BBC News, Afaan Oromoo
Qabiyyeetti darbi

Kan argaa jirtan oduu barreeffamaan qofa marsaritii keenya daataa xiqqaan hojjetudha. Fuula isa guutuu suuraaleefi viidiyoowwan qabate banadhaa.

Gara fuula marsariitii guutuutti na geessi

Filannoo daataa qusatu fayyadamu kanarratti hubannoo dabalataaf

Tiraamp Ministeera Ittisaa biyyattii Ministeera Waraanaa jechuun moggaasuuf

Pirezidantiin Ameerikaa Doonaald Traamp ajaja hojii raawwachiiftuu Ministeerri Ittisaa akka Ministeera Waraanaa jedhamuun akka waamamuuf Jimaata dhufu qajeelfama ni mallatteessa.

Guduunfaa

  • Oduufi xiinxala BBC'f marsariitii, Facebook, WhatsApp fi YouTube keenya mil'adhaa.
  • Balaa kirkira lafaa magniitiyuudii 6.0 Afgaanistaanitti mudateen namoonni dhibbaan lakkaa'aman du'uun hin hafne
  • Dubbi himaan Hamaas Abuu Obeeyidaa Gaazaa keessatti ajjeefamuu Israa'el himte
  • Waraanni Gaazaa yeroo gabaabaa keessatti xumura argata- Tiraamp
  • Toora tamsaasa kallattii kaanaan duraarraa odeeffannoo argachuuf
  • Odeeffannoo toora tamsaasa kallattii kanaan dura dabarsaa turreef toora kana hordofaa.
  • 'Wanti Netaaniyaahuun sodaatu tokko, innis dhiibbaa ummataati'-Haadha namni jalaa butame
  • Iraan jibba Yihudootaa babal'isaa jirti jechuun Awustiraaliyaan ambasaaddara Iraan ariite

Haguuggii Tamsaasa Kallattii

  1. Weerarri Iboolaa DR Koongotti namoota 15 ajjeese

    Weerarri vaayirasii Iboolaa Dimokiraatik Rippaablik Koongootti irra deebin ka'uun namoota 15 ajjeesuu ministiirri fayyaa biyyattii ibse.

    Vaayirasichi ji'a darbe dubartiin ulfaa mallattoleen dhibee Iboolaa irratti argamuu hordofee hospitaala erga deemtedha kan mul'ate.

    Hospitaala erga qaqqabdee sa'aatii muraasa booda du'uu ministiirri fayyaa ibse.

    Weerarri Iboolaa kun si'a 16ffaa ka'uu isaati. DR Koongoon sirna fayyaa gadaanaa qabaachuusheerraa kan ka'e weearara kanaaf saaxilamtuudha.

    Qondaalonni fayyaa biyyattii akka beeksisanitti, vaayirasiin hanga ammaa namoota 28 irratti mul'ateera.

    Dhaabbanni Fayyaa Addunyaa (WHO) vaayirasichi babal'atee gaaga'ama guddaa akka hin finnee tattaaffii gochaa akka jiru beeksise.

  2. Karaa Miidiyaa hawaasaa warra shororkaa uuman irratti tarkaanfiin akka fudhatamu qajeelfamni kaahame

    Ministirri Muummee Itoophiyaa Abiy Ahimad tibba kana hooggantoota qaamolee nageenyaa waliin mariin gaggeessaa turan xumuramuu ilaalchisee ibsa bahe irratti warra karaa miidiyaa hawaasaa shororkaa uuman irratti tarkanfiin akka fudhatamu qajeelfamni kaahamuun ibsame.

    Ibsi Waajirri Ministira Muummee fuula miidiyaa hawaasaa isaa gubbaa maxxanse mata duree Nageenya mirkaneessuun ergama ijoo dhaabbilee nageenyaati jedha.

    ''Sochiin namaafi shaqaxaa badhaadhina keenyaaf murteessaadha'' kan jedhu ibsichi, bakka adda addaatti saamichiifi nama butuu raawwatamu haala qorannoorratti hundaa'een to'achuun barbaachisaadha'' jedha.

    Qaamoleen nageenyaa uummata hirmaachisuun qaamolee gocha akkasii raawwatan dhaabsisuu qaba, seerattis dhiyeessuu qaba jechuun xiyyeeffannaan akka itti kenname ibseera.

    Gama kaaniin karaa miidiyaa hawaasaa kanneen gochaa shororkeessummaa raawwatan xiyyeeffannaan hordofuun akka barbaachisu walgahii kanarratti ka'uunis gabaasameera.

    ''Imala badhaadhinaa gufachiisuuf yaaduun karaa miidiyaa hawaasaa warra gochaa shororkeessummaa raawwatan xiyyeeffannaa itti kennuun akka barbaachisu wayita marii kana ka'eera'' jedha ibsichi.

    ''Kara ateeknoolojii saayibarii hojiilee ittisaafi to'annoo hojjetamuu qaban jabeessuun akka barbaachisu ka'eera. Karaa biraa ammoo warra shororkaa uumu seeratti dhiyeessuuf qaamoleen nageenyaa jabaatanii akka hojjetan qajeelfamni kennameera.''

    Gama kaaniin ''qaamoleen nageenyaa biyyattii walabummaa, birmadummaa, tokkummaa daangaa, nagaa fi tasgabbii biyyattii fi imala badhaadhinaa kabachiisuuf humnaafi haala dandeessisurra akka aragaman mirkanaa'eera'' jedha.

    Haaluma kanaan ''humnoota biyya keessaa fi alaa rakkoo uuman adaba qabsiisee nageenya mirkaneessuuf haala isa dandeessisuun akka itti fufuf kallattiin kaahameera.''

  3. Joo Baayidan kaansarii gogaaf waldhaansa baqaqsanii yaaluu argatan

    Pirezidantiin duraanii US Joo Baayidan kaansarii gogaasaanii mudateef jecha waldhaansa baqaqsanii yaaluu argachuu dubbii himtuunsaanii beeksifte.

    Waldhaansi kun Mohs surgery kan jedhamu yoo ta'u gogaa kaansaariin irratti mul'ate mara muranii baasuudha. Waldhaansi kun hanga gogaarratti mallattoon kaansarii hin mul'annetti kutanii baasuu gaafata.

    Maanguddoo ganna 82 kan ta'an Baayidan, dhiyeenya kana kutaa fuulasaanii isa mirgaarra madaan mul'ateera.

    Bara 2023 wayita Pirezidantii turan lapheesaaniirra madaan gogaatti kaansarii ta'uu danda'u mul'atee irraa kaafamefi ture.

    Ji'oota muraasa durammoo piroostet kaansariin gara lafeesaaniitti tamsa'ee argamuusaatiin waldhaansa argatanii turan.

    Yeros ''kaansariin hunda keenya tuqa'' jechuun barreessanii turan.

  4. Maakroon biyyoonni 26 loltoota Yukireeniif erguuf qophii ta’uu himan

    Michoonni biyyoota dhihaa 26 waliigaltee dhukaasa dhaabuu erga tsaasifamee booda

    Pirezidantiin Faransaay Emaanu’eel Maakroon aliigaltee dhukaasa dhaabuu erga tsaasifamee booda biyyootni michuu Yukireen 26 loltoota “lafoon, galaanaan ykn qilleensarraan” bobbaasuun waadaa galaniiru.

    Biyyoonni Lixaa Kora wabii nageenyaa mirkaneessuu biyyoota 35 waliin “Tumsa Warra Fedhii” jedhamuun moggaafame booda, preezdaantiichi deeggarsi Ameerikaan “waraanichaaf” gootu guyyoota itti aanan keessatti akka xumuramu dubbataniiru.

    Pirezidaanti Doonaald Tiraamp dhiheenya kana deeggarsi Ameerikaa bifa deeggarsa qilleensaatiin dhufuu akka danda'u yaada kan galan yoo ta'u, Pireezdaaantiin Yukireen Volodymiir Zelensky kanaan dura waa'ee ''eegumsa dabalataa naannoo qilleensaa Yukireen'' irratti hogganaa Ameerikaa waliin haasa'uu isaanii dubbataniiru.

    Raashiyaa Vilaadmiir Puutiin ji’a darbe Alaskaatti Tiraamp waliin erga wal arganii booda, lola Yukireen keessatti raawwatamaa jiru xumuruuf waliigalteerra ga’uuf abdiin ture

    Tiraamp Gamtaan Awurooppaa Ameerikaa waliin ta’uun boba’aa fi gaazii Raashiyaa biyya alaatii galchuu dhaabuuf hojjechuu qaba jedhan

  5. Puutin humni nageenyaa warra Lixaa Yukireen seennaan akka irratti xiyyeeffatamu akeekkachiise

    Pirezidantiin Raashiyaa Vilaadmiir Puutin yaada biyyoonni Lixaa nageenyaa Yukireeniif jecha “humna wabii mirkaneessu” bobbaasuuf dhiyeessan morman.

    Yaada biyyoonni Lixaa Kora karoora wabii nageenyaa mirkaneessuu xumuruu ilaalchisuun Paaristti taa’an hordofuun dhiyeessan kana fudhatama kan dhabsiise Puutin, loltoonni biyyoota Lixaa Yukireen seennaan irratti akka xiyyeeffatamu akeekkachiisan.

    Pirezidantiin Faransaay Emaanu’eel Maakroon akka jedhanitti, biyyoota michuu Yukireen keessaa 26 loltoota “lafoon, galaanaan ykn qilleensarraan” bobbaasuun lolli yeroo dhaabsifametti nageenya eegsisuuf akka jiran waadaa galan.

    Biyyoota kana keessatti hirmaatan garuu hin ibsine.

    Kaka’umsa biyyoota michoota Yukireen kana callisiisuuf jecha Puutin, loltuun Yukireenitti bobbaafamu kamiyyu “kan irratti xiyyeeffatamu” ta’a jechuun osooma isaan sadarkaa karooraarra jiranii akeekkachiisan.

  6. Dirooniin 'balleessanii-badan' Itoophiyaan baayyinaan omishaa jirtu maali?

    Ministirri Muummee Itoophiyaa Dooktar Abiy Ahimad dirooniwwaan adda addaa wayita waraanaa, hoomaa diina irratti xiyyeeffachuun balleessanii-badan baay'inaan oomishaa jirti jedhan.

    Dr. Abiy kana kan dubbtan Kamisa kaleessa, Fulbaana 04, 2025 wayita qondaaltota damee diinagdee waliin dhaabbata omisha diroonii "AEROABAY" jedhamu daawwatanitti ture.

    Humni Qilleensaa Itiyoophiyaa, Bulchiinsi Neetwoorkii Nageenyaf Odeeffannoo (INSA), fi Tajaajilli Odeeffannoo fi Nageenya Biyyaalessaa (NIS) diroonii "oomishuuf" akka jiranis Ministirri Muummee kan beeksisan.

    Dhaabbata omisha diroonii "AEROABAY" jedhamu bulchiinsa Nageenya Neetworkii Odeeffannoo (INSA) jala jira jedhamee kan himamu yoo ta'u, diroonii gosa sadii oomishaa jira.

    Odeessa kanarratti dabalataan dubbifachuuf asiin seenuu dandeessu.

  7. Tiraamp Ministeera Ittisaa biyyattii Ministeera Waraanaa jechuun moggaasuuf

    Pirezidantiin Ameerikaa Doonaald Traamp ajaja hojii raawwachiiftuu Ministeerri Ittisaa akka Ministeera Waraanaa jedhamuun waamamuuf Jimaata dhufu qajeelfama ni mallatteessa.

    Tarkaanfiin kun maqaa ejensichi bara 1940moota keessa qabachaa ture kan deebisu yoo ta'u, akka barreeffama ajaja BBCn argeetti, kaayyoon isaas ''pirojektii cimsuu fi furmaata'' gochuudhaaf.

    Biirichi jalqaba irratti maqaa haaraa kana akka "maqaa lammaffaatti" kan fayyadamu yoo ta'u, bulchiinsi jijjiiramni kun dhaabbataa akka ta'uuf hayyama Kongireesii argachuu qaba.

    Waayit Haawus maqaa haaraa jijjiiruun kun baasii meeqa akka gaafatu ammallee hin ibsine, haata'u malee, miidiyaaleen Ameerikaa jijjirraa asxaa, teessoo imeelii fi yunifoormii ejensiiwwan dhibbaan lakkaa'amanitiif baasii doolaara biliyoonaan lakkaa'amu akka gaafatu akeekkan.

  8. Dhuguma ijaarsa Hidha Guddichaarratti namoonni kuma 15 du'aniiru?

    Waggoota 14 ijaarsii Hidha Guddicha Abbaayyaa itti gaggeeffamee keessatti ''hojjattoonni gara kuma 15 du'aniiru'' jedhamu ilaalchisee, oggeeyyiin nageenya ijaarsaa duraanii waggaa dheeraaf adeemsicha keessatti hirmaatan kufaa taasisaniiru.

    Lakkoofsa kana mirkanneessaniiru kan jedhaman ministirri Bishaaniifi Inarjii Itoophiyaa Dr. Haabtaamuu Ittafaa gamasaanitiin ''gaaffiichi haala dogongoraan hiikameera'' jechuun BBC'tti himan.

    Ministirri Bishaaniifi Inarjii Dr. Haabtaamuun guyyootaan booda ebbifamuuf kan jiru ijaarsa Hidha Guddicha Haaromsa Itoophiyaa ilaalchisuun gaaffiifi deebii taasisaniin adeemsa ijaarsa hidhichaatiin namoonni kuma 15 ta'an du'uun dhugaa ta'usaa gaaffiin dhiyaateef ture.

    Af-gaaffii barruun Riipoortar Afaan Ingiliziitiin maxxanfamu baaseen gaaffii dhiyaateef, ''Eeyyeen dhugaadha'' deebii jedhu kennuun barraa'eera. Odeessa kanarratti dabaltaan dubbiifachuuf asiin seenuu dandeessu.

    Masrii fi Sudaan Hidhi Haaromsaa 'yaaddoo yeroo dheeraa' itti ta'uu ibsan.

    Itoophiyaan Hidha Abbayyaa irratti mari'achuuf ammalleen qophii ta'u ibsite

  9. Agarsiisa meeshaa waraanaa 2025 keessaa hanga tokko

    Chaayinaan Vilaadmiir Puutiniifi Kiim Joong Un dabalatee bakka aanga'oonni biyyoota addunyaa biroo jiranitti agarsiisa waraanaa guddicha dhiyeessiteetti.

    Agarsiisa kanarratti meeshaa waraanaa haaraas baasteetti.

    Daawwadhaa!

  10. Tamsaasa kallattii eggalleera

    Hordoftoota BBC Afaan Oromoo tamsaasa kallattii kan ittiin odeessaalee ijoo isin biraan geenyu kan guyyaa Jimaataa kunoo amma eegalleera.

    Odeessaalee kaan bal'inaan dubbifachuuf Marsariitii keenya, ykn Facebook keenyaa ykn WhatsApp akkasumas YouTube keenya milladhaa.

    Oolmaa gaarii qabaadhaa!

  11. Agarsiisa waraanaa Chaayinaa guddicha keessaa kan ijoo ta'e

    Agarsiisa humna waraanaa Chaayinaan meeshaa haaraa irratti dhiyeessite kan gaggeessan Pirezidantii chaayinaa Shii Jii Piing turan.

    Vilaadmiir Puutiniifi Kiim Joong Un dabalatee hoggattoonni biyyoota gara garaa irrati argamaniiru.

    Viidiyoon agarsiisa kanaa bakkawwan ijoo ta'an mul'isu kunoot.

    Daawwadhaa.

  12. Misaa'ela ICBM haaraa agarsiisa waraanaa Chaayinaarratti mul'ate

    Chaayinaan Vilaadmiir Puutiniifi Kiim Joong Un dabalatee bakka aanga'oonni addunyaa jiranitti agarsiisa waraanaa seenaa keessatti guddaadha jedame dhiyeesisteetti.

    Agarsiisa kanarrattis meeshaan waraanaa haaraa hojjete argameera.

    Misaa'eliin ICBM tokko ture.

    Daawwadhaa

  13. Shii Jii Piing fi Vilaadmiir Puutin yeroo qaama jijjiirrachuu fi umurii dhuma hin qabne haasa'an

    Pirezidantiin Chaayiinaa Shii Jiin Piing fi pirezidantiin Raashiyaa Vilaadmiir Puutin yeroo waa'ee qaama namaa jijjiirnii galfachuudhaan akka dhalli namaa waggaa 150 jiraatu gochuu danda'amu dubbatanii maayikii osoo hin cufamiin haferratti dubbachaa jiran dhaga'ame.

    Gaggeessitoonni kunneen gaggeessaa Kooriyaa Kaabaa Kiim Joong Un dabalatee yeroo haasa'aa deeman viidiyoon agarsiisu n mul'ata.

    Jarri lamaan afaan Mandariiniifi Raashiyaan waliin haasa'aa kan turan yoo ta'u, nama afaan hiikuti gidduu isaanii jira. Haasaa isaan akkaaataa namni qaama jijjiirratee waggaa dheerachu jiraatu osoo waliin dubbatanii maayikirratti dhaga'aman.

    Daawwadhaa.

  14. Google mirga icciitii fayyadamtootaa sarbuu isaatiin doolaara miiliyoona 425 akka kaffalu itti murtaa'e

    Manni murtii federaalaa Ameerikaa Google maamiltoota isaa miliyoonaan lakkaa'aman irraa daataa walitti qabuun mirga iccitii fayyadamtootaa sarbuu isaatiin miidhaa irraan ga'eef doolaara miiliyoona 425 akka kaffalu itti murteesse.

    Manni murtichaa Google fayyadamtoota akkaawuntii isaanii cufan dabalatee dataa dhuunfaa akka walitti qabaa ture odeeffannoo argateera.

    Manni murticha erga Googlen odeeffannoo dhuunfaa fayyadamtootaa marsariitii fi appii isaa irratti eeguuf waadaa gale cabseera jechuun himannaan banamee booda qorataa tureera.

    Himannaan kun Googlen odeeffannoo dhuunfaa fayyadamtoota moobaayilaa isaanii irraa walitti qabu eera

    Namoonni dhuunfaa himannaa kana dhiyeessan beenyaa doolaara biiliyoona 31 ol gaafataniiru.

    Dubbi himaan Google BBC'tti akka himanitti: "Murteen kun akkaataa oomishoonni keenya itti hojjetan sirritti beekuu dhabuu irraa kan dhufe waan ta'ee ol iyyannoo gaafataa jirraa jedhan.

    Dhbbatichi mormatus,manni murtii dhimmicha dhaggeeffate dhaabbati teeknooloojii guddaan Google sarbama dhuunfaa himatame kanaaf itti gaafatamummaa akka qabu murteesseera.

    Himattoonni kunneen gochi odeeffannoo walitti qabuu Google appii bilbila ismaartii kuma dhibbaan lakkaa’aman, tajaajila taaksii Uber fi Lyft, dhaabbilee daldala elektirooniksii Alibaba fi Amazon, akkasumas miidiyaa hawaasaa Meta kanneen Instagram fi Facebook waliin hidhata qaban kan hammate ta’uu himataniiru.

  15. Hamaas ibsa Tiraamp booda waligaltee waraana Gaazaa xumuruu fudhachuuf qophii ta’uu ibse

    Hamaas waliigaltee booji'amtoota gadhiisuu fi hidhamtoota Filisxeemi akka gadhiifaman dabalatee waraana Gaazaa guutummaan xumuruu dhiyaate fudhachuuf qophii ta'uu ibseera.

    Ibsi Hamaas kun kan kenname erga prezidaantiin Ameerikaa Doonaald Tiraamp ''namoota Hamaas bute lubbuun jiran'' 20 hunda akka gadhiifaman gaafatanii booda.

    Waajjirri Ministira Muummee Israa'el Beeniyaamin Netaaniyaahuu ammoo ibsa baaseen ibsa Hamaas qeeqeera. Ibsi Hamaas kun waan haaraa mitii,'' jedhe waajjirichi.

    Waajjirri Netaaniyaahuu itti dabaluudhaan waraanni Gaazaa keessatti gaggeeffamaa jiru "hanga namoonni butaman hundi gadhiifamanitti, Hamaas hidhannoo hiikkatu fi bulchiinsi sivilii hundeeffamutti, Gaazaan waraana irraa bilisa ta'u, Ihin danddeessu" jedhe.

    Waraanichi lubbuu nmoota hedduu galaafachuu, beelaan akka dhuma taasisuu fi kanneen miliyoone heddutti lakka'aman lubbu isaanii olfachuuf akka baqatan dirqisiiseera.

  16. Wayita UN haalli buqaatooti itti jiran suukanneessaa' jechuun akeekkachiisetti Israa'el haleellaa Magaalaa Gaazaarratt cimsitee

    Waraanni Israa'el Gaazaa dhuunfachuuf lola lafootiif wayita qophaa'aa jiruutti, humnoonni Israa'el qarqara magaalaa Gaazaa irratti haleellaa cimsaa akka jiran jiraattonni himaniiru.

    Hospitaalonni akka jedhanitti, Filisxeemoota 30 ol haleellaa Israa'el Roobii kaleessaa magaalattii keessatti raawwateen ajjeefaman keessaa dubartoonni fi daa'imman kan argaman yoo ta'an, irra caalaan isaaniis kaabaa fi dhihaatti kan ajjeeffamaniidha.

    Hogganaan waraana Israa'el ''hanga mo'amu fi kanneen butamanii fudhataman gadhiifamaniitti wiirtuuwwan Hamaas haleelluu akka itti fufan'' dhaadataniiru.

    Dhaabbanni Biyyoota Gamtoomanii fi gareewwan gargaarsaa akka jedhanitti, duulli Israa'el magaalattii namoota miliyoona tokko keessa jiraattee fi ji'a darbe beelli keessatti labsametti, duruu maatii buqqaatota magaalattii keessatti dahoo godhataniif "bu'aa namoomaa suukaneessaa" geessisaa jira.

    Gama biraatiin ammoo, mormitoonni Israa'el "guyyaa jeequmsaa" jedhan irratti akka hirmaataniitti, mootummaan isaanii waliigaltee waraana kana xumuru irratti hatattamaan akka waliigalu dhiibbaa gochuuf hiriira gaggeessaa jiru.

    Kunis, lammiilee Israa'eel fi kan biyyoota alaa butamuun Gaazaa keessatti argaman 48 hunda akka gadhiifamaniif yoo ta'u, isaan keessaa 20 lubbuun akka jiran amanama.

  17. Aayyoon qinxaaboo cileefi pilaastika gurguruun Hidha Haaromsaatiif waggoota 14'f tumsan maal himu?

    Ijaarsa Hidha Haaromsaa Guddicha Itoophiyaa guyyoota muraasaan booda eebbifamuf eegamuuf lammiileen Itoophiyaa bakka garaagaraatti argaman tumsa taasisaa turan.

    Isin hoo boondii birrii meeqaa bittan? Ykn marsaa meeqa gummaattan? Gaaffii kana waa malee hin kaafne. Waa'ee haadha rakkoon osoo isaan hin daangeessiin boondii hidha Abbayyaa kanaaf gumaatan tokkoo isin dubbisiisuuf.

    Isaanis Aadde Assallafach Tsaggaayee jedhamu. Jiraattuu magaalaa Shaashamanneeti.

    Ayyoon tunis jalqabaa hanga dhumaa ijaarsa hidha kanaatti dadhabbiifi nuffii tokko malee kutannoon tumsa kanneen taasisaa turan keessaa tokkodha.

    Maanguddoon umuriinsaanii naannoo waggaa 60 akka ta'e himan kun, pilaastika (feestaalii) daandiirraa guuruudhaan akkasumas kasala (cilee) qinxaaboon gurguruun waggootaaf ijaarsa Hidha Haaromsaa tumsan.

    Odeessa kanarratti dabalataan dubbiifachuudhaaf karaa kanaan seenuu dandeessu.

    "Dogoggorri Galaana Diimaa bor sirreeffama" - MM Abiy Ahimad

    MM Abiy Hidha Haaromsaarratti waa'ee gumaacha MM duraanii Mallas Zeenaawii maal jedhan?

  18. Tamsaasa kallattii har'aa eegalleera

    Hordoftoota BBC Afaan Oromoo tamsaasa kallattii kan ittiin odeessaalee ijoo isin biraan geenyu kan Kamisa ha'raa amma eegalleera.

    Odeessaalee kaan bal'inaan dubbifachuuf Marsariitii keenya, ykn Facebook keenyaa ykn WhatsApp akkasumas YouTube keenya milladhaa.

    Oolmaa gaarii qabaadhaa!

  19. Waa'ee intala Kim Jong Un bakkasaa bu'uu dandeessi jedhamtuu maal beekna?

    Bulchaan Kooriyaa Kaabaa Kim Jong Un Chaayinaatti kora dureewwan biyyootaa hirmaachisee fi aanga'oota waliin iwalitti isa fidurratti yeroo jalqabaaf hirmaachuunsaa mata duree oduu addunyaa ta'eera.

    Garuu hunda caalaa kan qalbii lammiilee Kooriyaa hawwate intalli isaa xiqqoon uffannaa bareedaan faayamtee baabura meeshaa waraanaa hidhate keessaa isa waliin wayita isheen buutuudha.

    Shamarreen kun Kim Ju Ae jedhamti, intala Kim Jong Un.

    Akka dhaabbata basaasaa Kooriyaa Kibbaatti shamarreen kun abbaashee kan ta'e buclhaa Kooriyaa Kaabaa bakka bu'uu dandeessi.

    Garuu waa'een shamarree kanaa bal'inaan hin beekamne. Lafarratti daa'ima xiqqoo kan fakkaattu intalli Kim Jong Un kun umriinshee hangami? Waa'ee shamarree kanaa hangam beekna?

    Waa'ee intala Kim Jong-un maal beekna?

  20. Namichi sababa bifa ishee haadha warraasaa abidaan gubee ajjeese du'aan adabame

    Manni murtii Indiyaa namicha haadha warraasaa sababa halluu bifa ishee jibbeef osoo isheen lubbuun jirtuu gubee ajeesetti adabbii du'aa murteesse.

    Dubartiin Lakshimii jedhamtu kun ajjeefamuushee dura abbaan manaashee Kishaandas jedhamu ''sabab bifi ishee gurraacha ta'eef akka ishee cunqursaa fi dararaa ture,'' poolisii, mana yaalaa fi qaama seeraatti himattee turte.

    Magaalaa kaaba Indiyaa, Udaipur jedhamtu keessatti Mana Martii argamutti daanyaa kan ta'an Rahul Choudhary, yakki ajjeechaa akkanaa akkaan muraasa ta'uu fi kanaafis adabbiin du'aa akka malu ibsan.

    Gochi kun ''yakka dhala namaarratti raawwate'' ta'uu ibsan daanyaan kun.

    Ajjeechaan Lakshimii erga raawwatee waggaa saddeet ta'us dhimmishee seeraan hordofamaa ture.

    Ajaji mana murtii BBCn argate akka mul'isutti ajjeechaan dubartii kanarratti kan raawwate halkan Waxabajjii 24, 2017 ture.

    Lakshimiin akka jettutti abbaan warraashee erga bara 2016 wal fuudhanii as ''kali'' jechuun ishee arrabsaa ture.

    ''Kali'' jechuun bifa gurraacha jechuudha. Ergasiis biraa hin deebine. Bifa isheetiin baayyee arrabsaa fi hacuucaa turuu ibsite.

    Namichi kun haadha warraasaatti boba'aa furfirsuun hanga qaamni ishee gubatee dhumutti hiraarse.

    Gidduudhaan maatiin namichaa dubartii qaamnishee gubatee dhumuu jala ga'e hospitaalaan ga'an. Achitti lubbuun keessaa ba'e.