MM Hindii Naarendeeraa Moodii daawwannaa hojiif Finfinnee seenan

Haguuggii Tamsaasa Kallattii

1. 16 Muddee 2025Haadha warraa fi abbaa warraa Awustiraliyaatti hidhataa qawween namoota fixe harkatti qabuuf yaalan

   

   Madda suuraa, GoFundMe

   Awustiraaliyaa, qarqara qaama bishaanii Boondii jedhamu biratti abbaan warraa fi haati warraa tibbana nama qawween namoota ajjeese qawwee harkatti qabanii dhaabsisuuf yaalaa akka turan viidiyoon tokko mul’ise.

   Namni kun Booris Gurmaan jedhamu, maanguddoo ganna 69ti, haatii warraan isaa Sofiyaa jedhamtu ammoo durbartii ganna 61ti.

   Lamaanuu otoo hin ajjeefamiin dura namoota biroo rasaasaan akka hin ajjeefne dhaabsisuuf yaalaa akka turan maatiin isaanii ibsaniiru.

   Viidiyoon taatee sana mul’isu tokko wayita Aab Gurman hidhataa qawween namoota ajjeesu wal’aansoo qabanii qawwee erga irraa fudhatan agarsiisa, booda isaan lachuu rasaasaan dhahamanii karaarratti kufan.

   Aba Gurman loltuu soorama bahan yoo ta’an, iddoo rasaasaan rukutamanii ka’uun hidhataa qawween nama ajjeesu sana rasaasaan dhahan.

   Hidhataa Awustiraaliyaatti namoota fixe sun qawwe biraa baafatee rasaasaan abbaa warraa fi haadha warraa kana ajjeese.

   Namni taate sana arge tokko Booris Gurmaan''goota'' jedhee leellise.

   Poolisiin Austiraaliyaa sirna ayyaaneeffannaa Jiwishootaarratti namoonni 15 ajjeefaman kana haleellaa shororkeessummaa ta'uu ibse. Abbaan warraa fi haatii warraan ajjeefaman kun Jiwishoota.

2. 16 Muddee 2025‘RSF ajjeechaa jumlaa Sudaan, el-Fashaaritti raawwate dhoksuuf yaala’ - Qorannoo

   

   Madda suuraa, Rooyitars

   Humni Addaa Sudaan RSF jedhamuun beekamu ajjeechaa jumlaa magaalaa el-Fashaaritti dhoksuuf namoota ajjeessan gubaa fi awwalaa jiraachuu gareen qorattoota Yuunvarsiitii Yeel ibsa.

   RSF ajjeechaa jumlaa fi yakka farra dhala namaa raawwachuu gabaasaaleen erga bahanii booda sadarkaa idil-addunyaatti balaaleffannaa guddootu mudate.

   Hidhattoonni kun magaalaa el-Fashaar ji’a Onkoloolessaa 2025 keessa to’atan.

   Ragaan qo’annoo suura saatalayitii laabiratoorii qo’annoo dhimma namoomaa Yeel (HRL) baase akka agarsiisutti, hidhattoonni RSF reeffa namoota kuma kudhanitti lakkaa’amaniii karaarratti gatan.

   Hidhattoonni RSF himannaa irratti dhiyaate kanaaf deebii hin kennine.

   Haata’u malee hogganaan garee Humni Addaa Sudaan loltoonnisaa sarbamiinsa mirga namoomaa muraasa qaqqabsiisu amanee ture.

3. 16 Muddee 2025PSG’n Imbaappeef yuuroo miliyoona 60 akka kaffalu ajajame

   

   Madda suuraa, Getty Images

   PSG’n taphataa sarara fuulduraa Riyaal Maadiriid Kiliyaan Imbaappeef Yuuroo miliyoona 60 akka kaffalu manni murtii Faransaay mureef.

   Maallaqni kun sababa kilabichi miindaa fi bonasii isaa otoo hin kaffalleef hafee murteesseef.

   Taphataan kun kilabnisaa durii kun Yuuroo miliyoona 263 akka kaffalamuuf gaafachaa ture.

   Chaampiyoonaa Awurooppaa kan ture PSG’n, dursaa garee kubbaa milaa Faransaayi Imbaappeen yuuroo miliyoona 240 akka kaffaluu barbaada ture.

   Dargaggeessa ganna 26 fi taphataan sarara fuulduraa Riyaal Maadiriid maallaqni guddoo kun falmii dhimma kontiraataa isaa fi kilabichi haala sirrii hin taaneen isa qabaa tureef akka beenyaatti akka kaffaluuf barbaada.

   Haa ta’u malee, maallaqa akka kaffalamuuf gaafate keessaa 1/5 ol akka kaffalamuuf manni murtii Faransaay murteesseera.

4. 16 Muddee 2025Poolisiin dubartii birrii 300,000 ergitan malee ‘falfalaan isin miidha’ jedhe to’ate

   

   Madda suuraa, Poolisii Finfinnee

   Poolisiin Finfinnee shakkamtuu birrii Itoophiyaa 300,000 ergitan malee maatii keessan irratti miidhaa nan geessisa jettu to’achuu beeksise.

   Shakkamtuun Alaminash Agumaas jedhamtu badii raawwatteetti kan jedhamte ALI Sadaasaa 22, 2018 dha.

   Bakkichis Kutaa Bulchiinsa Qirqoos Aanaa 2 naannoo Walloo Safar jedhamee beekamuttidha.

   Dubartiin kuni gamoo tokkorra qulqulleessituufi to’attuu liiftii taatee kan hojjettu yoo ta’u, namni isheen birrii ergaa jettemmoo dhaabbata dhuunfaa gamoo kanarra kireeffate keessa hoogganaa faayinaansii ta’anii dalaganidha.

   Namni badiin narratti raawwateera jedhan, Obbo Giruum Nagaash, poolisiif yaada kennaniin Godina Goojjam Baharraa namni itti bilbilee yoo birrii 300,000 erguu baattan mucaa keessan 'seexanni akka harkisu' nan godha jechuu himu.

   Bilbila isaanitti bilbilame akka hin beeknes himan.

   Poolisiin tekonolojiin fayyadamuun sagalee abbaa bilbilu adda baasuuf yaaluu ibseera.

   Kanaanis, shakkamtuun namicha kana gaaduun sagalee ishee jijjiirtee ‘’doorsisuun’’ birrii 25,000 akka baankiin galchaniif taasisuu ibse.

   Maallaqa 275,000 hafemmoo yeroo akka itti ergan gaafattu eeruu poolisiif erganiin faana bu’ee to’achuu beeksiseera.

   

   Madda suuraa, Pololisii Finfinnee

5. 16 Muddee 2025MM Hindiii Naarendeeraa Moodii dawwaanna hojiif Finfinnee seenan

   

   Madda suuraa, @narendramodi

   Moodiin toora X gubbattii Ministirri Muummee Itoophiyaa Abiyi Ahimad buufata xiyyaaraa idil addunyaa Booleetti simachuu himan.

   Moodiin ‘’biyya seenaa guddaa qabdu fi aadaa hawwataa qabduu‘’ jechuun toora miidiyaa hawaasaa isaaniirratti Finifinnee wayita qaqqaban barreessaniiru.

   Itti dabaluun Itoophiyaa fi Hindii qarooma walitti isaan hidhu akka qaban ibsuun, hariiroo biyyoota lamaanii cimsuuf hoggansa Itoophiyaa hojjachuu akka fedhan ibsan.

   

   Madda suuraa, Abiy Ahmed Ali

6. 16 Muddee 2025UN, Eertiraan namoota hanga 10,000 ammallee hidhaa jiran akka hiiktu gaafate

   

   Madda suuraa, SM

   Dhaabbata Biyyoota Gamtoomaniitti waajirri Mirga Namoomaa, Eertiraan tibba kana namoota himannaa seeraa malee waggoota 18f hidhaa turan 13 gadhiisuu jajeera.

   Ibsa dhimma kana ilaalchisee Wiixata baaseen aanga'ootni namoota adeemsa seeraa malee akka feeteen hidhaa jiran kumootaan hedduun lakkaa'aman akka hiiktu gaafate.

   Waajirichi aanga'oonni Eertiraa haalduree tokko malee namoota siyaasaa rifoormiin akka gaggeeffamu gaaffachuusaanii hordofee bara 2001 dabalatee kaanis akka gaadhiisan waamicha godheera.

   Mootummaan Eertiraa dhiyoo kanas amantoota waldaa dhorkamaa ta'ee 98 waggootaaf hidhaa turanis gadhiiseera.

   UN Ertiraa keessa namoota siyaasaa, dureewwan amantaa, gaazexessitootaa fi barattoota dabalatee waliigalaan namootni 10,000 ta'an akka feeteen hidhamanii akka jiran tilmaama.

   Waajirri UN kun seerota idila addunyaa kabajuu wajjin walqabatee aanga'oota biyyattii waliin mariyachuuf qophaa'ummaa qabaachuu ibseera.

   Dhaabbileen mirgaaf falman haalli namoota siyaasaa hidhaa jiranii kan tilmaauuf nama dhibudha jehcuun ibsan. Warreen hidhaman hedduun himatni kan irratti hin banamne ta'uus ibsu.

   Namoota siyaasaafi gaazexessitootaan cinaatti namootni biyyaa baqachuuf yaalaniifi tajaajila waraanaa dheessan hedduun keessatti argamu.

7. 16 Muddee 2025Awustiraaliyaatti daqiiqaawwan gammachuun gadda sukkaneessaatti jijjiirame

   BBC Verify viidiyoo gara garaa abbaafi ilmi dhukaasa ayyaana warra Yihudootaa irratti bananiin namoota 15 ajjjeesan qorateera. Haleellaan booda waan ta'an, gootummaa Ahmad al-Ahmad qawwee butee lubbuu hedduu baraare walitti qabeera.

   Viidiyoowwan kanneen lamaan daawwadhaa.

   Contains disturbing scenes.

   Contains disturbing scenes. Play video, "New footage reveals how people tried to stop Bondi Beach shooting", Turtii 3,17

   03:17

   

   Play video, "Eyewitness video shows people fleeing beach as shots fired", Turtii 0,37

   00:37

   

8. 16 Muddee 2025Ajjeechaa daarektara beekamaa Holiiwuud fi haadha warraasaatiif ilmi isaanii shakkamee to'atame

   

   Madda suuraa, Reuters

   Ajjeechaa darektara beekamaa Holiiwuud Roob Raayinarii fi haadha warraa isaa Miishel Siinger ilaalchisee ilmi isaanii to'annoo jala oolfamuun dhaga'ame.

   Dhirsaafi niitiin kun mana isaanii Loos Anjalas jiru keessatti ajjeefamanii argamuu isaanii poolisiin beeksiseera.

   Ilmi isaanii Niik Raayiner jedhamu umuriin isaa waggaa 32 to'atamuufi wabii malee akka turu poolisiin ibseera.

   Intalli abbaa warraafi haadha warraa ajjeefaman kanaa umurin ishee waggaa 28 taate Roomiin Dilbata darbe yeroo mana galtu haatiifi abbaan ishee bakka hedduu waraanamanii arguu michuu Ameerikaatti michuu BBC kan ta'e CBS gabaaseera.

   Roob Raayiner daarektara fiilmii gosa gara garaan jaallatamaa ta'ee ture.

   Ga'eessa waggaa 78 kan ta'e Roob Raayiner fi haati warraa isaa waggaa 68 taate Miishel Dilbata waare ebooda du'uu isaanii hojjetoonni yeroo balaa mirkaneessaniiru.

   Poolisiin akka jedheti, Niik Raayiner ajjeechaa kanaan sa'a tokkoon booda to'atame.

   Qorattoonni ajjeechaa kanaaf sababa ta'a jedhanii kan yaadan hanga ammaatti kan hin jirre ta'uu ibsanii, qorannoon akka itti fufe beeksisaniiru.

   Roob Raayiner yeroo baayyee waa'ee araadaafi hanqina mana-jireenyaa ifatti dubbachuun beekama.

   Siyaasa keessattis warra Dimokiraatotaaf deeggarsa ifatti gochaa ture.

   Ajjeechaan "dhirsaafi niitii kanaa" bayyee gaddisiisaadha kan jedhe Tiraamp, ergaa miidiyaa hawaasaa isaarrratti dabarseen Roobuun waa'ee isaa irra deeddeebiin dubbachaa akka ture himeera.

   Roob Raayiner bulchiinsa Pirezidant Tiraamp ifatti qeequun beekama.

9. 16 Muddee 2025Jaalalleewwan mana barumsaa waggaa 40 booda yeroo wal argan maaltu ta'e?

   

   Madda suuraa, Family

   Kaaroolii di Deben yeroo jalqaba walargan lamaan isaanituu ijoollee turan. Yeroos lamaan isaanituu mana barumsaa isaaniirraa miseensa gumii tiyaatiraa kan turan yoo ta'u argaa jalqabaatin jaalalaan kufan.

   "Ani mana barumsaa dhiirotni qofti itti baratan irraa yoon ta'u Deben ammoo mana barumsaa dubartoonni qofa itti baratan irraayi."

   "Eegasii yeroo nulachuu bakka tokkotti walargine hiriyaa kiyya tokkoon 'Intala sana ilaalin' jedheen. Gara shubbisa mana barumsaatti ishee fudhachuun qaban jedheen" jedha.

   Weber gamasheen "Ani qofaakoo galma keessa taa'aan ture. Sababni isaas dubartoota bakka kana dhufan keessaa naman beeku hin qabun ture. Nan yaadadha yeroon isa arge mucaa baayyee bareedudha jedheen yaade" jechuun haala yerosii yaadatti.

   Jaalalleewwan lamaan gaafas gara mana shubbisaa waliin deemuu qofa osoo hin taane eegasii warra adda bahanii hin mul'anne ta'an.

   Jireenyi finqilaachoodha

10. 16 Muddee 2025Tiraamp himannaa doolaara biliyoona hedduu adabsiisu BBC irratti bane

    

    Madda suuraa, Reuters/ Getty Images

    Pirezidantiin Ameerikaa Donaald Tiraamp himannaa maqa balleessii doolaara biliyoona hedduu adabsiisu BBC irratti bane.

    Pirezidantichi himannaa kana kan bane dokimantarii BBC Panorama irratti haasaan Amajjii 6 2021 dhageessise akka itti gulaalame ilaalchiseeti.

    Tiraamp BBCn maqaa na baleesseera, seera daldalaas cabseera jechuun himachuu ragaan mana murtii Filooridaaf dhiyaate agarsiiseera. Himannaawwan lamaan dhiyeesseefis beenyaa doolaara biliyoona shan gaafate.

    BBCn amma dura ta'ii kanaan walqabatee Tiraampiin dhiifama gaafateera. Ammoo wanti himannaa maqa-baleessiif ka'umsa ta'u hin jiru jechuun gaaffii beenyaa dhiyeesse kufaa godheera.

    Gareen seeraa Tiraamp BBCn ''ta'e jedhee, shiraan dogongorsuuf haasaasaa jijjiireera'' jedha. BBCn himannaa alanaa kanaaf ammatti deebii hin kennine.

    Tiraamp ji'a darbe dokamantirii kana ilaalchisee BBC himachuuf karoorsuu dubbate. Dokimantarichi filannoon US bara 2024 gaggeeffamuu dura UK keessatti argaaf dhiyaate.

    ''kana gochuun qaba natti fakkaata'' jechuun Tiraamp karoorasaa gaazexessitootatti hime. ''Waliin dhahan. jecha afaan Koo keessaa bahu jijjiiran'' jedhe.

11. 16 Muddee 2025Dhimma ajjeechaa abboota Mana-mantaa Ortodoksii Horroo Guduruu maal beekna?

    

    Madda suuraa, EOTC

    Gaggeessitoonni Mana-amantaa Ortodoksii Tawaahidoo Itoophiyaa kutaa lallaba Horroo Guduruu Wallaggaa ayyaana waggaa kan Maariyaamii Tsiyoon kabajuuf A.L.I Sadaasa 21 bara 2018 Shaambuurraa gara Haratoo kan imalan.

    Haratoon magaalaa bulchiinsa Aanaa Jimmaa Gannatii yeroo taatu, daandii Shaamburraa gara Finfinnee geessurra fageenya 27km irratti argamti.

    Sagantaa kanaaf hoji-gaggeessaa kutaa lallaba Horroo Guduruu Wallaggaa Ergamaa Edoom Qasiis [Luba] Dhugumaa Dhufaa dabalatee abboonni amantaa, faarfattoonniifi namootni biroos imala kana keessa turan.

    Sagantaan Bataskaana Maaramii Haratoo akkuma xumurameen abbootni amantaa kunneen yeroo konkolaataa tokkoon gara magaalaa Shaambuutti deebi'aa turan hidhattootaan kan dhaabsifaman.

    "Aanaa Jimmaa Gannatiitti guyyaa kabaja haadha keenya qulqulleettii Maaramiitu ture. Achiirraa sagantaa xumurree osoo deebi'aa jirruu guyyaa naannoo sa'aatii sagalii qaamolee hidhataniin karaatti dhaabsifamne," jedhan namni isaan keessaa BBCn dubbise tokko.

    "Konkolaataa sanarra namoota 20 turre. Namoota 20 kana keessaa 10 fudhatanii gara gaaratti olbaasan. Warri kaan boqqoolloo keessa faca'ee jalaa bahe," jechuun waan tahe dubba.

    'Hidhattoonni maqaa namoota barbaadanii galmeerraa waamaa turan'

12. 16 Muddee 2025Poolisiin imala abbaafi ilmi Awustiraaliyaatti Yihudoota 15 ajjeesan ji'a dura Filiippiinsitti taasisan qorachaa jira

    

    Madda suuraa, Getty Images

    Imalli namoonni lamaan (abbaafi ilmi) Awustiraaliyaa, Boondii Biichitti Yihudoota ayyaaneffannaarra turanitti dhukaasanii namoota 15 ajjeesuun kaan baayyee madeessan ji’a dura gara Filiippiinsitti taasisan poolisiin qoratamaa jiraachuun himameera.

    "Alaabaan garee Islaamik Isteet lamaafi meeshaan dhuka'u mana keessatti hojjetame (IEDs) konkolaataa jarru kun lamaan itti gargaaramaa turan keessatti argamuu poolisiin ibseera. Kun argamuun ammoo Ministirri Muummee Awustiraaliyaa haleellaan gaggeeffame "ayidooloojii Islaamik Isteetiin kaka'amee" waan raawwatamedha jechuun boodadha.

    Haleellaa abbaafi ilmi ayyaana Yihudooyaa Hanukkah jedhamurratti xiyyeeffachuun raawwatan kun namoota 15 galaafatee baayyee madeesseera.

13. 16 Muddee 2025ASHAMAA!

    Akkam jirtu hordoftoota BBC Afaan Oromoo?

    Toora tamsaasa kallattii ittiin odeeffannoo battalumatti isin biraan geenyu har'aa jalqabneerra.

    Ajjeechaa abbaafi ilmi Awustiraaliyaatti Yihudootarratti raawwatan, biyya keessaa ammoo daawwannaa MM Indiyaa Naarendiraa Moodii Itoophiyaa daawwachuuf jedhaniifi kaan qabna.

    Nu hordofaa.