Zambia Pastor: Èèyàn márùn-ún di èrò ẹ̀wọ̀n lẹ́yìn tí wọ́n sin wòlíì láàyè lásìkò ètò àdúrà

Ara meeriri, mo ri ori ologbo lori atẹ ni ọrọ isẹlẹ kan to waye nigba ti wolii kan ni ki awọn ọmọ ijọ rẹ sin laaye, ki oun si pada jinde, amọ to gba ibẹ ku fin-fin.

Idile ẹlẹni marun kan lo pe wolii wa sinu ile wọn lati wa se isẹgun fun wọn to wa ni abule Mazonde, lorilẹ-ede Zambia, lati le awọn ẹ̀mí buburu jade.

A gbọ pe ni ṣe ni Wolii Shamiso Kanyama sọ fun awọn ọmọ ẹyin rẹ pe ki wọn o sin oun laaye, ki oun ba le ke pe awọn agbara ìwẹ̀nùmọ́ ti yoo wo ẹbí naa ṣàn kuro lọwọ agbara ati airi to n pa wọn ni ipakupa.

Àwọn iròyin tì ẹ leè ní ìfẹ̀ síí:

Lẹyin naa lo darapọ mọ àwọn ọmọ ẹ̀yìn rẹ lati gbẹ ibojì to fẹ ki wọn o sin oun si.

Ṣe ẹni ba rán ni nisẹ laa bẹru, a kii bẹru ẹni ti a o jẹ ẹ fun, n se ni àwọn eniyan naa ṣe bi Ọga wọn ṣe sọ, lẹyin to gbadura, to si bẹ sinu iboji fúnra rẹ, wọn ko iyẹpẹ le e lori bi oku.

Sugbọn ọrọ gba ibomiran yọ nigba ti awọn ọkunrin naa pada gbẹ iboji naa lati wo o boya wolii ti jinde bo ṣe sọ, oku rẹ ni wọn ba.

Wọn ti wa fi ẹsun ipaniyan kan eeyan marun-un ninu ẹbí naa lẹyin ti wolii naa, ti wọn pe si ile wọn fun eto adura, jade laye.

Awọn iwe iroyin abẹle nibẹ sọ pe, awọn afurasi marun-un naa farahan niwaju ile ẹjọ giga kan ni Harare, fun ẹsun pe wọn lọwọ si iku wolii Shamiso Kanyama, lasiko to n sisẹ iṣegun fun wọn.

Ẹnikan to rojọ tako àwọn eniyan naa nile ẹjọ, Father Zvidzai sọ pe, lootọ ni wolii naa ṣe bẹẹ, sugbọn oun gbiyanju lati da awọn eniyan naa duro nigba ti wọn bu iyẹpẹ diẹ le e lori, àmọ́ wọn ko gbọ.

"Mo kilọ fun awọn ọkunrin naa pe o lewu láti sin eeyan laaye, sugbọn wọn ko gbọ.

Koda, Wolii Kanyama pariwo mọ mi pe mo n di àwọn angẹli oun lọwọ, to si ni ki wọn o tẹsiwaju lati ma a rọ iyẹpẹ sinu iboji naa."