Maanguddoo Finfinnee dulluma keessa jaalala Arsenaaliin booji'aman

Maanguddoon kun maqaansaanii Aaddee Iteetuu Maammoo jedhamu. Jiraattuu Finfinnee yoo ta'an, waggoota 20 oliif garee kubbaa miilaa Ingiliiz keessaa tokko kan ta'e Arsenaal deeggaruun beekamu.

Gareen isaan deeggaran Arsenaal barana waancaa dhabuusaatti gaddanillee gariicha deeggaru irraa booddeetti akka hin deebiine dubbatu.

Haala itti kubbaa miilaa ilaaluu jalqabaniifi Arseenaaliin deeggaruu eegalan akkasumas sababa Arsenaaliin jaalataniif BBCtti himaniiru.

Aadde Iteetuun tapattoota Arsenaal maqaan beeku.

“Arsenaal baay’ee natti tola, baay’een jaaladhas. Kanaaf isa deeggaruu eegale” kan jedhan Mama Arsenaal, ijoollee isaanii hordofuun garee kubbaa miilaa Arsenaal deegaruu eegalan.