Onigbeti: Ọba ìlú Igbeti, Emmanuel Oyekan Oyebisi Afasegbejo I, ti wàjà

Ìye àkókó tí a fi kà á: Ìṣẹ́jú 1

Onigbeti ti ilu Igbeti, Ọba Emmanuel Oyekan Oyebisi, Afasegbejo I, ti jade laye.

Ori ade naa gori itẹ awọn baba nla rẹ lọdun 2004 ko to dagbare faye lẹni ọdun mẹtadinlọgọrin lọdun 2021.

Alaafin ti ilu Oyo, Ọba Lamidi Olayiwola Adeyemi III, ti ba ẹbi ati gbogbo awọn olugbe ilu Igbeti kẹdun iku ọba alaye naa.

Ninu atẹjade kan lori Facebok ni Alaafin ti ba ẹbi atawọn eeyan nilu naa kẹdun.

Atẹjade ọhun ni "Alaafin Ọba Adeyemi III ba ẹbi, awọn ọmọ ọba atawọn eeyan ilu Igbeti kẹdun lori iku Ọba Emmanuel Oyebisi Afasegbejo I."

"A gbadura fun ẹbi ati araalu ti fi silẹ saye lọ ki Ọlọrun tu wọn ninu."

Ẹwẹ, kọmiṣọna fun ọrọ agbegbe ati ohun amuṣagbara ni ipinlẹ Oyo, Abiodun Oni naa tun ti ba ẹbi oloogbe ọhun kẹdun.

Oni sọ pe ki awọn eeyan ilu Igbeti ma ṣe ba ọkan jẹ nitori oloogbe naa gbe igbe aye rere ko to dagbare faye.

Skip Èyítí A Ń Kà Jùlọ and continue reading
Èyítí A Ń Kà Jùlọ

End of Èyítí A Ń Kà Jùlọ

Awọn ẹbi oloogbe ti ni awọn yo kede bi eto isinkun rẹ yoo ṣe lọ laipẹ.