Wo ohun tó yẹ kí o mọ̀ nípa Lara Olubo, èèkàn akọrin àti òṣèré tíátà tó jáde láyé

Gbajumọ akọrin ẹmi to tun jẹ ilumọọka agbohunsafẹfẹ, aranṣọ ati oṣere tiata, Lara Olubọ ti jade laye.

Gẹgẹ bi iroyin ti a gbọ ni ọjọ Abamẹta ni Arabinrin lara Olubọ jade laye bi o tilẹ jẹ wi pe ko tii si ẹni le sọ ni pato ohun to ṣe okunfa iku rẹ, amọṣa awọn kan to sun mọ ọ n sọ pe, o ti ṣe diẹ ti o ti wa ninu aarẹ.

Ta ni Lara Olubọ?

Gbajumọ atọkun eto lori afẹfẹ ni arabinrin Olubọ. O si jẹ ẹni ti ọpọ awọn eeyan to n wo mohunmaworan Orisun ko le tete gbagbe nibi to ti n ṣe atọkun awọn eto bii Miliki Express, Eto Baba Eto ati Oju Ọja.

Awọn eto wọnyii mu u ko di ilumọọka kaakiri.

Bakan naa lo tun jẹ eekan elere tiata ati sinima nibi to ti kopa ninu ọpọlọpọ awọn sinima agbelewo lede Yoruba.

Ki lawọn eeyan n sọ lori itakun ayelujara

Ọkanojọkan awọn eeyan to mọ oloogbe naa nigba aye rẹ ni wọn ti n daro iku rẹ paapaa lori itakun ayelujara gbogbo.

Pupọ lara wọn bii @yemiterry, @wumitoriola, @iameyinjueledumare_, @itz_temmykiss lo kẹdun igbe aye to ni ipa ti wọn ni oloogbe naa gbe.

Bẹẹni awọn miran gba ladura ki eleduwa tẹ ẹ si afẹfẹ rere.