EndSARS Protest Update: Tunde Bakare ní ìwọ́de ọ̀dọ̀ jẹ́ ìparí sáà kan àti ìbẹ̀rẹ̀ òmíràn

Oluṣọ-agutan ijọ Latter Rain, Tunde Bakare ti sọrọ fun igba akọkọ lori iwọde EndSARS ati rogbodiyan to tẹle.

Ninu ọrọ to bawọn ọmọ Naijiria sọ, eyi to fi soju opo Twitter rẹ l'Ọjọbọ ni Bakare ti bọhun nipa iṣẹlẹ ibanujẹ naa.

Bakare ni asia orileede Naijiria ti ni abawọn ẹjẹ awọn ọmọ wa pẹlu ikọlu tàwọn ologun ṣe sáwọn oluwọde ni Lekki.

"Abala keji orin ibilẹ Naijiria lo ni a o fi asia ailabawọn le awọn ọmọ wa lọwọ amọ o ṣe ni laanu pe Asia to ni abawọn ẹjẹ wọn, la fẹ gbe le wọn lọwọ".

Oluṣọ-agutan ìjọ Latter Rain fikun pe iwọde EndSARS to waye jẹ ipari iran kan lorilẹ-ede Naijiria ati ibẹrẹ iran miran.

O ni iwọde naa jẹ ifarahan ibẹrẹ orile-ede Naijiria tuntun ati ifehonuhan awọn araalu ti wọn n pe ni eeyan lasan.

Ọlọ́pàá mẹ́fà, àgọ́ ọlọ́pàá márùn-ún ló bá wàhálà ìwọ́de #ENDSARS lọ nípìnlẹ̀ Oyo - Kọ́mísánnà

Ẹ má à gbìyànjú láti bo àṣírí ìpànìyàn tó wáyé ní Lekki, á ní ẹ̀rí tó dájú - Amnesty International

Àwòrán nǹkan aláràmbarà oríṣiríṣi táwọn jàǹdùkú jí gbé lẹ̀yìn ìwọ́de EndSARS

Àwọn tó mọ̀ nípa ìpànìyàn Lekki yóò fojú winá òfin - Sanwo-Olu sí Becky Anderson

" Iwọde EndSARS lo fi da mi loju pe iran tuntun ni Naijiria ti dìde, ti wọn fi isọkan sọrọ, ti wọn ko si gba ki wọn pa ina wọn tabi fi ọwọ bo wọn lẹnu tori asiko SọrọSoke la wa yii."

Nigba to n ṣe iranti ikọọkan awọn eeyan to ku lati ọwọ ọlọpaa SARS ati lasiko iwọde, Bakare wa kesi ijọba lati fi imu awọn ologun to kọlu oluwọde ni Lekki danrin.

Bakan naa lo tun rọ ijọba lati ṣe amusẹ ibeere awọn ọdọ, ki iku awọn oloogbe ma ba a ja si asan.