R. Kelly jẹ̀bi ẹsùn fífi ipá bá ọmọdé ní ìbálòpọ̀ - Ilé ẹjọ́

Ile ẹjọ ti da gbajugbaja akọrin Amẹrika ni, R. Kelly lẹbi lori ẹsun pe o n ṣe agbatẹru lilo awọn obinrin ati ọmọde fun owo nọbi ati ibalopọ ti ko lẹtọ.

Wọn ni o le ni ogun ọdun to ti n wu iwa yi.

Eeyan mọkanla lo fẹsun kan an, ninu wọn ni obinrin mẹsan ati ọkunrin meji ti wọn kopa ninu igbẹjọ ọlọsẹ mẹfa gbako.

Lasiko igbẹjọ yi, wọn ṣalaye fun ile ẹjọ iriri bi olujẹjọ naa ti ṣe fipa ba awọn eyan lopọ to si tun tabuku wọn.

Lẹyin ọjọ meji ti wọn ṣe agbeyẹwo gbogbo ẹri to wa nilẹ, ile ẹjọ da R. Kelly lẹbi lori gbogbo ẹsun ti wọn fi kan an.

R. Kelly yi iwe ọjọ ori Aaliyah ko ba le rii fẹ - Agbẹjọro

Awọn agbẹjọro ijọba sọ pe R Kelly ti orukọ rẹ gangan n jẹ Robert Sylvester Kelly lo okiki ati ipo rẹ lati tan awọn to ko si ọwọ rẹ

Wọn ni o parọ fun wọn pe oun yoo ran wọn lọwọ nidi iṣẹ orin ki o le bawọn ni ibalopọ.

Ọpọ awọn to ko si lọwọ sọ pe awọn ko tii toju bọ nigba to fi ni ibalopọ pẹlu awọn.

Bẹẹ naa ni wọn ni o tapa si ofin kan ti wọn pe ni Mann Act eleyii to lodi si fifi eeyan ṣe owo nọbi laarin ipinlẹ kan si omiran.

Awọn akọroyin sọ pe niṣe ni R. Kelly kan joko to n wo sun nile ẹjọ nigba ti adajọ gbe idajọ rẹ kalẹ ni.

Wọn ko le sọ boju rẹ ti se ri nitori o wọ ibomu ti adajọ ni ki wọn wọ nitori ajakalẹ Covid-19.

Idajọ yi n waye lẹyin ọkan to waye lọdun mẹtala sẹyin ni ipinlẹ Illinois nibi ti wọn ti tu silẹ pe ko mọ si ẹsun biba ọmọde ni ibalopọ

Pupọ ninu awọn ẹsun ti wọn pada waa fi kan yii jẹyọ lẹyin ti wọn gbe fiimu kan jade ti akọle rẹ n jẹ "Surviving R. Kelly."