Sunday Igboho: Ọwọ́ àwọn afurasí ‘Sọ́jà’ tó kọlu ilé Igboho kò ri mú

Iroyin to n tẹ wa lọwọ ni yajoyajo ni nkan ko fara rọ bayii nile ajijagbara nilẹ Yoruba, Oloye Sunday Adeyemo ti ọpọ mọ si Sunday Ighoho.

Iroyin ti a n gbọ lati ilu Ibadan ni pe awọn ajinigbe yabo ile Igboho to wa ni agbegbe Soka nibi ti wọn ti ji awọn eeyan gbe lọ.

Agbẹnusọ fun Igboho, Olayomi Koiki sọ ninu fidio kan to fi lede loju opo Facebook rẹ ṣalaye pe awọn janduku kan yabo ile Igboho nibi to sọ pe wọn ti pa eeyan.

Koiki ni awọn janduku ọhun tun ji awọn eeyan lọ nile Ighoho to wa ni Soka, ti wọn si ba ọpọ mọto rẹ jẹ.

Lara awọn mọto to sọ pe awọn afurasi janduku naa bajẹ ni ọkọ olowo iyebiye G-Wagon, Prado Jeep atawọn ọkọ miran to wa ninu agbala rẹ

Koiki ni awọn afurasi sọja to yabo ile naa ko gbogbo owo to wa ni ile Ighoho lọ. O ni oriṣiiriṣii ọta ibọn lo wa nilẹ tawọn janduku agbebọn ọhun lo nile Igboho.

Ọpọ eeyan lo ti sọ lori ayelujara lati bu ẹnu atẹ lu iṣẹlẹ naa.

Awọn janduku ọhun wa gbogbo inu ile lati mu Igboho ṣugbọn wọn ko ri Igboho.

Gbogbo awọn to wa ninu ile Igboho ni wọn jigbe lọ to fi mọ awọn to n dana ounjẹ ni ile rẹ to wa ni Soka,'' Koiki ṣalaye.

O ni oriṣiiriṣii ọta ibọn lo wa nilẹ tawọn janduku agbebọn ọhun lo nile Igboho.

''Awọn janduku ọhun ba gbogbo ọkọ to wa nile Sunday Igboho jẹ patapata.

Awọn janduku ọhun wa gbogbo inu ile lati mu Igboho ṣugbọn wọn ko ri Igboho.

Gbogbo awọn to wa ninu ile Igboho ni wọn jigbe lọ to fi mọ awọn to n dana ounjẹ ni ile rẹ to wa ni Soka,'' Koiki ṣalaye.

Koiki fi kun ọrọ rẹ pe ohun ti awọn n gbọ ni pe o ṣeeṣe ki awọn sọja to yabo ile Igboho tun pada wa.

''Mo le sọ pe ijọba orilẹedee Naijiria lo ran awọn sọja wa si ile Sunday Ighoho.

Wọn pa awọn eeyan nibẹ, wọn si ti ko oku awọn eeyan ti wọn pa nile Sunday Igboho lọ.

N ṣe lawọn sọja naa di oju titi pa niwaju ile Igboho, ki wọn to yabo ile rẹ,'' Koiki lo sọ bẹẹ.

Bi iroyin naa ba se n lọ, la maa mu wa fun yin.