Yoruba Nation agitators: Àwọn ajìjàngbara Yorùbá Nation fipá ṣí bọ́dà Idiroko

Awọn ajijangbara to n pe fun Yoruba Nation fi ipa ṣi ibode Naijiria si Benin Republic ni Idiroko lọjọ Satide.

Wọn ni ọna ti ṣi pe kawọn eeyan maa ko ounjẹ atawọn nnkan mii wọlu lọpọ yanturu

Amọ, awọn ẹṣọ aṣọbode to n ṣọ ibode naa dawọn lọwọ kọ.

Ọdun 2019 ni ijọba apapọ gbe awọn ibode oriilẹ si Naijiria tipa ti wọn ṣi bẹrẹ si ni ko gbogbo ọja wọle lori omi nikan.

Ninu fidio kan to wa lori ayelujara ni ọkunrin kan ti n yinbọn soke tawọn eeyan to wa nibẹ ṣi n dunnu.

Ọpọ lo n sọ ninu fido naa pe kawọn ẹṣọ aṣọbode atawọn sọja wa yinbọn ma wọn ti wọn ba to bẹẹ.

A gbọ wi pe awọn ajijagbara naa ba geeti ibode Idiroko jẹ, ti wọn si n pariwo ''a ti ṣi ibode Idiroko.''

Koda, wọn lu ọkunrin kan to gbiyanju lati ṣe fidio iṣẹlẹ naa pẹlu foonu rẹ laluki.

Agbẹnusọ ileeṣẹ aṣọbode agbegbe Idiroko, Hammed Oloyede to fidi ọrọ naa mulẹ ṣalaye pe awọn ajijangbara Odua Nation ko ṣe ikọlu sawọn ẹṣọ aṣọbode.

Ọgbẹni Oloyede ni awọn ajijangbara naa kan n ṣe ti wọn ni, o ni ko si iyọnu kankan.

O fikun ọrọ rẹ pe awọn eeyan naa gbiyanju lati kọlu awọn oṣiṣẹ aṣọbode ṣugbọn awọn da wọn lọwọ kọ.