Igun OPC: OPC ti sọnù, àwọn èèyàn ń sá fún wa láì fẹ́ darapọ̀ mọ́ wa
Omi alaafia ẹgbẹ ajijagbara OPC to n daru lati ọjọ pipẹ ko ti toro bayii nitori ipapoda oludasilẹ ẹgbẹ naa, Frederick Faseun.
Nigba ti wọn n ba ikọ BBC Yoruba sọrọ, Rasak Arogundade, to jẹ aarẹ fun igun OPC kan, New Era sọ pe, ti kii ba se ọjọ ori ti Ọlọrun fi kẹ Faseun ko to jade laye, awọn eeyan ko ba ni Ọshinbọtẹ Oodua, tii se aarẹ tuntun ti wọn yan lọjọ keji ti Faseun mi kanlẹ, lo seku paa, nitori iyansipo rẹ ti ya ju.
Lero ti Lanre Adesọpe, tii se aarẹ fun igun OPC Reformed, oun naa fara mọ pe, aarẹ tuntun ti wọn kede rẹ kii se ọmọ ẹgbẹ OPC.
Àwọn iròyin tì ẹ leè ní ìfẹ̀ síí:
- Ìbejì Oníbẹ̀mbẹ́ Òru tí kò yara wọn lẹ́yìn ọgọ́ta ọdún
- Ohùn ìjálá lásán ni mo fi ń pa ẹran nínú igbó - Ọdẹ Oníjàálá
- Mo fẹ́ ọkọ mi torí bó se ń kọrin, kìí se torí owó - Ìyàwó Aràrá
- Mo fẹ́ kí àyẹyẹ ìgbeyàwó mi dùn ni mo se bú sẹ́kún - Ọkọ ìyàwó ẹlẹ́kún
- Samuel Ladoke Akintọla jẹ́ Agbẹjọ́rò àti Akọ̀ròyìn tí ọ̀rọ̀ dá lẹ́nu rẹ̀
- Hubert Ogunde rèé, baba àwọn òsèré tíátà
- Ìyàtọ̀ wà nínú ìlépa àwọn òṣèré tíátà ayé àtijọ́ àti ìsisìnyí-Papalolo
- Tẹ̀gbọ́n-tàbúrò gé orí ọmọ aládùúgbò torí ₦200,000 owó ìkómọ
O ni arijo-ariyọ lawọn eeyan maa n ki awọn ọmọ ẹgbẹ OPC tẹlẹ, amọ lasiko yii, nse ni aye n sa fun awọn, ti wọn ko si fẹ dara pọ mọ OPC mọ.
Wayi o, igbakeji fun aarẹ OPC, Ọtunba Wasiu Afọlabi ni, ojulowo ọmọ ẹgbẹ OPC ni Ọshibọtẹ, tii se aarẹ tuntun, ti iyansipo rẹ si jẹ asọtẹlẹ Faseun ko to jade laye.
Afọlabi salaye pe, ti awọn ko ba tete yan Ọshinbọtẹ sipo, o seese ki omi ti tẹyin wọ igbin lẹnu.
