Benin artefacts: Germany ń gbèrò láti dá ère 530 ìlú Benin tí wọ́n jí padà sí Nàìjíríà
Oríṣun àwòrán, Getty Images
Orilẹede Germany ti bẹrẹ si ni gbero lati da awọn ere iṣẹnbaye ilu Benin to wa nilẹ naa pada si Naijiria.
Igbimọ kan lorilẹede Germany lo fidi ọrọ yii mulẹ fawọn akọroyin ni Ọjọru, ọjọ kẹrinlelogun oṣu kẹta ọdun 2023.
Lasiko ijọba amunilẹru ilẹ Gẹẹsi ni wọn ji awọn ere naa lati ijọba Benin lọ si Germany.
- Ayọ̀ abara tín-ín tín-ín! Wo àwọn òṣèré tó ti bímọ lọ́dún 2021 tí a wà yìí
- Christopher Sapara-Williams, ọmọ Ijesha tó di agbẹjọ́rò àkọ́kọ́ tó jẹ́ ọmọ Naijiria
- Iya Awero fẹ́rẹ̀ẹ́ bú sẹ́kún níbí tó ti tẹ́wọ́ gba ẹ̀bùn ilé tuntun
- Àlùwàlá ológbò Tinubu pẹ̀lú ₦50m tó fáwọn ará Katsina, ọgbọ́n àti kẹ́ran jẹ nínú ìbò 2023 ni
- Ṣé ǹkan ọmọkùnrín rẹ ò ní padà kéré báyìí? Wo tuntun tí onímọ̀ Sáyẹ̀nsì gbéjáde
- Ẹyọ kan lára agbára tí mo ní, ni mo lò láti mú Wakili - Gani Adams
Awọn ere yii si ti wa nile nnkan iṣẹnbaye pamọ si lati igba ti wọn ti ko wọn lọ si oke okun ni ilu Berlin tii ṣe olu ilu orilẹede Germany.
Awọn alakoṣo ibi iko nnkan iṣẹnbaye naa si lo fẹnu ko pe awọn yoo da awọn ere idẹ ilu Benin pada si ibi ti wọn ti ko wọn wa.
Ninu atẹjade kan ti wọn fi sita, igbimọ naa sọ pe ifọrọjọmi toro ọrọ ti n lọ pẹlu awọn orilẹede ti wọn ti gbe awọn ere kan wa si orilẹede Germany lati da wọn pada.
Minisita ọrọ ilẹ okeere ni Germany, Heiko Maas sọ pe ọna kan lati ṣe ododo nipa itan ikonilẹru ni dida awọn ere ọhun pada.
''Nipa awọn ere idẹ ilu Benin, a ti n ba awọn aṣoju orilẹede Naijiria ni Germany sọrọ, Maas lo sọ bẹẹ.''
Okoo le lẹẹdẹgbẹta nnkan iṣẹnbaye ilu Benin le mẹwaa(530) lo wa nile ikon nkan si to wa ni ilu Berlin.
