You’re viewing a text-only version of this website that uses less data. View the main version of the website including all images and videos.
Ibrahim Chatta ké gbàjarè pé inú ìbànújẹ́ ni òun wà báyìí
Gbajugbaja oṣere tiata Yoruba, Ibrahim Chatta ti sọ pe aye ti su oun.
Chatta lo kede bẹẹ ninu atẹjade kan to fi lede loju opo Instagram rẹ.
Gẹgẹ bii ohun ti gbajumọ oṣere naa sọ, o ni o ti to nnkan bii ọjọ melokan ti oun ti gbe ninu ibanujẹ.
- Ọkọ mi ti ń sọ tẹ́lẹ̀ pé òun yóò pa ara òun, àmọ́ ẹbí kò ka ọ̀rọ̀ rẹ̀ sí - Ìyàwó ọkùnrin tó bẹ́ sí odò ọ̀sà
- Ọmọ oṣù mẹ́fà tí ìròyìn sọ pé ọ̀gá ìyá rẹ̀ fi ipá gbà nítorí gbèsè nílùú Eko ti padà kú
- 'Mi ò rí ọkùnrin bá lòpọ̀ fún ọdún kan gbáko lásìkò "lockdown" àmọ́ mo dán ǹkan wò'
- Ramon Adedoyin kò gbọdọ̀ kú sí àhámọ́ ọlọ́pàá o, àwọn mọ̀lẹ́bí rẹ̀ fohùn ránṣẹ́ s'ọ́gá ọlọ́pàá Nàìjíríà
- Àjò kò lè dùn títí... Mò ń padà sí oko lẹ́yìn sáà ìjọba mi - Buhari
- Omidan tó ń wọ Hijab gba adé arẹwà Miss Nigeria fún ìgbà àkọ́kọ́
O ni "Ọlọrun jare, o ti ṣe diẹ ti mo ti n gbe pẹlu ibanujẹ ṣugbọn mo n dibọn bii pe gbogbo nnklan n lọ dede fun mi."
"Lọwọ yii, aye ti su mi, Ọlọrun jọọ, gba mi la."
Ọpọ awọn akẹgbẹ rẹ nidi iṣẹ tiata lo ti bẹrẹ si n fi adura ranṣẹ si loju opo Instagram naa lẹyin to fi ọrọ naa lede tan.
Bakan naa ni ọpọ awọn ololufe rẹ mii ti n gba niyanju lati tu ninu.
Bi awọn kan ṣe fi adura ranṣẹ ni awọn mii fi ọrọ iyanju sọwọ si, ti awọn mii pẹlu n sọ pe ki gbajunmọ oṣere naa ma mikan nitori ko si iṣoro ti Ọlọrun ko le yanju rẹ.
Wayi o, ọpọ awọn ololufẹ oṣere naa lo ti n woye eredi to ṣe fi irufẹ ọrọ bẹẹ sita lori ayelujara.
Ibrahim Chatta jẹ ọkan pataki lara awọn oṣere tiata Yoruba to dantọ ti ko si ipa ti ko le ko.
To ba jẹ ni ti ere ṣiṣe ni, Ibrahim Chatta le ṣe bii ọdọ langba, arugbo, babalawo, oniṣegun tabiu afaa.
Adura wa nip e ki Ọlọrun tu ninu, ko sib a yanju ohunkohun to ba n la kọja.
