Kan argaa jirtan oduu barreeffamaan qofa marsaritii keenya daataa xiqqaan hojjetudha. Fuula isa guutuu suuraaleefi viidiyoowwan qabate banadhaa.
Gara fuula marsariitii guutuutti na geessi
Filannoo daataa qusatu fayyadamu kanarratti hubannoo dabalataaf
Ministeerri Fayyaa Itoophiyaa hanga ammaatti namoonni dhibee kanaan shakkamanii qorataman 73 keessaa ja'a lubbuun darbuu ibsa kenneen beeksiseera.
Balaa ibiddaa magaalaa Hong Kongitti mudateen lakkoofsi namoota lubbuu dhabanii 36 gahe.
Bulchaan magaalattii Joon Lii ibsa miidiyaaleef kennaniini kan kana jedhan.
Dabalataan, namoonni 279 achi buuteen dhabamuu dubbatani.
Qondaalonni waraanaa Giinii Bisaa'o to'achuu isaanii beeksisan.
Dubbiin isaanii kuni gabaasonni pirezidantiin biyyattii Umaaro Sissoko Embaalo, hidhamuun isaanii ibsame booda dhagahame.
Magaalaa guddoo biyyattii Bisaa'otti erga sagaleen dhukaasaa dhagahame booda pirezidantiin biyyattii hidhamuu maddeen mootummaa BBC'tti himaniiru.
Eegasii booda qondaalonni waraanaa Tv gubbaa dhihaatanii adeemsa filannoo haquu isaaniifi aangoo biyyattii to'achuu ibsan.
Biyyi lixa Afrikaa kuni bu'aa filannoo pirezidantummaa gaafa Dilbataa taasifame eegaa turte.
Filannoo kanarratti morkataan dhaaba mormituu akka hin dorgomne dhorkamee ture.
Paarlaamaan Xaaliyaan ajjeechaan dubartootaa yakka hidhaa umurii guutuu adabsiisu akka ta'u sagalee guutuun mirkanesseera.
Kunis qaama qabsoo haleellaa saalaa dhaabuuf taasifamaa jiru ta’uun himameera.
Bara 2023tti ajjeechaan dubartii ganna 22 Gihuliyaa Kessin jedhamtu jaalallee ishee duraaniitiin irratti raawwatame guutummaa Xaaliyaa keessatti mormii cimaa kaasee ture
Ajjeechaa sana durallee paarlaamaan seera adabbii ajjeechaa dubartootaa irratti mari'achaa tureera.
Jaalalleen dubartii sanaa ajjeechaa erga irratti raawwateen booda reeffa ishee boorsaa keessa kaa'ee qarqara lagaatti gate ture.
Manni marichaa seera kana erga ajjeechaa raawwatame waggaa lamatti raggaasise.
Xaaliyaan biyyoota muraasa ajjeechaa dubartootaa yakka godhan keessaa tokko.
Wixineen kun kan dhiyaate Ministira Muummee Giyoorgi Melooniin yoo ta'u, deeggarsa paartii ishee mormitootallee argachuun ragga'e.
Ammaan booda sababa saala isaaniitiin ajjeechaan dubartoota irratti raawwatamu ajjeechaa dubartootaa jedhamas jedhameera.
''Ajjeechaa dubartoota irratti xiyyeeffate haala hunda keessatti mul'ata,'' jedhan abbaan murtii Paawulaa Di Niikoolaa, warra seera kana wixineessan keessaa tokko.
Seerri kun kan tumame dubartii sana qofa utuu hin taane ajjeechaan dubartoota 221 akka fakkeenyaatti erga fudhatamee boodadha.
"Ajjeechaan kun hinaaffaa ykn jaalala irraa kan ka'e raawwatame jechuun dhugaa jiru jallisuu dha. Amalli namoota haleellaa raawwatan miira olaantummaa irraa kan ka'e akka ta'e seera kana keessatti hammachuudhaan biyya Awurooppaa keessaa isa jalqabaati," jedhan abbaan murtii.
Murtiin kun yakka fi ajjeechaa dubartoota irratti raawwatamu hir'isuuf gumaacha guddaa qabataa jedhameera
Biyyoota Gamtaa Awurooppaa keessaa Saayiprus Maaltaa fi Kirooshiyaa miidhaan dubartoota irratti raawwataniiru yakka guddaa ta'uu labsaniiru.
Balaa ibiddaa magaalaa Hong keessatti gamoo jireenyaa hubeen hanga ammaa yooo xiqqaate namoonni afur lubbuu dhabaniiru.
Viidiyoon kuni hamma balaa kanaa sirriitti mul'isa. Daawwadhaa!
Balaa ibiddaa magaalaa Hong Kong keessumaa manneen jireenyaa gamoo dhedheeroo dhuunfateen yoo xiqqaatee namoonni afur du'an.
Gamoon jireenyaa ibiddi dhuunfate gamoo jireenyaa Wung Fuk Court kan jedhamuufi magaalattiii keessa bulchiinsaa Taaayi Poo'tti argamudha.
Balaan kuni Roobii waaree booda kan eegale yoo ta'u gamoo kanarratti namoonni 4,600 ta'an ni jiraatu.
Osoo haaromsi taasifamaa jiruufiti balaan ibiddaa kuni kan dhaqqabe.
Namoota afur du'an alatti namoonni sadii haala hamaa keessa jiru jedhameera.
Kanneen balaa kanaan lubbuu dhaban keessaa tokko hojjetaa balaa ibiddaa dhaamsuuf birmatedha.
Ammallee namoonni 13 ta'an gamoo kana ibiddi irraa laboobu keessa danqamanii jiru.
Naannoo Itoophiyaa Kibbaatti dhukkubni vaayirasii maarbarg mudachuu qorannoo laaboraatooriin mirkanaa’uu kan ibse Ministeerri Fayyaa, hanga ammaatti namoonni dhibee kanaan shakkamanii qorataman 73 keessaa ja’a lubbuun darbuu ibsa kenneen beeksiseera.
Namoonni shan ammoo wallaansi fayyaa kennamaafi kan jiru yoo ta’u, kanneen 349 warra dhibee kanaan qabaman waliin walitti dhufeenya qabu jedhamee hordofamaa jiru.
Isaan keessaas 119 kn ta’an baafamanii erga tursiifamanii booda yeroo turtii isaanii xumuruun himameera.
Ministirri Fayyaa Dr. Maqidas Dhaabaa lammilee dhibee kanaan lubbuun isaanii darbeef gadda itti dhaga’ame ibsuuniiru.
Vaayirasiin Maarbarg akkamiin daddarba, wal'aansa qabaa?
Guutuu isaa as keessaa argattu.
Taawaanaa Muusvaaburii Instagram irratti hordoftoota kuma 33 qabdi. Hordoftoonni ishee waa'ee ishee sirriitti kan beekan itti fakkaata.
Baayyeen isaanii garuu jaalalleen ishee eenyuu akka ta'e hin beekan. Garuu jaalallee akka qabdu odeeffannoo agarsiisuu kennuunshee hin oolle.
Isheefi jaalalleen ishee osoo wayinii dhuganii wayita burcuqqoo waliitti busanii suuraa agarsiisuu qooddee jirti.
Shamarreen waggaa 24 taateTaawaanaan suuraa jaalallee ishee hin qooddu. ''Akka dubartiitti wanti hundi too'annoo kiyya jala ta'u agarsiisuun barbaada'' jetti.
Shamarreen miidiyaa hawaasaa irratti beekamtuu taate tunis, hojiishee baayyee yeroo raawwattuuttis jaalallee ishe hin hirmaachiiftu.
''Kan milkoofne gargaarsa dhiiraatiin akka ta'e nutti dhagahamu hin qabaatu. Waan hunda kanan milkeesse yaalii dhunfaa kootiin yoon jedhu gammachutu natti dhagahama'' jechuun ibsiti.
Jaalalee ishee waliin gaa'ila dhaabbatan illeen walitti dhufeenya isaanii ifa gochuu hin barbaaddu.
''Waanan qubeellaa hidhadheef qofa waa'ee jireenya jaalalaakoo miidiyaa hawaasaa irratti hin barreessu'' jetti.
Dubartiin qoricha sammuu nama hadoochu kookeen jedhamu shilingii miliyoona 3.6 baasu garaachatti baattee deemaa turte buufata xiyyaaraa Keeniyaa, Buufata Xiyyaaraa Jomoo Keeniyaataatti to'atamte.
Dubartiin kuni qoricha sammuu namaa hadoochu akkamiin garaa keessa akka kaa'ame waanti ifatti himame hin jiru.
Akka Daarektoreetii Qorannoo Yakkaa (DCI) Keeniyaatti, dubartiin maqaan ishee Mulii Ayaan Ndungee jedhamtu nama ganna 34t, Finfinnee irraati kan deemte.
Qorattoonni Gurmuun Farra-Naarkootiksii (ANU) yeroo dubartiin kun qubatteetti haala dubartii kanaa ilaaluun akka sakatta'amtu murteessan.
Isana booda qorannoof battaluma gara waajira ANUtti geeffamtetti dubbiin ifa bahuu eegale.
Dubartiin kun kookeeniin pilaastikaan mammaramee 14 akka keessaa baafamu taasifame.
Kan jalqaba baheen alatti kan biraan hafuu akka malu shakkuun qorannoo itti fufuun gudunfaan biraa 14 ammas keessaa bahe.
Walumaagalatti gudunfaa 28 kan giraama 912.74 ulfaatu shiliingii 3,650,960 baasutu garaa dubartii kana keessa bahe.
Itti aansuun ammoo X-ray (raajii kaasuun) garaashee keessaa kookeeniin kun bahee dhumuu mirkaneeffatan.
Qorichi sammuu hadoochu akkatti maramee garaa keessa taa'eefi mala kilinikaalaan garaashee keessaa baafamuu ifatti waan dubbtaame hin jiru.
Ministirri Muummee Itoophiyaa Abiy Ahimad (PhD) fi Itaamaajor Shuumiin Humna Waraanaa Itoophiyaa Fiild Maarshaal Birhaanuu Juulaa Sadaasa 25, 2025 Ajajaa Waraanaa Ameerikaa Koomaandii Afrikaa, Jeneraal Dagvin R.M. Anderson waliin wal arguun haasaa taasisaniiru.
Qondaalli waraanaa olaanaa US kun dhimma Galaana Diimaa fi fedhii Itoophiyaan qabdurratti dubbachuuf akka Finfinnee daawwatan miidiyaaleen biyya keessaa gabaasaniiru.
"Har'a ganama Ajajaa Koomaandii Afrikaa Yunaayitid Isteetsi, Jeneraal Dagvin R.M. Anderson waliin dhimmoota nageenyaa naannawaafi haalota itti walta'insa caalaatti cimsuun danda'amu irratti marii'anneerra," jechuun fuula miidiyaa hawaasaa isaaniirratti barreessan MM Abiy.
Jilli Ajajaa Waraanaa US Komaandii Afrikaa Jeneraal Dagvin R.M. Andersoniin durfame kun Fiild Maarshaal Biraanuu Juulaa waliin Gaanfa Afrikaatti akkaataa nagaafi tasgabbiin jiraachuu danda'urratti akkamiin akka biyyoonni qaxanaa sana keessa jiran wal tumsuu qabanirratti mariiyataniiru.
Taphataan sarara fuul-duraa Barnimaawooziifi lammii Gaanaa Antooniyoo Semeeniyoo yeroo ammaa kana Paawondii miliyoona 65 baasa.
Jijjiirraa ji'a Amajjii keessa garuu xiqqoo ni hir'ata; jijjiirraa waqtii gannaarra garuu caalaa hir'ata. Haata'u malee, yoomiyyu Paawondii miliyoona 50 gadi hin ta'u.
Manaajerri Maanchester Siitii Peep Gaardiyoolaa yeroo hunda Erling Halaan irratti qofa hundaa'uun waan isa yaaddesseef, Semeeniyoo mallatteesifachuuf abbalaa jira. Liiverpuul ammoo taphataa kana fudhachuuf dorgomaadha
Arsenaal ammoo taphataa sarara gidduu Elchee Roodiriigooo Mendoozaa hordofaa jira. Gatiin taphataa kana fudhachuuf dhiyaate Paawondii miliyoona 17.5.
Maanchester Yunaayitid ganna dhuftutti taphataa sarara ittisaa gidduu argachuu barbaada, garuu taphata lammii Ingilaand bakka kanarratti muuxannoo qabu uumriin isaa waggaa 32 ta'e Harii Maaguweer akka Oold Tiraaford turuuf kontiraata haaraas mallatteessifachuuf yaadaas jira.
Roomaan ammoo jifataa lammii Daach Jooshuwaa Zirkizee Amajji keessa ergisaa Maanchester Yunaayitidirraa fudhachuuf yaadaa jira.
Waraana Raashiyaa waliin itti jiran dhaabuuf karoora nagaa US dhiyeessiterratti “wal hubannoorra” gahamuu Yukireen beeksifte.
Karoorri nagaa dhiyaate kun abbaa qabxii 28 torban darbe keessa US Kiiviif dhiyeessite yoo ta’u, aanga’oonni Ameerikaafi Yukireen torban darbe keessa Jiniivaatti wal arganii irratti hojjechaa turaniiru.
Ergaa miidiyaa hawaasaarratti baaseen Pirezidantiin US Doonaald Tiraamp karoorri inni jalqaba dhiyaate, “yaadni gama lamaanirraa erga dhiyaateen booda fooyyeeffameera,” jedhe.
“Amma Ergamaa Addaa kiyya Istiiv Witkoof akka Mooskoo deemee Pirezidant Puutin wal argu qajeelcheera. Yeroodhuma wal fakkaatutti ammoo Ministtirri Ittisaa Daan Diriiskool ammoo warra Yukireen waliin wal arga,” jedhe itti dabaluun.
Akkam jirtu hordoftoota BBC Afaan Oromoo?
Toora tamsaasa kallattiin odeeffannoo isin biraan geenyu jalqabneerra.
Dhiyaadhaa!
