Nigeria Democracy: Buhari buwọ́lu àbádòfin 'June 12' gẹ́gẹ́ bí àyájọ́ ọjọ́ ìjọba àwarawa

Lẹyin ọ rẹyin, ''June 12'' pada ayajọ ọjọ isinmi ijọba awarawa lorilẹede Naijiria lẹyin ti Aarẹ Muhammadu Buhari buwọ lu abadofin naa.

Oluranlọwọ aarẹ lori ọrọ ile igbimọ aṣofin agba l'Abuja lo fọrọ naa lede.

Ohun ti igbesẹ yii tumọ si ni pe lati akoko yii lọ, ko ni si isinmi lọjọ kọkandinlọgbọn oṣu karun un mọ to jẹ ayajọ ọjọ ijọba awarawa tẹlẹ.

NASS 2019: Gbùngbùn Àríwá ní Agbẹnusọ kàn- Umar Bago

Nigeria Senate Decides: Ta ni àṣẹ ilé aṣòfin àgbà Nàìjíríà yóò já mọ́ lọ́wọ́?

Ọjọ kọkandinlọgbọn yoo kan jẹ ọjọ ifilọlẹ ati iburawọle ijọba tuntun lorilẹede Naijiria.

Igbesẹ aarẹ lati buwọlu ''June 12'' waye ni ọjọ meji peri si ọjọ kejila oṣu kẹfa tii ṣe Ọjọru.

Laipẹ yii ni ile igbimọ aṣofin agba mejeeji l'Abuja fi abadofin naa ranṣẹ si Aarẹ Buhari.