Obalende Shooting: Ìkọlù láàrin àjọ NURTW ní agbègbè Obalende dá wàhálà sílẹ̀

A gbọ wipe eeyan mẹfa ni ọwọ ti tẹ to lọwọ ninu iro ibọn yinyin to da gbogbo adugbo Obalende ru ni ọjọ kọkanla oṣu keji ọdun 2021.

Ileeṣẹ Ọlọ́paa ipinlẹ Eko ti kawọ iṣẹlẹ naa ko ti ohun gbogbo si ti n lọ deede bo ṣe wa tẹlẹ ni Obalende, ipinlẹ Eko.

Ninu iwadii lati gbọ wipe ikọlu kọgba naa waye laarin awọn ẹgbẹ awakọ agbegbe naa ṣugbọn ko si ẹmi kankan to ṣofo.

Ẹwẹ awọn afurasi ti ọwọ tẹ, wọn ti fi panpẹ ọba mu wọn wọn si ti ko wọn le ọlọpaa lọwọ.

Kọmiṣana ọlọpaa ipinlẹ Eko, CP HAkeem Odumosu ti kilọ pe awọn ko ni faaye gba igbesẹ ti ko ba ofin mu rara ni ipinlẹ naa.

Gẹgẹ bo ṣe tẹ wa lọwọ, iroyin n gba ori ayelujara kan pe iro ibọn n dun ni agbegbe Obalende ni ipinlẹ Eko.

Lasiko iṣẹlẹ naa, wọn afurasi to n yin ibọn ko ye ẹnikẹni amọ awọn fidio to han kaakiri oju opo ayelura fihan bi awọn eeyan ṣe n sa wọdi wọdi kiri.

Awọn eeyan ti bẹrẹ si ni fi ikilọ sita pe "ẹ dakun bi ẹ ba n lọ si Obalende, tabi agbegbe Ikoyi, ẹ pada sẹyin toripe awọn agbero n ja ti ko si tii si agbofinro kankan to yọju.

Ẹwẹ, ileeṣẹ Ọlọpaa ipinlẹ Eko ti fi ọrọ sita lori ayelujara pe "igbakeji ọlọpaa atawọn ikọ wa ti wa nilẹ lati koju iṣẹlẹ naa. Ẹ ṣeun ti ẹ kan si wa".

A n ṣe akojọpọ iroyin lọwọ...