Six soldiers secretly executed: Ìròyìn ẹlẹ́jẹ̀ ní pé wọ́n pa ọmọ ogun mẹ́fà tó jẹ́ iran Igbo nikọ̀kọ̀ ní Abuja- Iléeṣẹ́ ológun

Ileeṣẹ ọmọ ogun ilẹ ni orilẹ-ede Naijiria ti kede pe iroyin ẹlẹjẹ ni o gab igboro kan bayii.

Wọn ni iroyin naa to n sọ pe wọn ti ṣe iku pa awọn ọmọ ogun mẹfa kan ni ikọkọ jẹ irọ to jinna si ootọ.

Iroyin naa tun ṣapejuwe awọn ọmọ ogun ti wọn pa naa pe iran Igbo ni wọn ti wa ni ila oorun guusu Naijiria tai pe ẹsin Igbagbọ ni awọn ọmọ ogun mẹfa naa n sin.

Lọsan yii ni ileeṣẹ ologun fi soju opo ayelujara twitter wọn pe iroyin ẹlẹjẹ ni iroyin naa:

Lẹyin ti wọn fi eyi sita ni oju opo ayelujara wọn ni ọpọ awọn ọmọ Naijiria ti n sọrọ pada fun wọn.

'Ẹ yé bú Seyi Makinde, owó rẹ̀ ló fí ra Ọkọ bọ̀gìnì fún Alhaja Abosede Adedibu, Taye Currency, Mutiat Ladoja'

Ọmọ ọdúnmẹ́tàdínlógún káwọ́ sẹ́yìn rojọ́ lórí ẹ̀sùn ìdúnkookò láti gbẹ̀mí ìyá rẹ̀''

Ìjọba Nàìjíríà ti sún ọjọ́ ìforúkọsílẹ káàdi ìbánisọ̀rọ̀ síwájú síi

Seyi Makinde fi ọkọ̀ ńlá mẹ́rin dá ikọ̀ Amotẹkun lọ́lá nípìnlẹ̀ Oyo

Iroyin to jade naa sọ pe Ogagun Buratai lo paṣẹ pe ki wọn pa awọn ọmọ ogun mẹfa naa nikọkọ lalẹ ọjọ to n fẹyinti kuro lẹnu iṣẹ ologun.

Awọn miran ni aṣẹ lati pa awọn ọmọ ogun ẹya Igbo méfa yii ni aṣẹ ikẹyin ti Tukur Buratai pa gẹgẹ bii adari ikọ ọmọ ogun Naijiria.

O fẹyinti lọjọ kérindinlọgbọn, osu kinni ọdun 2021.

Bẹẹ naa ni awọn eeyan miran n sọ pe ki ileeṣẹ ọmọ ogun pe ipade pẹlu awọn akọroyin ki wọn si ṣafihan awọn ọmọ ogun ti iroyin naa n sọ pe wọn ti pa danu.

Wọn ni eyi yoo jẹ ki awọn eeyan mọ pe ootọ ni ileeṣẹ ọmọ ogun Naijiria n sọ.