Commonwealth scholarship 2020/2021: Wo ìlànà ìforúkọsílẹ̀ fún ẹ̀kọ́ ọ̀fẹ́ Ph.D àti Fellowship

Ileeeṣẹ eto ẹkọ ni Naijiria, ti fi iwe ipe sita fun gbogbo ẹni to ba nifẹ, to si koju oṣuwọn, lati fi orukọ silẹ fun eto ẹkọ ọfẹ Commonwealth fun ọdun 2020/2021.

Ninu atẹjade kan to fi sita, ileeṣẹ eto ẹkọ ni awọn to fẹ kẹkọọ fun oye imọ ijinlẹ Ph.D nikan ni eto naa wa fun.

Eto ẹkọ ọfẹ yii jẹ ọkan lara ẹjẹ ti orilẹ-ede UK jẹ fun ajọ Commonwealth. Akẹkọọ to to ẹgbẹrin si lo ma n ni anfaani lati kawe fun imọ ijinlẹ keji soke, ni awọn fasiti to wa ni UK.

Bi o ṣe le fi orukọ silẹ

  • Gbogbo olukopa gbọdọ lọ si ori ayelujara cscuk.dfid.gov.uk/apply/
  • Tẹ bọtinni to ni 'Apply' ni oju ewe akọkọ
  • Ka awọn ilana, ki o si sun si isalẹ diẹ lati ṣe akọsilẹ orilẹ-ede rẹ
  • Tẹle ilana to wa nibẹ lati fi orukọ silẹ

Wo bi o ṣe le fi orúkọ̀ sílẹ̀ fún ẹ̀kọ́ ọ̀fẹ́ ìjọba Nàìjíríà fún ọdún 2021/2022

Ọmọ Risikat olójú búlúù méjèéjì jẹ̀bùn oríire àti ìfà ńlá

Nàìjíríà fohùn ránṣẹ́ padà sílé aṣofin UK pé ọ̀rọ̀ EndSars kò sí lẹ́nú wọn láìgbọ́ ìwádìí tán!

Wo ọ̀nà tóo lé tọ̀ láti gba físà tóo bá fẹ́ ṣiṣẹ́ ní UK lábẹ́ ìlànà tuntun

Ta a lo le kopa?

Lati fi orukọ silẹ fun ẹkọ ọfẹ ajọ Commonwealth, o gbọdọ jẹ ọmọ orilẹ-ede, tabi maa gbe ni orilẹ-ede to wa ninu ajọ yii.

Skip Èyítí A Ń Kà Jùlọ and continue reading
Èyítí A Ń Kà Jùlọ

End of Èyítí A Ń Kà Jùlọ

Bakan naa lo le kopa, ti o ba jẹ atipo tabi ọmọ orilẹ-ede Britain.

  • Awọn to fẹ gba oye imọ ijinlẹ Ph.D ati Fellowship lo wa fun
  • Olukopa gbọdọ ni 1st Class tabi 2nd Class Upper Division, ninu oye imọ ijinlẹ akọkọ
  • O gbọdọ ni iwe ẹri NYSC (fun awọn to jẹ ọmọ Naijiria)
  • Wọn gbọdọ ti gba olukopa si ile ẹkọ giga ni UK
  • Ọ gbọdọ tẹ fọọmu iforukọsilẹ naa jade lẹyin ti o ba ṣe akọsilẹ tan, ki o to tẹ bọtinni 'submit'
  • O si gbọdọ ni ẹri pe alamojuto eto ẹkọ rẹ 'supervisor' ni UK fi ọwọ si
  • Bakan naa ni o gbọdọ pese ẹri pe o ko ni agbara lati gbọ bukata eto ẹkọ rẹ ni UK, lai si ẹkọ ọfẹ
  • Ẹkunrẹrẹ alaye wa ni ojuopo ayelujara CSC

Awọn nkan ti o nilo fun iforuksilẹ

Ki o to bẹrẹ iforukọsilẹ, ṣe ẹda iwe irinna pasipọọti rẹ, akọsilẹ esi idanwo rẹ ni fasiti 'transcript', iwe ẹri to gba ni fasiti, oniduro meji, ati iwe igbaniwọle si fasiti.

Ọpọlọpọ ipele ninu eto ẹkọ ọfẹ yii lo wa pẹlu gbigbọ gbogbo bukata rẹ; owo ileewe, owo baalu lati jade ati pada si UK, ati owo diẹ fun bukata rẹ lasiko ti o ba fi wa nibẹ.

Ọjọ kejidinlogun, oṣu Kinni, ọdun 2021 ni iforukọsilẹ yoo pari, ọfẹ si ni patapata.