.
Daandiiwwan filatamuun dheerina km 42 haguukan kanneen irratti biifaan qoricha farra vaayirasii kan gaggeefamu magaalattii tatamsa’ina koronaa irraa ittisuuf.
Haaluma kanaanis, Adabaabaayii Masqalaatii hanga Boolee, Adabaabaayi Masqalaa hanga Xorihaayiloch, Adabaabaayi Masqalaatii hanga Kiloo 6, Adabaabaayi Masqalaatii hanga gotaraa achinis hanga Saarisiitti kan haguguudha.
Kana malees, Adabaabaayi Masqalaatii hanga Maganaanyaatti, Biheeraawiidhaa hanga Meeksikootti, Suppar Maarkeetii kaasee Kaasaanchisi hanga Uraa’elitti, Adabaabaayii Minilikii hanga Paastariitti, Adabaabaayii Minilikii hanga kilo 4 hanga Maganaanyaatti bifaan qorichaa kun ni gaggeefama.
Adabaabaayii Minilikii hanga kiiloo 6, Adabaabaayii Minilikii hanga Awutobis Taraa, Adabaabaayii Minilikii hanga takilaayimaanottii daandiiwwan boru qorichi akka irratti bifamuu ibsaman keessatti argamu.
Daandiiwwan kunneenis gamanaa sa’aatii lamaa hanga guyyaa sa’aatii jahaatti tajaajila irra bilisa akka ta’an ibsameera.
28 Bitooteessa 2020Amma nu gahe, Dura Taa'aan Gamtaa Afrikaa koronaavaayirasiirraa bilisa ta'an
Madda suuraa, Getty Images
Dura Taa'aan Komishinii Gamtaa Afrikaa Muusaa Faaki Mahaamaat qorannoo taasifameen dhukkuba koronaavaayirasirraa bilisa ta'u isaanii himan.
Namni isaan waliin hojjetu koronaavaayirasii erga qabamee booda of shakkuun of qoodanii akka jiran guyyaa kaleessaa ibsanii turan.
Dura Taa'aan kuni fuula tiwitaraa isaanii irratti barreessaniin bilisa ta'u isaanii himaniiru.
Ta'us, guyyoota kudha afran dhufanif of qoodanii akka jiraatan dhaamaniiru.
Namni isaan waliin hojjetuufi dhukkibichaan qabame immoo haala gaariirra akka jiru eeran.
Namni isaan waliin hojjetan kuni lammii Moorishiyees yoo ta'an namoota dabalataa 4 vaayirasii kanaan qabamaniifi Ministeerri Fayyaa Itophiyaa kaleessa beeksise keessaa tokkodha.
Ergaa isaaniin Dura Taa'aan Komishinii Gamtaa Afrikaa falmiin Afrikaan dhukkuba kana waliin taasistu reefu eegalu himuun hunduu waliin akka ta'u waamicha dhiheessaniiru.
Maxxansa X irra dabri
Qabiyyee X hayyamtaa?
Barreeffamni kun qabiyyee [social_media-site]n dhiyaatan qaba. Tarii 'cookies' fi teknolojiiwwan biraa fayyadamuu waan danda'aniif, osoo tokkoonsaa gadi hin buufamiin dura hayyama keessan gaafanna. Osoo hin simatin dura Ximaammata cookies fi imaammata mateenyaa dubbisuu barbaadda ta'a. Qabiyyee kana ilaaluuf 'waliigaluun itti fufi' filadhu.
Hubachiisa: Qabiyyee marsariitiiwwan alaatiif BBCn itti gaafatamummaa hin fudhatu.
Xumura maxxansa X
28 Bitooteessa 2020Somaaliyaatti uggurri caatiirra kaa'ame jijjirama jireenyaa fidaa laata?
Somaaliyaatti daldalli caatii yeroodhaaf dhorkamuunsaatin maagaalaa guddoo biyyattii Moqaadishoo keessatti dinagdeen fayyadamtoota fooyyee agarsiisee jedhamee.
Uggura yeroo kaa'ameen fayyadamtoonni torban tokkicha keessatti dolaara miiliyoona sadii ol akka qusatani gargaaru himame.
Dureen duula uggura daldala caatii biyyattii kan ta'e Abukaar Awaale dhorkaan amma yeroof ka'amee kunis kan dhaabbataa akka ta'uuf gaafataa jira.
Dureen duula kanaa Abukaar akka jedhutti, fayyadamtoonni caatii Somaaliyaa keessatti garmalee babal'ataa jiruu bal'aadha.
Ugguurri caatii kunis dhorkaa balaliinsa idil-addunyaatiin walqabatee Somaaliyaa keessatti kan labsame torban darbe ture.
Somaaliyaa haaluma qaama yaalii ittisa koronaavaayirasitiin wal qabatee balaliinsa idil-addunyaa kamiyyuu akka gara biyyaatti hingalleefi biyyaa gara biraa hin balaliine uggurte jirti.
Somaaliyaan guyyaatti caatii tooniiwwaniitti lakkaa'amu galachaa kan turte yoo ta'u, irra caalaan isaa Keeniyaarraa ture.
Biyyoota addunyaa baay'ee keessatti caatii fayyadamuun akka gocha seeraan alaatti lakkaa'ama.
Madda suuraa, Getty Images
28 Bitooteessa 2020Raashiyaatti koronaavaayirasiin hin hammaanne garuu balbala cufachuu eegalte
Mootummaan Raashiyaa dhukkubni koronaavaayirasii biyyattii keessaa babal’achuu baatus balbala cufachuu eegalte.
Tatamsa’ina vaayirasii kanaa ittisuuf 'torban namni hojii hin hojjenne’ jechuun pirezidantiin biyyattii Vilaadmiir Puutin labsaniiru.
Mootummaan ummanni mana akka turuuf dhaamuulleen garuu ergaan darbe ummata bitaa galcheera.
Haala fayyaa hawaasni keessa jiru bu’uura godhachuun murteen kuni Ebla 05 darbuullee mala jedhameera.
Lakkoofsi lammiilee Raashiyaa Covid-19’n qabaman 1,000 darbeera.
Kanneen keessaa gara caalu kan galmaa’e magaalaa Moskoo keessattidha.
Lakkoofsa kana irratti hundaa’un Dubbii Himaan Kireemliin Raashiyaa keessa weerarri koronaavayirasii hin jiru jedhaniiru.
28 Bitooteessa 2020Walitti dhufeenya hawaasummaa attamiin hir'isuun danda'ama?
Gorsawwan namoonni tatamsa'ina koronaavaayirasii ittiisuu keessatti akka hojiirra oolchaniif gorfaman keessaa tokko, walitti dhufeenya hawaasummaa hir'isuudha.
Attamiin kana hojiirra akka olfamuu ibsa asiin gadii kana dubbifadhaa!
28 Bitooteessa 2020Ispeenitti duuni dabalus namni haaraa qabamu garuu hamma tokko hir’ataa jira
Madda suuraa, Reuters
Qondaaltonni Ispeen akka jedhanitti, lakkoofsi namoota dhukkuba koronaavaayirasiin du’anii guddatus lakkoofsi namoota qabamani garuu hamma tokko hir’ina agarsiise jedhan.
Hanga ammaa biyya kanatti namoonni 5,138 ta’an dhukkuba kanaan lubbuu dhabaniiru.
Biyyattiitti lakkoofsi namoota vaayirasi addunyaan yaaddesseen qabamanii 65,000 olidha.
Lakkoofsi namoota guyyaa kaleessaa qabamanii kan Kamisaan yeroo walbira qabamu %14’n dabale.
Isa dura garuu %18 fi 20% dabalaa ture.
Dhukkuba kanaan keessumaa ogeessota fayya manaa manatti yaala taasisanitu hubame.
Biyyoota Awurooppaa keessaa Xaaliyaanittii aantee biyyi dhukkuba kanaan hubamte Ispeeniidha.
28 Bitooteessa 2020Lammiileen Tuniziyaa guyyaatti maaskii 50,000 oomishuu eegalan
Hojjattoonni warshaa biyya Tuniziyaa 150 ta'an warshichuma keessa turuun guyyaatti maaskii 50,000 fi meeshaalee wallaansaa ittisaaf oolan kan biraas omishuu eegalan.
Hojjattoonni kunneenis baay'een isaanii dubartoota yoo ta'an, baatii tokkoof warshaa 'Consomed' keessatti adda ofi baasuun jiraacha ajiru.
Gara hojii malee hin teenye.
Dabalata: Akkamin kaka'umsa godhatan?
Madda suuraa, Getty Images
28 Bitooteessa 2020Xaaliyaaniin guyyaa tokichatti lammiilee 900 ol dhabde
Madda suuraa, EPA
Xaaliyaaniitti guyyaa kaleessaa qofa namoonni 919 koronaavaayirasiin lubbusaanii dhabuun kunis erga dhukkubichi eegalee kaasee baayyin du'aa isa olaanaadha jedhameera.
Biyyattii keessatti walumaagalatti namoonni 9,134 dhukkubuma haaraa kanaan lubbusaanii dhabaniiru.
Jalaqabarrattis dureen Dhaabbata Fayyaa Addunyaa Dr Teedroos Adhaanoom Gabrayesuus ''hanqinni meeshaalee ittisaa cimaan addunyaa'' 'rakkoo baayyee afriiffachiisaa' ittisa vaayirasichaa keessatti jiraachuuf taasifamuuf danqe jedheera.
Dabalata: Walumaagala Xaaliyaaniitti namoonni 9,134 du’aniiru.