Kaamalaa Haaris: Seenaa jireenyashee suuraan

Kaamalaa Devii Hariis Onkoloolessa 20 bara 1964 Oaklaand, Kaaliforniyaa keessatti warrashee godaantota irraa dhalatte. Haadha ishee dhalattuu Indiyaa Shiyamaalaa fi abbaanshee dhalootaan Jaamaayikaa ta'e Doonaald jdhamurra dhalatte.

Kaamalaan obboleettii quxisuu Maayaa jedhamtu qabdi.

Abbaafi haatiishee wayita isheen intala waggaa torbaa jirtu wal hiikan. Kunis erga abbaan ishee Yunivarsiitii Istaanfoord keessatti hojii argataniin yeroo muraasa booda ture. Kaamalaafi obbooleettiin ishee Maayaan yeroo isaanii mana lamaan gidduutti dabarsaa turan.

Warri lamaan sochii mirga lammiilee keessatti sochii guddaa kan godhan yoo ta'u, waadaa isaaniin kunis umurii dargaggummaashee irraa kaasee ishee keessatti uumame.

Itti fuftees Yunivarsiitii Hawaard, kolleejjii fi yunivarsiitiiwwan seenaa gurraacha biyyattii keessatti beekamoo ta'an keessaa tokkotti saayinsii siyaasaa fi dinagdee baratte.

Bara 1990 keessa Kaamalaan hojiishee akka qorattuu yakkaatti Kaaliinfoorniyaatti eegalte.

Isheenis jalalqaba Kaawuntii Alaamedaa keessatti, boodarra ammoo Saan Firaansiskootti haadha seeraa aanaa turte.

Bara 2011'tti Haaris haadha alangaa waliigalaa Kaalifoorniyaa ta’uun filatamuun, dubartii jalqabaa fi nama gurraattii jalqabaaisteetii Ameerikaa baay’ina ummataa qabu keessatti haadha seeraa olaatuu ta’uun tajaajilte.

Akkasumas sochii mirga saala walfakkaatu leellisan (LGBTQ+) irratti hoggantuun biyyaalessaa taatee cidha saala walfakkaatan jalqabaa Kaalifoorniyaatti gaggeeffame raawwachiifte.

Haaris bara 2013tti wal qunnamtii jaamaa kan hiriyyaa waliinii tokko qopheesse irratti Daag Emhoff waliin kan wal bare yoo ta'u, waggaa tokko booda wal fuudhan.

Haaris haadha warraa ijoollee Emhoff lamaan Koolii fi Eelaati.

Akkaataan haadha alangaa isheen ofitti amanamummaa hojii siyaasaa ishee tarkaanfachiiftuu addadha.

Haaluma kanaanis bara 2017tti Kaalifoorniyaatti Senetera taatee filatamuun kutaa dhaddachaa keessatti mallattoo ishee galmeessiteetti.

Haaris bara 2020tti pirezidaantii ta'uudhaaf dorgommii ishee isa jalqabaa taasifte. haata'u malee, ilaalchaa fi waltajjii imaammataa ishee ibsuuf rakkachaa waan turteef duulli kun isheef hin milkoofne ture.

Joo Baayidengaruu duula filannoo isaarratti ishee dabaluudhaan gara xiyyeeffannoo biyyaalessaatti ishee deebise.

Erga Baayiden bara 2020 pirezidanti ta'uun injifatee booda, Haaris itti aanaa pirezidaantii taate. Kanaanis ittaantuu pirezidantii dubartii jalqabaa, garraattii Ameerikaa jalqabaa fi Ameerikaa Eeshiyaa Kibbaa jalqabaa aangoo kana qabattee taate.

Akka itti aantuu pireezidaantiitti, Haaris godaansa daangaa Ameerikaa fi Meeksikoo irratti to’achuufitti gaafatamummaan itti kennamee ture. haata'u malee garuu qeeqxonni jijjirama qabatamaa hin agarsiifne jedhu.

Mirga ulfa baasuu irratti xiyyeeffannaa kan taasiftu Kaamalaan haala ittaantoota pirezidantiifi pirezidantoota ishee duraan turan irra haala adda ta'en, bara aangoosheetti kilinikii ulfi itti baafamu doowwachuudhaan kan jalqabaa taatee jirti.

Filannoo ammaatiin kaadhimamaa dimokiraatootaa ta'un dhiyaatanii kan ture Joo Baayidan sababii umuriitiin akkuma tasaa Adooleessa keessa dorgommii irraa of adda baasuun, Kaamalaan haala hin eegamneen kaadhimamtuu pirezidantii ta'un dhiyaatan.

Yeroo gabaabaa keessattis dimokiraatonni paartii saaniitiif abdii haaraa kan ta'an Kamaalaa Haaris kaadhimamtu pirezidantii akka taatuuf deeggarsa kennuun duula filannoo itti fufanii turan.

Kaamalaan ji’a Onkololessaa keessa, osoo duula filannootiif bulchiinsa tokkoo kan gara biraatti, magaala tokkoo kan biraatti osoo naannwaa jirtuu ture kan guyyaa dhaloota ishee waggaa 60ffaaf kan xiyyaara Human Qilleensaa Lamma (Air Force Two) irratti kabajattee ture.

Injifannoon Haaris ammas seenaa hojjechuushee kan galmaa'uuf ta'a.Kanaanis Kaamalaa Haaris dubartii jalqabaa pirezidantii 47ffaa US, dubartii gurraattii fi dubartii hidda dhaloota Hindii ta'an keessaa pirezidaantii Ameerikaa ta'uun filatamte.