Tiraamp biyyoota Iraan waliin daldalan akeekkachiisan

Haguuggii Tamsaasa Kallattii

1. 7 Guraandhala 2026US buufataalee waraanaa meeqa qabdi?

   Maxxansa YouTube irra dabri

   Qabiyyee Google YouTube hayyamtaa?

   Barreeffamni kun qabiyyee [social_media-site]n dhiyaatan qaba. Tarii 'cookies' fi teknolojiiwwan biraa fayyadamuu waan danda'aniif, osoo tokkoonsaa gadi hin buufamiin dura hayyama keessan gaafanna. Osoo hin simatin dura Google YouTubeimaammata cookies fi imaammata mateenyaa dubbisuu barbaadda ta'a. Qabiyyee kana ilaaluuf 'waliigaluun itti fufi' filadhu.

   Accept and continue

   Hubachiisa: Qabiyyee marsariitiiwwan alaatiif BBCn itti gaafatamummaa hin fudhatu. YouTube beeksisa qabaachuu danda'a.

   Xumura maxxansa YouTube

   Ameerikaan addunyaarraa biyya humna waraanaa cimaa qabaachuun gita hin qabneedha.

   Waggaa 70 dura garuu seenaan waan biraa dubbata. Amma buufataalee waraanaa meeqa qabdi?

   Daawwadhaa!

2. 7 Guraandhala 2026Namichi qurxummii kiyyeessu osoo arba baqatuu naachi ajjeese

   

   Madda suuraa, Getty Images

   Taateen kuni Zaambiyaa keessa mudate.

   Namichi ganna 52 qurxummii kiyyeessu osoo hoomaa arbaa baqatuu naachi ciniinuu poolisiin hime.

   Miidhama isaarraas osoo hin bayyanatiin du'eera.

   Diyaan Niyirendaa hiriyyoota isaa lamaan waliin qurxummii kiyyeessaa oolanii deebi'aa turanittidha hoomaa arbaatti kan bahan.

   Achumaan baqatani. Niyirendaan laga Luwaanguwaa keessa utaalee seene.

   ''Yeroo sanattidha naachi sarbaa mirga isaa kan ciniine,'' jechuun Ajajaan poolisii naannichaa Robartisan Miweembaa kan gaazexeessitootatti kan dubbatan.

   Biyyi Afrikaa Kibbaatti argamtu kuni arba hedduu qabdi.

   Yeroo dhala namaa waliin walitti bu'anii lubbuun yoo darbuus kuni yeroo duraaf miti.

   Rakkoon dahoo arbaa Baabbilee mudate lubbuu namaafi arbaa galaafachaa jira

3. 7 Guraandhala 2026Tiraamp ajaja pirezidantii michoota daldalaa Iraanirra qaraxa kaa'uu dandeessisu mallatteesse

   

   Madda suuraa, EPA

   Ajaja pirezidantii biyyoota Iraan waliin hariiroo daldalaa qabanirra qaraxa kaa’uu isa dandeessisu Jimaata kaleessaa kan mallatteesse pirezidantiin Ameerikaa Doonaald Tiraamp, biyyoonni kunneen Tehraan waliin bitanii gurguruu kan itti fufan taanaan qaraxa irra kaa’uu akka danda’u dubbateera.

   Ajajni Tiraamp mallatteesse kun haga qaraxa kaa'amuu ifatti ibsuu baatus dhibbentaa 25 akka fakkeenyaatti eereera. Akkaataa qaraxni kun ittiin hojiirra oolus hanga ammaa ibsi dabalataa hin kennamne.

   Ajajni haaraa kun hojiirra kan oolu "kallattiinis ta'e al kallattiin biyyoota Iraan irraa meeshaa bitan ykn tajaajila bitatan; gara biyyasaaniitti galchan ykn karaa biraatiin argatanirrattidha.

   Biyyoonni kunneen omishaaleen gara Ameerikaa galchanis qaranni irra ni kaa'ama.

   Tiraamp waa'ee qaraxa haaraa kana kallattiin yaada irratti hin kennine. Haata'u malee, Jimaata galgala xiyyaara pirezidantii Airforce One irratti yaada gaazexeessitootaaf kenneen, "Iraan meeshaa nukilaraa qabaachuu hin qabdu" kan jedhu ejjennoosaa irra deebiin mirkaneesseera.

   Pirezidant Tiraamp tarkaanfii kana kan fudhate torbanootaaf muddama keessa kan jiran aanga'oonni olaanoo Ameerikaa fi Iraan gara Omaan deemanii marii taasisaa jiranittidha.

   Pirezidant Tiraamp haalonni jiran jijjiiramnaan ajajni kun fooyya'uu akka danda'u eereera.

   Taarifii Tiraamp kana ilaalchisee hanga ammaa gama Iraaniin yaadni hin kennamne.

   Iraan Waxabajji dhaabbileen Nukilara gurguddoo Iraan ierga boombiin haleeleen booda marii taasisuuf walga'iin Jimaataa kan jalqabaati.

   Marii Omaan keessatti taasifamurratti jila Iraan Ministira Dhimma Laa Iraan Abbaas Araagchiin gurfama.

   Ergamaan addaa Pirezidant Tiraamp fi soddaan Tiraamp Yaared Kuushnera ammoo Ameerikaa bakka bakka bu'aniiru.

   Tiraamp turtii xiyyaara irratti gaazexeessitoota waliin taasisaniin mariin Jimaataa "baayyee gaariidha" jechuun ibseera. Iraan "dhimmitee waliigalteerra gahuu kan barbaaddu fakkaatti," jedheera.

   "Waliigalteerra gahuu baannaan bu'aan isaa hamaa ta'a," kan jedhe Pirezidant Tiraamp, jalqaba torban dhufuurra mariin biraan akka gaggeeffamu eereera.

4. 7 Guraandhala 2026ASHAMAA!

   Akkam jirtu hordoftoota keenyaa?

   Toora kallattiin oduu isin biraan geenyu jalqabneerra.

   Nu hordofaa!

5. 6 Guraandhala 2026Mariin Iraaniifi Ameerikaa goolabame, ammas itti fufa jedhamee eegama

   

   Madda suuraa, @FMofOman

   Mariin Iraanii fi Ameerikaa gidduutti har'a Omaanitti eegalame "yeroodhaaf" goolabamuu miiidiyaan mootummaa Iraan gabaase.

   Mariin garee lamaanii har'a eegalame qabiyyeen isaa maal akka ta'e odeessi bahuu dhabus, mariin kun guyyoota itti aanan itti fufa moo achiin hafa kan jedhu wanti ifatti kaa'ame hin jiru.

   Jaarsummaa aangawoota Omaanin, mariin qondaalota olaanoo Ameerikaa fi Iraan gidduutti magaalaa Maskaat keessatti taa'amuu eegale muddama biyyoota lamaanii gara waraanaatti geessuu mala jedhamu kan qabbaneesse dha.

   Haa ta'uu malee, Iraan sagantaa gabbisa niwukileeraa ishee dhaabuuf yoo tole hin jenne Ameerikaan tarkaanfii waraanaa akka fudhattu akeekkachiisaa turte.

   Mariin eegalame "dheeraa fi guyyootaaf akka itti fufu"The Islamic Republic of Iran Broadcastinggabaase

   Xiinxaltoonni mariin kun marii baay'ee murteessaa fi of eeggannoo kan barbaadu jechuun yeroo dheeraa fudhachuu akka hin oolle tilmaama kaayaniiru.

6. 6 Guraandhala 2026Namichi galgala xiyyaara keessatti dubartii gudeeduuf yaale hidhame

   

   Madda suuraa, Police Scotland

   Namichi kun xiyyaaraa Naples irraa gara Edinburgh imalaa ture keessatti dubartii gudeeduuf yaale. Imalli sun galgala keessa ture.

   Ga'eessi umrii waggaa 45 Nikoolaa Kiristiyaanoo jedhamu kun dubartii kana harkasaan humnaan ofitti harkise.

   Mormasaa jala galchuun fedhii saalquunnamtii itti agarsiiseera.

   Dubartiin kun amala namichi kun itti agarsiise hojjettoota xiyyaarichaatti himatteetti.

   Namni kun dubartii gudeeduuf yaaluudhaan yakkamaa ta'eera.

   Wayita mana murtii Edingburgh keessatti himati isaa dhagamaa ture abbaan seeraa haleellaan nama kanaan raawwatame nageenyaa fi to'annoo dubartii kanaa yaaddoo keessa kan galche ture jedhe.

   ''Kanaan booda dubartiin kun hamilee ittiin kophaashee imaltu hin qabdu. Fakkeenyaaf ayyaanaaf imaluuf karoora qabdi. Garuu lamuu imaluu akka hin barbaanne himteetti. Sababni ammoo si'i,'' jechuun Kiristiyaanootti hime abbaan seeraa.

   Namni kun dhugaatii waayinii erga dubartii kanaaf kennee booda itti dhihaachuu akka jalqabe mana murtiitti himameera.

   Erga dhugaatii kana affeeree booda irra deddeebiin harka ishee fi morma ishee ofitti harkisaa ture.

   Ofitti harkisee dhungachuuf baayyee yaale, humna fayyadamee ishee tuttuqaa ture.

   Dubartiin isa waliin miira akkanaa keessa galuu akka hin barbaanne itti himtus inni garuu dhiisuu akka dide himatte dubartittiin.

7. 6 Guraandhala 2026Mariin US fi Iraan Omaanitti eegalame

   

   Madda suuraa, AFP via Getty Images

   Iraani fi US osoo wal waraanufi jedhamuun sodaatamuu Omaanitti marii eegalan.

   Wayita US tarkaanfii waraanaa akka filannoo tokkootti qabattee meeshaalee waraanaa Iraanitti butuun kuusaa jirtutti qondaalonni biyyoota lamaanii Omaanitti mariif walga'aniiru.

   Biyyoonni lameen ejjannoonsaanii baayyee walirraa fagoo ta'uurraa kan ka'e mariin garamitti akka ba'u tilmaamuun ni ulfaata.

   Mariin kun yoo milkaa'e itti aanee biyyoonni lameen, US fi Iraan, gara waliigalteetti darbu.

   Garuu biyyoonni lameen ammumayyuu ajandaawwan mariif dhihaatan irratti waliif hin galin jiru.

   Ameerikaan akka Iraan gabbisa yuraaniyemii adda kuttu ykn zeeroo irraan geessu barbaaddi. Mariin Omaan dhimma nukilaraa irratti xiyyeeffatus US sagantaan misaa'elaa Iraanis ajandaa marii akka ta'uuf dhiheessiteetti.

   Akkasumas Iraan hidhattoota Baha Giddugaleessaa keessa socho'an kanneen akka Hamaas, Hizbollaa, Huutii fi kaan deeggaruu irraa akka of qusattu barbaaddi US.

   Iraan gamasheen mariin kun dhimma nukilaraa qofarratti daangeffamuu qaba jetti.

   Biyyoonni lameen ajandaa marii irratti waldhabaniiru jechuudha. Garuu waldhabdeen kun furamuu fi dhiisuu isaa wanti beekame hin jiru.

   Omaan akka ibsitetti ministirri dhimma alaa ishee Ministira dhimma alaa Iraan Abbaas Araagchii fi Ergamaa Addaa US Isriiv Witkoof akkasumas soddaa Tiraamp faana mari'ateera.

8. 6 Guraandhala 2026Paakistaanitti haleellaa Salaata Juma'aa irratti raawwateen yoo xiqqaate 31 du'an

   

   Paakistaanitti haleellaa Salaata Juma'aa irratti raawwateen yoo xiqqaate namoonni 31 du'an.

   Haleellaan kun Masjiida magaalaa guddoo Paakistaan, Islaamaabaad keessatti argamutti osoo namoonni Salaata Juma'aarra jiranii raawwatame.

   Sababi haleellaa kanaa qoratamaa jira.

   Haleellaan kun yeroo raawwatu viidiyoon mul'isu gadhiifameera.

   Viidiyoo kana keessatti kopheen namoota Masjiida turanii bittinnaa'ee mul'ata.

   Namoonni hedduun walirratti kukkufanii wayita birmannaa gaafatan dhagahamu.

   Bakki haleellaan kun irratti raawwate Imambargah Khadijatul Kubra kan jedhamu yoo ta'u, magaalaa Islaamaabaad keessaa bakka Tarlai jedhamutti argama.

9. 6 Guraandhala 2026Jeneraal Raashiyaa olaanaa tokko Mooskootti rasaasa hedduun rukkutamee hospitaala gale

   

   Madda suuraa, Russian Defence Ministry

   Qondaalli waraanaa olaanaa Raashiyaa tokko magaalaa guddoo biyyattii keessatti rasaasa baayyeen dhahamee madaa'uun ibsame.

   Leenenaant Jeneraal Vilaadmiir Aleksiiyeev naannawaa gamoo mana jireenyaatti erga haleellaan irratti raawwatamea booda battaluma gara hospitaalaa kan geeffaman yoo ta'u, haalli amma keessa jiran hin beekamu.

   Jeneraalli kun hoggansa waraanaa Raashiyaa keessatti qondaala sadarkaa olaanaarra jiru yoo ta'u, waggoota arfan darban Raashiyaan Yukireen waliin keessa jirtu keessatti hoggantoota waraanaa ol aanoo irratti xiyyeeffatame keessaa kessaa tokkodha.

   Jeneraalli kun bara 2018 haleellaa gaazii narvii Yunaayitid Kingidam keessatti raawwatameen walqabatee Gamtaan Awurooppaa qoqqobbii irra kaa'eera.

   Leetenaant Jeneraal Vilaadmiir hospitaala galuu isaa fi waa'ee haleellaa irratti raawwatamee qorannoon gaggeeffama ajiraachuu mootummaan beeksiseera.

   Jeneraalli kun waraana Yukireen keessatti gahee olaanaa kan qabu yoo ta'u, gggeessaa Waaginar Puutin irratti fincile akka waliigalan gochuufi haasawwan biroo keessatti ni beekama.

   Haleellaa har'a ganama mudate duuba eenyu akka jiru hanga ammaatti wanti beekame hin jiru.

   haleellaa kanaan dura hoggantoota waraanaa Raashiyaarratti raawwatameef Yukireen itti gaafatamummaa fudhattee ture.

   Waggaa lama dura ajajaa waraanaa meeshaa Baayoloojikaal fi Kemikaalaa kan ture Leteneel Jeneraal Iigoor Kiriiloov Mooskoo keessatti boombii konkolaataa keessatti kiyyeeffameen ajjefamuun isaa ni yaadatama.

10. 6 Guraandhala 2026US fi Iraan gidduu lolli eegala jedhamee sodaatametti marii eegaluuf jedhu

    

    Madda suuraa, AFP via Getty Images

    Qondaalonni olaanoo Ameerikaafi Iraan muddamni gidduu isaanii erga lolatti qajeeluu mala jedhamee sodaatameetii Omaanitti marii eegaluufi.

    Mariin kuni Iraan lammiileeshee mormii bahan irratti haleellaa jabeessite jennaan US waraana ishee gara Giddugala Bahaatti erga bobbaaste booda dhufe.

    Akka dhaabbileen mirga namoomaa jedhanitti lammiileen Iraan hiriira bahan kumaatamni ajjeefamaniiru.

    Muddamni biyyoota lamaan gidduu hammaate jennaan jaarsummaan furuuf yaalamaa jira.

    Haa ta'u malee, biyyoonni lamaan ejjennoo walirraa fagaate qabu.

    Yoo mariin kuni milkaa'e gara araaraatti geessuu danda'a.

    Iraan gabbisa niwukilaraa ishee akka dhaabdu akkasumas yuraaniyeemii gabbiste akka balleessitu Ameerikaan ni barbaaddi.

    Mariin teellanaas dhimma misaa'elii baalistikii Iraan, deeggarsa biyyattiin hidhattootaaf gootu akkasumas akkaataa lammiilee ishee qabachuu qabdu akka dabalatu US ni barbaaddi.

    Guutummaa odeessa kanaaf

11. 6 Guraandhala 2026Ameerikaan lammileen ishee Iraan keessaa akka bahan ajajje

    

    Madda suuraa, FARS

    Aanga'oota ol aanoo mootummaa Ameerikaa fi Iraan gidduutti mariin jalqabaa Omaan keessatti taasifamu jalqabuuf sa'aatiiwwan muraasni yeroo hafetti, Ameerikaan lammileen ishee Iraan gadhiisanii akka bahan akeekkachiifte.

    Akeekkachiifni kun kan bahe karaa mootummaan Ameerikaa marsariitii "Ze Yunaayitid Verchuwaal Imbaasii jedhamuu fi waltajjiiwwan miidiyaa hawaasaa lammilee Iraaniif odeeffannoo garagaraa ittiin dhiyeessuunidha.

    Ameerikaan lammileen ishee guutummaa Iraan keessaa gadhiisanii akka bahan akka sababaatti kan dhiyeessite Iraan keessatti tarkaanffii eegumsa nageenyaa, daandiiwwan cufachuu, geejjibni ummataa addaan cituu, akkasumas tajaajilli inteneetii addaan cituudha.

    Akeekkachiifni kun itti dabaluun, Ameerikaanonni dhalattoota Itaan ta'an yeroo biyyattii gadhiisanii bahanitti, Iraan lammummaa dachaa seera-qabeessa gootee wan hin fudhanneef paaspoortiisaanii kan Iraan akka fayyadamaniif hubachiiseera.

12. 6 Guraandhala 2026Imala Dr. Margituu Dabalaa - Fakkeenya kaayyoo ofiitti cichuun milkaa'uu

    

    Madda suuraa, Dr. Margituu Dabalaa

    Dr. Magartuun afaan Faransaay dabalatee afaanota shan dubbachuu dandeessi. Afaan Geedi'ootiin haadhashee waliin icciitii haasa'u. Maatiisheef nama hangafaati.

    Bu'aan qormaata biyyaalessaa kutaa 12ffaa kan yunivarsiitii ishee galchu hin turre. Kanaafis kaadhimaansheef maatiin akkasheen bultoo ijaarrattu barbaadu ture.

    Isheen garuu dubartiin jabaattee of dandeessee jiraachuu qabdi jettee waan amantuuf heeruma diddee manaa baddee firasaanii bira deemte.

    Achi teessees barsiisummaa leenji'uuf dorgomte. Milkaa'eefii gosa barnoota Ji'ogiraafiitiin leenjitee baate.

    Barsiistuu, hoggantuus taatee hojjetteetti. Biyya keessaaf biyya alaatti barattee milkoofteetti.

    Amma barsiistuu yunivarsiitii, qorattuu, gorsituu, akkasumas dhaabata tola-ooltummaa hundeessuun dubartootaaf dargaggoota deeggaraa jirti.

    Bu'aa bayii jireenyaa keessa dabartee fi milkaa'inashee akkasumas hojii dubartoota deeggaruuf hojjechaa jirtu irratti BBC waliin turtii taasisteetti.

    Kaadhimaashee jalaa baddee barnootashee itti fufte…

    Dubartiin waan baayyee irraa baratamu qabdu kun eenyu?

13. 6 Guraandhala 2026US fi Iraan har'a Omaanitti dhimma nukilaraarratti mariyachuuf waliigalan

    

    Madda suuraa, EPA

    Yeroo pirezidant Tiraamp Hogganaa Olaanaa Ayaatolaa Alii Komaaniif akeekkachiisa ergaa jirutti, US fi Iraan har’a Omaan keessatti dhimma nuukilaraarratti mariyachuuf waliigalan.

    Ministirri dhimma alaa Iraan Abbaas Araagchii akka jedhetti, walga’iin kun Muskaat keessatti 10:00 (06:00 GMT) irratti jalqaba. Aanga’oonni US akkuma kana walga’iin kun akka bakka jedhametti gaggeeffamu mirkaneessaniiru.

    Bakka walga’iin itti gaggeeffamuufi ulaagaa isaarratti wal dhabuu isaaniirraa kan ka’een waan danqamee ture fakkaata.

    Tiraamp ammoo Iraan dhimma sagantaa nukilaraa itti jirturratti mariif hin teessu taanaan, akkasumas mormitoota ajjeesuu hin dhaabdu taanaan tarkaanfii waraanaa akka fudhatu humnoota US gara naannoo sanaatti butuun akeekkachiiseera.

    Ayaatolaa Komaniin sababa akeekkachiisa isaatiin yaadda’uu qabaa jedhamee gaafatamee, “Baayyee yaadda’uu qaban jedha,” jechuun Roobii NBCtti dubbate.

    “Yaadda’uu qaba. Akkuma beektan, nu waliinidha kan dubbataa jirtan,” jedhe itti dabaluun.

    Ayaatolaa Komaaniin ammoo Dilbata haaleellaan kamiyyu Iraan irratti raawwatamu “waraana naannoo” kaasa jechuun US akeekkachiisanii ture.

    Dippilomaatiin Arabaa tokko US’tti michuu BBC kan ta’e CBS ‘tti akka himetti, mariin waliigaluuf Tehraan fi Waashingiten gidduutti taasifamu ifatti haqamuu baatus, Roobii ganama danqamee ture.

14. 6 Guraandhala 2026ASHAMAA!

    Akkam jirtu hordoftoota BBC Afaan Oromoo?

    Tamsaasa kallattiin oduu isin biraan geenyu jalqabneerra.

    Fuula marsariitii, Facebook, YouTube fi WhatsApp keenya irraas odeessawwan waktaawoo ni argattu.

    Nu hordofaa!