Mike Bamiloye pá àrokò ìkìlọ ránṣẹ sí àwọn ọkùnrin Nàìjíríà lórí àgbèrè ṣíṣe

Ẹyin ọkunrin Naijiiria, ẹ jawọ nibi piparọ obinrin bi ẹni parọ aṣọ.

Gbajugbaja oṣere ẹlẹsin Kristẹni ajihinrere Mike Bamiloye lo n parọwa bayi sawọn ọkunrin lati sinmi piparọ obinrin bi ẹni parọ '' handkerchief''

Ninu ọrọ to fi si oju opo rẹ ni Instagram lo ti gbawọn ni amọran yi.

Bamiloye ti ọpọ mọ fun ere ori itage ''Agbara nla'' ni lati ibẹrẹpẹpẹ lo ti yẹ ki awọn ọkunrin mojuto ibaṣepọ wọn pẹlu awọn obinrin.

O ṣakawe lati inu iwe bibeeli bi Samson ti ṣe ṣaṣiṣe nipasẹ iyawo to yan ati awọn obinrin miran to ni ajọṣepọ pẹlu.

O kesi awọn ọdọ iwoyi pe ki wọn ma ṣe fi obinrin ta tẹtẹ nitori ọrọ yi kii ṣe ọrọ awada rara.

O ni bi wọn ba ri piparọ obinrin gẹgẹ bi nkan igbadun adanu ni ytoo gbẹyin rẹ fun wọn.

''Ẹ bi Solomon,ẹ bi Samson, ẹ bi Judah ati Tamar, ko si ọkunrin to moribọ ninu ere gele pẹlu obinrin''

O gba awọn ọdọkunrin ni amọran pe ti wọn ba fẹ ṣe amuṣẹ ileri Ọlọrun ninu aye wọn, ki wọn ya tete ri pe wọn fẹ iyawo to dara.