"Awuyewuye lórí aṣọ tó bo Kaaba, tó jẹ́ ohun mánigbàgbé tí wọ́n fi ránṣẹ́ sí Epstein''

Grace Tsoi

Global Journalism team, BBC World Service

Fairouz Hosny

BBC News Arabic Trending

Awọn Musulumi kaakiri agbaye ti ṣalaye ibinu wọn lori awọn iwe ti o ṣe afihan pe ọpọlọpọ awọn aṣọ to n bo Kaaba - ibi mimọ ni Islam - ni wọn fi ranṣẹ si oninawo itiju ati ẹlẹṣẹ fipabanilopọ Jeffrey Epstein.

Ninu ipin awọn iwe Epstein ti Ẹka Idajọ AMẸRIKA (DOJ) tu sita ni Ọgbọnjọ Oṣu Kini, awọn paṣipaarọ imeeli to wa lati ọdun 2017 ṣalaye gbigbe asọ Kaaba, ti wọn mọ si Kiswa, lati Saudi Arabia lọ si ile Epstein ni Caribbean.

"Fojuinu wo fifi aṣọ mimọ bayii ranṣẹ si eeyan ẹlẹgbin!" eeyan kan kọ si oju opo X.

Ninu fọto miiran ti o jade ni ọdun 2014, Epstein ati ọkunrin miiran dabi ẹni pe wọn n ṣe ayẹwo aṣọ kan ti o wa lori ilẹ, eyiti o dabi apakan ti o da bi aṣọ ti Kiswa ti o bo ẹnu-ọna Kaaba.

Eeyan mii lori X sọ pe fọto naa "ba ọkan mi jẹ " bi wọn ṣe tẹ aṣọ Kiswa si ilẹ bi capeti".

Ẹwẹ, fọto yii ko dabi pe o ni ibatan si awọn iwe ti o daba awọn ege Kiswa ti wọn fi ranṣẹ si Epstein ni ọdun 2017. Ati pe ko ṣe afihan boya aṣọ ti o wa ninu fọto jẹ nkan Kiswa tootọ.

'Moṣalasi'

Aṣọ yii ni wọn fi siliki dudu ṣe, Kiswa jẹ aṣọ to ni awọn akọle Al-Qur'an lara ti wọn kọ pẹlu wura ati fadaka. O bo gbogbo awọn odi ode mẹrin ti Kaaba, eto okuta ni aarin Mossalassi nla ni Mekka.

Lọdọọdun, lẹyin ti ọpọ awọn arinrinajo ẹsin ba fi ọwọ kan, wọn ma n parọ Kiswa yii pẹlu tuntun mii lati ṣe ayajọ ọdun Islam tuntun.

Ile-ipamọ DOJ ni ifọrọranṣẹ laarin oṣiṣẹ Epstein ati iwe apamọ imeeli kan si ẹnikan ti orukọ rẹ n jẹ "Aziza al-Ahmadi" han sita nibi siṣe eto gbigbe awọn ege mẹta ti Kiswa si Epstein ni ọdun 2017: ọkan jẹ apejuwe bi alawọ ewe, lati inu Kaaba.

Imeeli ti o ni ọjọ 1 Kínní 2017 tọkasi oluranlọwọ si ẹnikan ti wọn pe ni Ahmadi sọ fun oṣiṣẹ Epstein pe wọn yoo "kọ diẹ ninu awọn ege Kaaba fun mọṣalaṣi naa" wa fun. Koyewa boya wọn n tọka si "Mossalassi" to wa lori ohun-ini Epstein.

Lati awọn faili Epstein ti a ṣe atunyẹwo titi di isisiyi, ko si darukọ mọṣalaṣi kan lori erekusu naa. Ẹwẹ, gẹgẹ bii iwe to wa loju opo wẹẹbu DOJ, itọkasi si ile kekere kan bi "tẹmpili". Koyewa ohun ti o tumọ si ninu ifọrọranṣẹ naa.

"Mossalassi" ti wọn mẹnuba ninu iwe ko yẹ ki o dapo pẹlu Mossalassi nla ti Mekka, eyiti o wa ni Kaaba.

Awọn iwe yii ṣe afihan bi ẹru ṣe ti de si ile Epstein's Palm Beach ni ọjọ kẹrin Oṣu Kẹta ọdun 2017 ati pe lẹyin naa, wọn gbe lọ si St Thomas ni erekusu Virgin US. O wa nitosi Little St James, erekusu ikọkọ ti Epstein nibi ti ọpọlọpọ awọn olufaragba ti fi ẹsun kan pe o kọlu wọn.

Lẹyin gbigbe naa, imeeli ti n ṣafihan eyi to wa lati ọdọ Ahmadi sọ fun Epstein pe aṣọ dudu naa "o le ni miliọnu mẹwaa eeyan ti wọn jẹ Musulumi ni wọn fọwọkan, bi Sunni, Shia ati awọn miiran".

"Wọn rin ni ayika Kaaba awọn iyipo meje, lẹyin naa gbogbo eniyan gbiyanju bi wọn ti le ṣe lati fi ọwọ kan ati pe wọn si ṣe adura wọn, awọn ifẹ, omije ati awọn ireti lori nkan yii," imeeli naa sọ.

Ko ṣe ye wa boya Epstein gba awọn ege Kiswa gẹgẹ bi ẹbun tabi boya ooto ni wọn.

Ẹwẹ, eyi kii ṣe igba akọkọ ti Epstein yoo gba nnkan lati Saudi Arabia, igbasilẹ DOJ daba.

Lori awọn imeeli kan lati ọjọ kẹtadinlọgbọn Oṣu Kini ọdun 2017, ẹni ti a n pe nio jẹ oluranlọwọ Ahmadi beere awọn aworan inu Mossalassi" lati ṣe igbaradi "nkankan ninu Mossalassi". Saaju ni oluranlọwọ si Epstein jẹrisi dide ti awọn ẹru ile si ile Epstein.

Awọn gbigbe mejeeji ni wọn ṣe lẹyin ti ileẹjọ ni o jẹbi ẹsun fipabalopọ ni ọdun 2008 lẹyin ti o ni oun jẹbi awọn ẹsun meji ti wiwa panṣaga, pẹlu ọmọde kekere kan.

Ahmadi ko dahun si ibeere BBC fun awọn asọye. Ifarahan awọn orukọ ninu awọn iwe aṣẹ kii ṣe ẹri ti aiṣedede.

Ibu iyi ṣugbọn ẹru ko bodo

Awọn alaṣẹ Saudi lo ni iṣakoso to gaju lori Kiswa, lati bii ti wọn ṣe, fifi sori ẹrọ ati yiyọ kuro, si lilo awọn ti atijọ. Ṣugbọn ko si ofin nipa pinpin Kiswa atijọ.

BBC ti kan si awọn alaṣẹ Saudi fun alaye, ṣugbọn a ko gba esi ni akoko ti a gbe iroyin yii jade.

"Awọn apakan ti o ni awọn akọle goolu ati fadaka nigbagbogbo ti a mọ si 'Belt' ati 'Samadias' le jẹ ẹbun to jẹ pe oṣiṣẹ ijọba Saudi Royal Court nikan le fun eeyan," Ahmed al-Halabi, onkọwe nipa Hajj ati Umrah, sọ fun BBC News Arabic.

"Awọn aṣọ wọnyi ni a gbekalẹ fun awọn olori awọn ilu Musulumi ati awọn oṣiṣẹ ijọba wọn."

"Aso dudu ti o ku ni a maa n ge si wẹwẹ, ti wọn si o le fi fun awọn alaṣẹ ti ipo kekere," Halabi ṣe afikun.

Dokita Simon O'Meara, akotan aworan Islam kan ni Ile-ẹkọ giga SOAS ni Ilu Lọndọnu, sọ pe Kiswa kii ṣe "mimọ lainidii" ṣugbọn o jẹ ohun ibọwọ fun awọn Musulumi.

"O bu ọla fun kikọ Kaaba - gẹgẹ bi ẹwu ọba kan.

"Ni kete ti Kiswa ba bọ kuro, ko yẹ ki o jẹ ibajẹ, o ko gbọdọ tẹ lori rẹ."

Ni apa keji, Halabi tun jẹ ko di mimọ pe aṣọ Kiswah ki n ṣe ebun ti wọn ma n fun ẹni ti ki n ṣe Musulumi.